Prea Oltaim: Ol Kristen I No Lusim Pasin bilong Beten


Baibel i skulim yumi long dispela stretpela taim, o ol taim, yumi mas prea. Long wanpela, yumi mas prea olgeta taim. God i bin tok strong long ol Kristen long prea san na nait.

1 TESALONAIKA 5:17 i tok,

No ken lusim pasin bilong beten.

Wanem mining bilong dispela strongpela tok? Olsem wanem yumi bai no lusim pasin bilong beten? Ating em i minim olsem yumi bai yusim olgeta taim bilong yumi long prea, na yumi bai no mekim moa ol narapela samting, olsem wokim wok bilong kisim mani, kain olsem?

Dispela em i olsem wanem 2 TIMOTI 1:3 i mekim em klia:

Mi tok tenkyu long God, husat mi bihainim i stat long ol tumbuna papa bilong mi wantaim mausbel i klin, long mi no bin lusim pasin bilong holim tingting long yu long ol beten bilong mi nait na san.

Yu no lusim pasin bilong beten em i minim long prea nait na san. Em i minim olsem, bipo yu go long bet, o taim yu kirap long moning bihain, o bipo yu stat long mekim dispela wanpela samting yu mas mekim long wanpela de stret, yu nid long prea pastaim. Sapos yu bin inap long pinisim olgeta dispela samting yu nid long pinisim, holim long tingting olsem yu bin inap long mekim em bikos God i bin helpim yu. Olsem na, em i stretpela tasol olsem yu prea long Em, tok tenkyu long Em, bipo yu go long slip.

Bikpela Jisas Kraist i bin strongim bel bilong ol aposel long prea oltaim, na Em i bin soim ol long wanpela tok piksa wanem samting ol strongpela prea tru bilong mekim oltaim inap mekim.

LUK 18:1-7 i tok,

1 Na Em i tokim ol long wanpela tok piksa long dispela as, long ol man i mas beten olgeta taim, na ol i no ken hap i dai,
2 I spik, I gat wanpela jas i stap long wanpela biktaun, husat i no pretim God, o tingim namba bilong man.
3 Na i gat wanpela meri man bilong em i dai pinis long dispela biktaun. Na meri i kam long em, i spik, Bekim pe nogut long helpim mi long birua bilong mi.
4 Na inap long liklik taim em i no gat laik. Tasol bihain long en em i toktok insait long em yet, Maski mi no pretim God, o tingim namba bilong man,
5 Yet bikos dispela dispela meri man bilong em i dai pinis i givim wari long mi, mi bai bekim pe nogut long helpim em, nogut taim em i kam long mi olgeta taim em i mekim mi pilim les tru.
6 Na Bikpela i tok, Harim wanem samting dispela jas i no stretpela i tok.
7 Na ating i yes long God bai bekim pe nogut bilong helpim ol lain Em makim bilong Em Yet, husat i singaut long Em san na nait, maski Em i karim hevi longpela taim wantaim ol?

Bikpela Jisas Kraist i bin stori long dispela tok piksa bilong soim ples klia long ol aposel olsem, sapos jas i no stretpela i bin tok yes long dispela askim wanpela wido i wok long mekim, moa olgeta God bai harim ol prea bilong lain manmeri bilong Em. Em i bin tok, “Na ating i yes long God bai bekim pe nogut bilong helpim ol lain Em makim bilong Em Yet, husat i singaut long Em san na nait, maski Em i karim hevi longpela taim wantaim ol?”

Em i wanpela tok tru i sanap strong insait long Baibel olsem ol Kristen prea san na nait.

Narapela long prea bipo na bihain long slip, i gat ol narapela taim tu yumi sapos long prea. Yumi mas prea tu bipo long kaikai.

1 TIMOTI 4:4-5 i tok,

4 Long wanem, olgeta wan wan animal bilong God em i gutpela, na man i no ken tok nogat long wanpela samting, sapos em i kisim dispela wantaim tok tenkyu.
5 Long wanem, dispela i kamap holi long tok bilong God na prea.

Nau, yumi inap kaikai tu ol dispela kaikai God i bin tambuim long ol Isrel long kaikai olsem pik mit, kain olsem. God i bin tambuim ol Isrel long kaikai planti samting tru, tasol long taim bilong ol Kristen bipo, Aposel Pol i bin skulim ol olsem, “olgeta wan wan animal bilong God em i gutpela, na man i no ken tok nogat long wanpela samting.”

Long taim bilong yumi, long taim bilong ol Kristen, God i no tambuim yumi moa long kaikai mit. Mi tingting planti tasol bilong wanem ol husat i save kaikai kumu tasol i tok nogat long kaikai mit na pis taim Bikpela Jisas Kraist, Em Yet, i bin kaikai pis wantaim ol aposel bilong Em taim Em i bin stap hia long dispela graun! Ol man bilong kaikai kumu tasol, i no ol tasol, tasol tu ol narapela lotu long taim bilong yumi i tambuim pasin bilong kaikai mit bilong bulmakau na pik. Tok bilong God i tok, yumi ken kaikai mit nau. Tasol, yumi mas prea bipo long kaikai. Askim God long blesim dispela kaikai yu laik kaikai na klostu olgeta samting yu bai daunim.

Yumi nid tu long prea long ol taim yumi pilim bikpela hevi, taim yumi kisim taim stret na yumi no gat wanpela hap bilong go long en, taim planti hevi tru i givim wari long yumi na yumi no save moa long wanem samting yumi bai mekim. Ol dispela em i ol dispela taim yumi nidim helpim bilong God. Ol dispela em i ol dispela taim yumi nid long prea.

FILIPAI 4:6-7 i tok,

6 No ken wari long wanpela samting. Tasol long olgeta wan wan samting long prea na autim askim wantaim pasin bilong givim tok tenkyu larim God i ken save long ol askim bilong yupela.
7 Na bel isi bilong God, dispela i winim olgeta gutpela save, bai holimpas ol bel na ol tingting bilong yupela long wok bilong Kraist Jisas.

Long dispela laip, yumi gat ol wari bilong yumi yet. Yumi wari long sait bilong planti samting tru – ol hevi, ol taim hevi, ol sik, ol samting long sait bilong mani, i go. Tasol tok bilong God em i givim bel isi tru na strongim bilip tru. Yumi no nid long wari long sait bilong wanpela samting tasol long prea na autim askim wantaim givim tenkyu larim God i ken save long ol askim bilong yupela. Na bel isi bilong God, dispela i winim olgeta gutpela save, bai holimpas ol bel na ol tingting bilong yupela long Kraist Jisas.

Olsem na, olgeta wan wan taim ol hevi na ol wari i bagarapim bel bilong yumi oltaim, prea long God. Na sapos yu wanpela wokboi bilong God, yu nid long prea long wanpela taim i inap, long olgeta kain taim. Oltaim yu mas prea.

GOD I KEN BLESIM YU!

Tok Lukaut: Ol lain bilong tanim tok bilong mipela ol i lukaut na yusim gut tru save bilong ol taim ol i bin tanim dispela blog i go long Tok Pisin. Tasol, ControversyExtraordinary.com i no tok olsem olgeta infomesen ol i bin tanim i no gat asua bikos long sampela ol samting. Taim i gat sampela asua namel long rait i nambawan tru i stap long tok Inglis na rait ol i bin tanim long Tok Pisin, rait i nambawan tru i stap long tok Inglis i winim narapela oltaim.

God i Save Traim Ol Wok Manmeri bilong Em


Ol test na ol traim i kam long God. God i save traim o testim ol wok manmeri bilong Em long ol as tingting i gutpela tru.

LO 13:3 i tok,

Yu no ken harim ol tok bilong dispela profet o dispela wanpela i driman ol driman. Long wanem God BIKPELA bilong yupela i traim yupela long save olsem, yupela i laikim tru God BIKPELA bilong yupela long olgeta hap bilong bel bilong yupela na long olgeta hap bilong tewel bilong yupela.

Ol test na ol traim i stap olsem wanpela skel bilong God long lukim sapos yu sanap strong long bilip tru bilong yu, sapos yu stap strong yet, na sapos yu laikim Em tru wantaim bel olgeta bilong yu na wantaim sol olgeta bilong yu. Na taim God i pruvim yu olsem pinis, yu bai kamap inap long wanpela pe i bikpela moa olgeta.

Sapos yumi bai skelim wantaim, em i olsem tasol taim sumatin i go long skul we wanpela tisa i givim pastaim ol sumatin bilong em wanpela toktok i inap tru long het tok bilong em. Bihain, em i givim ol wanpela test o exam bilong painimaut sapos ol i tingim na sapos ol i klia long wanem samting em i bin lainim ol. Na kaikai bilong dispela test bai stap olsem skel bilong tisa bilong givim ol ol dispela mak ol i inap long en.

Dispela samting stret em i tru wantaim God. Em i skulim ol tok bilong Em long yumi, na bihain long dispela, Em bai traim yumi sapos yumi klia na sapos yumi bihainim ol skul tok bilong Em. Em bai traim yumi sapos bilip bilong yumi i no inap surik yet namel long ol taim nogut na ol salens tu. Sapos yumi abrusim traim bilong Em, orait yumi bai winim bilip bilong Em.

Bilip i no isi long kisim. Em i sampela samting yu mas wokim wok long en. Ating em i olsem, insait long wanpela hauslain tu, ol bosman bilong haus i no putim bilip hariap long wokboi bilong ol, a? Wokboi mas pruvim pastaim long ol bosman bilong em olsem ol inap putim bilip long em, olsem em i no wanpela man bilong stilim man o wanpela stilman. Bikos sapos ol bai putim bilip long em hariap long sait bilong haus bilong ol na ol pikinini bilong ol em i gat bikpela sans long givim hevi long ol, taim ol i no pruvim yet sapos ol inap putim bilip long em. Tasol taim ol i pruvim pinis olsem dispela wokboi em i man husat ol inap bilip long en na em i man bilong bihainim tok, bihain em i winim bilip bilong ol bosman bilong em.

God tu, Em Yet, i save traim ol man. Em i save painimaut ol tingting bilong ol bel na ol tingting bilong ol bilong lukim sapos ol i stap trupela na ol man Em inap bilip long ol, o nogat.

JEREMAIA 17:9-10 i tok,

9 Bel i pulap long pasin giaman antap moa long olgeta samting, na nogut olgeta. Husat i ken save long en?
10 Mi BIKPELA i painimaut tru long bel, Mi traim stia bilong bel, yes, bilong givim long olgeta wan wan man bilong bihainim ol pasin bilong em, na bilong bihainim kaikai bilong ol wok bilong em.

Na taim Em i painimaut olsem yu stap man Em inap bilip long en, man i stap inap long winim bilip bilong En, na yu no gat wanpela tingting nogut, Em bai stap wantaim yu.

1 PITA 1:6-7 i tok,

6 We yupela i wokim bikpela amamas tru insait long en, maski long liklik taim nau, sapos i gat nid, yupela i stap insait long hevi long ol planti kain kain traim.
7 Inap long traim bilong bilip tru bilong yupela, samting i stap dia tumas moa long dispela gol i dai olgeta, maski God i traim dispela wantaim paia, Em i ken lukim i go inap long biknem na ona na glori taim Jisas Kraist i kamap ples klia.

Olsem Aposel Pita i tok, maski ol test na ol traim ken givim bel hevi long yumi, tasol, yumi noken wari tumas maski sapos ol i wok long kam gen o wanpela bihain long narapela bikos, sapos yumi inap long winim olgeta bilong ol dispela, yumi gat hap long pasin bilong karim pen bilong Bikpela bilong yumi na yumi bai kamap inap long ona na glory taim Jisas Kraist i kamap ples klia.

God i save traim na testim yumi bilong lukim dip bilong bilip bilong yumi. Em i gat laik long lukim sapos yumi bai sanap strong taim yumi wokim wok long Em na bihainim tok bilong Em. Na taim yumi abrusim ol test bilong Em em bai minim kisim bek bilong yumi.

Sapos ol sumatin husat i wok long pasim olgeta taim olgeta dispela test na exam ol tisa bilong ol i givim ol i inap long graduate. Long sait bilong yumi olsem ol wok manmeri bilong God, sapos yumi bai inap long abrusim ol dispela traim God i givim yumi, sapos yumi bai inap long pruvim long Em olsem yumi gat bilip tru na yumi gat pasin bilong bihainim ol tok bilong Em, na sapos yumi bai inap long soim Em olsem yumi laikim Em tru wantaim bel olgeta bilong yumi na wantaim sol olgeta bilong yumi, orait yumi bai kamap inap long kisim kisim bek bilong sol bilong yumi.

1 PITA 1:8-9 i tok,

8 Husat, taim yupela i no lukim, yupela i laikim tru. Long husat, maski nau yupela i no lukim Em, yet yupela bilip, yupela i wokim amamas tru wantaim amamas tru i winim toktok na i pulap long glori.
9 Na yupela i kisim pinis bilong bilip tru bilong yupela, yes, kisim bek bilong ol tewel bilong yupela.

Bihain long dispela taim yumi winim pait bilong abrusim ol traim na ol test, yumi bai kisim dispela as tingting olgeta bilong bilip tru bilong yumi, dispela em i kisim bek bilong sol bilong yumi. Long dispela as em i bikpela samting tru olsem yumi wokim wok long dispela ol test na ol traim i kam long ol laip bilong yumi long pasin i bihainim Baibel.

Orait, wanem taim yumi go bungim ol hatpela samting i kamap, wanem taim yu bungim ol traim, dispela gutpela samting olgeta yu mas mekim em i prea. Noken belhat. Noken wari tumas. Prea tasol.

Em i samting nogut tasol olsem i gat ol man husat, taim ol i pesim ol test na ol traim, ol i kamap wail na ol man bilong pasin pait. Na ol i no kolim God, tasol ol i tanim i go long dring alkahol na drag. Sapos dispela bai kamap pasin bilong yu, yu bai no inap abrusim traim. Na sapos yu fel long abrusim traim, kaikai bilong em i olsem, yu bai no kamap inap long kisim wanpela pe.

Tasol sapos yu gat laik long God i givim pe long yu, yu nid long abrusim ol test na ol traim bilong Em. Noken lus tingting, pe bilong Em em i kisim bek bilong sol bilong yu.

GOD I KEN BLESIM YUMI OLGETA!

Tok Lukaut: Ol lain bilong tanim tok bilong mipela ol i lukaut na yusim gut tru save bilong ol taim ol i bin tanim dispela blog i go long Tok Pisin. Tasol, ControversyExtraordinary.com i no tok olsem olgeta infomesen ol i bin tanim i no gat asua bikos long sampela ol samting. Taim i gat sampela asua namel long rait i nambawan tru i stap long tok Inglis na rait ol i bin tanim long Tok Pisin, rait i nambawan tru i stap long tok Inglis i winim narapela oltaim.

‘Samting Hait long Sait bilong Ol Yia bilong Jisas Kraist i Lus’ Yumi Stretim Pinis


Sampela lain i tok em i luk olsem i gat sampela ol samting i lus insait long dispela stori Baibel i soim ples klia long sait bilong laip bilong Bikpela Jisas Kraist. Ol i tok olsem, wanem samting tasol Baibel i bin stori long en em i dispela taim mama karim Em na dispela taim Em i autim tok pinis, tasol ol i no bin stori gut long ol samting i bin kamap bihain long taim mama karim Em inap long dispela taim bipo long stat bilong ministri bilong Em.

Na bikos long ol dispela samting ol i tok olsem i lus, sampela ol pasta i bin wokim ol dispela kranki stori i tok olsem long ol dispela taim Kraist i no bin stap long Isrel. Ol i bin tok olsem Em i bin go long India na stadim yoga long hap, na bihain long dispela, Em i bin go bek long Isrel.

Tru tru, dispela em i wanpela bikpela giaman! I no gat wanpela taim Kraist i bin lusim Isrel. Mama i bin karim Em long hap. Em i bin go bikpela long hap. Em i bin autim tok long hap. Em i bin dai long hap. Na Em i bin kirap bek long hap. Dispela em i stori olgeta bilong Bikpela Jisas Kraist. Baibel i no bin lusim wanpela hap bilong taim insait long stori bilong laip bilong Kraist, na i no gat wanpela taim Em i bin lusim Isrel.

Stat long de mama karim Em inap long Em i gat 12-pela krismas, Jisas Kraist i bin stap insait long Nasaret wantaim foster (husat ol man i luksave olsem papamama bilong Em) papamama bilong Em.


LUK 2:41-51 i tok,

41 Nau papamama bilong Em i go long Jerusalem olgeta wan wan yia long bikpela kaikai bilong pasova. 
42 Na taim Em i gat twelpela krismas, ol i go antap long Jerusalem i bihainim kastam bilong dispela bikpela kaikai.
43 Na taim ol i bin inapim ol de pinis, taim ol i go bek, dispela Pikinini Jisas i stap bek yet long Jerusalem. Na Josep na mama bilong Em i no save long dispela.
44 Tasol tupela, taim ol i ting olsem Em i bin stap wantaim lain bilong ol, i go wanpela de wokabaut. Na ol i painim Em namel long ol kandre bilong ol na ol man ol i save long ol.
45 Na taim tupela i no lukim Em, ol i tanim i go bek gen long Jerusalem, na painim Em.
46 Na em i kamap olsem, long bihain long tripela de ol i painim Em pinis insait long tempel, taim Em i sindaun namel long ol dokta bilong lo, taim Em i harim ol, na askim ol ol askim wantaim.
47 Na olgeta husat i harim Em i kirap nogut long save na ol bekim bilong Em.
48 Na taim ol i lukim Em, ol i kirap nogut tru. Na mama bilong Em i tokim Em, Pikinini Man, bilong wanem Yu bin mekim olsem long mipela? Lukim, papa bilong Yu na mi i bin painim Yu wantaim bel i pilim hevi.
49 Na Em i tokim tupela, Em i olsem wanem long yutupela i bin painim Mi? Ating i yes long yupela i save long Mi mas stap nabaut long wok bilong Papa bilong Mi?
50 Na ol i no save gut long dispela toktok Em i tokim ol.
51 Na Em i go daun wantaim ol, na kam long Nasaret, na stap aninit long ol. Tasol mama bilong Em i holimpas olgeta dispela toktok insait long bel bilong em.

Baibel i tokim yumi olsem olgeta wan wan yia, Josep na Maria i bin go long Jerusalem bilong amamasim Pasova. God i bin tok strong long ol Ju long amamasim em bilong tingim dispela taim God i bin mekim ol i go lusim wok slev insait long Isip bilong dispela taim ol i bin pilim kisim bek na bel isi bilong God.

Dispela hap tok “passover" long Inglis, o pascha o paz long ol narapela tok ples, em i minim bel isi. Yumi mas tingim olsem long dispela nait bipo long ol Isrel i bin lusim hap graun bilong Isip, ensel bilong kilim i dai i bin kam long olgeta wan wan hauslain bilong ol Isip na olgeta namba wan pikinini bilong ol i bin dai. Tasol, em i no bin go insait long hauslain bilong ol Isrel. Tasol, em i bin wokabaut i go abrusim ol tasol. Olsem na, i no gat wanpela namel long ol i bin dai.

Pasova i minim bel isi. Taim i bin gat bikpela krai tru long olgeta Isip bikos long dispela dai bilong olgeta namba wan pikinini bilong ol, i bin gat bel isi insait long ol haus bilong ol Isrel bikos ensel bilong dai o ensel bilong kilim i dai i bin wokabaut i go abrusim ol.

Dispela em i dispela samting bilong kamap God i bin tok strong long ol Ju long amamasim olgeta wan wan yia. Na long 12-pela yia, Kraist i bin stap oltaim wantaim foster papamama bilong Em olgeta wan wan taim ol i bin go long Jerusalem bilong amamasim em.

Taim Kraist i bin gat 12-pela krismas, i gat wanpela samting i bin kamap. Josep na Maria i bin go long Jerusalem bilong amamasim Pasova, na taim ol i bin go bek long Nasaret ol i no bin luksave wantu olsem Jisas husat i gat 12-pela krismas i no stap wantaim ol. Long dispela taim olgeta ol i bin ting olsem Em i stap wantaim ol kandre na ol poro bilong ol. Taim ol i bin painimaut olsem Em i no stap wantaim ol, ol i go bek long Jerusalem na painim Em tripela de inap long ol i lukim olsem Em i stap long tempel.

Taim Maria i bin lukim Em, em i bin tokim Em, “Pikinini Man, bilong wanem Yu bin mekim olsem long mipela? Lukim, papa bilong Yu na mi i bin painim Yu wantaim bel i pilim hevi.” Bikpela Jisas Kraist i bin bekim, “Em i olsem wanem long yutupela i bin painim Mi? Ating i yes long yupela i save long Mi mas stap nabaut long wok bilong Papa bilong Mi?” Maria na Josep i no bin klia long Kraist i toktok long wanem samting tasol ves 51 i tok, “Na Em i go daun wantaim ol, na kam long Nasaret…” Dispela i minim olsem Em i bin joinim ol i go bek long Nasaret.


Em i long Nasaret we Jisas Kraist i bin go bikpela.

LUK 4:16 i tok,

Na Em i kam long Nasaret, we papamama i bin lukautim Em inap long Em i bikpela. Na, olsem em i kastam bilong Em, Em i go insait long sinagog long de sabat, na sanap bilong rit. Na Em i bin kam long Nasaret, we ol i bin lukautim Em inap long Em i bikpela pinis. Na, olsem pasin bilong Em, Em i bin go long sinagog long de sabat, na sanap bilong rit.

Ating ol bai no kolim Kraist wanpela man Nasaret sapos Em i no bin go bikpela long hap. Taim Em i bin kamap wangpela yangpela man, Kraist i bin wok long mekim wanem?

MAK 6:3 i tok,

Ating i yes long dispela em i kamda, pikinini man bilong Maria, brata bilong Jems, na Joses, na bilong Juda, na Saimon? Na ating i yes long ol susa bilong Em i stap hia wantaim yumi? Na bel bilong ol i bagarap long Em.

Kraist i bin stat pinis long autim tok. Ol i bin kolim Em dispela kamda bikos Em i bin kisim dispela naispela wok na kain wok bilong foster papa bilong Em Josep, husat em i wanpela kamda. Dispela ves i toktok tu long Em olsem pikinini man bilong Maria bikos taim Em i wok long autim tok pinis, Josep i dai pinis.

LUK 3:23 i tok,

Na Jisas Em Yet i stat long stap klostu olsem 30 krismas, taim (olsem ol i ting) Em i pikinini man bilong Josep, husat i pikinini man bilong Hilai,

Bikpela Jisas Kraist Em i bin gat 30-pela krismas nabaut taim Em i bin stat long autim tok. Dispela i minim olsem stat long taim Em i gat 12-pela krismas inap long Em i gat 30-pela krismas nabaut Kraist i bin stap long Nasaret.

Ol Ju i bin save olsem Em i pikinini man bilong Josep, wanpela kamda. Na bikos Em i stap pikinini man bilong wanpela kamda, ol i bin save tu olsem Em i no bin skul liklik. Long dispela as ol i bin kirap nogut long pasin i gutpela moa olgeta bilong Em taim ol i bin harim Em autim tok.

JON 7:15 i tok,

Na ol Ju i tingting planti, i spik, Dispela Man i save long ol leta olsem wanem, taim Em i no bin lainim?

Ol i bin save olsem Em i no gat lainim bikos ol i bin witnesim laip bilong Em, stat long taim Em i yangpela inap long taim olsem Em i wok long autim tok pinis. Long dispela as em i kranki tru long bilip olsem Em i bin lusim Isrel na go long India, na stap long dispela hap long 18-pela yia, bikos i gat ol man husat i bin witnesim klostu olgeta laip bilong Em.


Baibel em i stap inap tru long stori bilong en. I no gat wanpela taim Kraist i bin lusim Isrel. Em i bin stap long dispela hap. Em i bin wokim wok kamda long dispela hap (long Nasaret). Em i bin autim tok long dispela hap. Bihain long autim tok, ol i bin nilim Em long diwai kros. Taim Em i bin dai, Em i bin kirap bek bihain long tripela de. Em i bin stap wantaim ol aposel na skulim ol long 40-pela de na 40-pela nait. Bihain long 40-pela de, ol aposel i bin witnesim Em i go antap long heven. Dispela em i stori olgeta bilong Kraist. I no gat wanpela samting i lus.

APOSEL 1:21-22 i tok,

21 Olsem na bilong ol dispela man husat i bin wokabaut wantaim yumi olgeta taim long Bikpela Jisas i go insait na ausait namel long yumi,
22 I stat long baptais bilong Jon, i go inap long dispela de stret long God i kisim Em i lusim yumi i go antap, yumi mas makim wanpela bilong stap witnes wantaim yumi long kirap bek bilong Em.

Luk i bin gat gutpela save i inap tru long sait bilong olgeta samting i bin kamap, na i no gat wanpela taim em i bin toktok insait long buk bilong em olsem long wanpela taim stret Bikpela Jisas Kraist i no bin stap long Isrel o olsem Em i bin stap long narapela hap.

LUK 1:1-3 i tok,

1 Bikos planti i bin kisim wok long han bilong ol long putim klia long lain wanpela tokaut long ol dispela samting, dispela, tru tumas, ol man i bilip namel long yumi,
2 Yes, olsem ol i givim ol long yumi, husat long stat em ol witnes i lukim long ai, na ol wokman bilong tok bilong God,
3 Em i luk olsem i gutpela long ai bilong mi tu, taim mi bin gat save i inap tru long olgeta samting i kam long pastaim tru, long raitim long yu long lain, Tiofilas i gutpela olgeta moa,

Luk, olsem wanpela evanselis, i bin painimaut gut olgeta olgeta samting stat long pastaim tru. Long dispela as stori bilong em long sait bilong stori bilong laip bilong Bikpela Jisas Kraist em i inap tru na olgeta samting i stap insait long em, taim em i bihainim stretpela lain bilong taim bilong kamap bilong ol.

Gutnius bilong Em i bin stat wantaim toktok bilong em inap long ol man i save long Seint Jon dispela Baptist husat, long taim bilong em, em i dispela wan husat i bin toktok inap long ol man i save long Kraist. Na bihain em i bin toktok long sait bilong dispela taim mama karim Kraist na mama karim Em we, wantaim dispela mun na yia mama karim Em. 

Em i bin stori gut tu olsem wanem, long 12-pela yia, Kraist i bin joinim foster famili bilong Em taim ol i bin go long Jerusalem olgeta wan wan yia bilong tingim na amamasim Pasova, na tu, olsem wanem Em i bin wok olsem wanpela kamda. Na taim Em i bin gat 30-pela krismas, Em i bin kisim baptais long Jon dispela Baptist, na bihain, Em i bin stat long autim tok, i go. Na las olgeta, dai, kirap bek na taim bilong go antap long heven bilong Em. Em i minim olsem, wanem samting Luk i bin stori long en em i wanpela stori i inap tru long sait bilong laip bilong Kraist. I no gat wanpela samting i lus.

God i ken blesim yu!

Tok Lukaut: Ol lain bilong tanim tok bilong mipela ol i lukaut na yusim gut tru save bilong ol taim ol i bin tanim dispela blog i go long Tok Pisin. Tasol, ControversyExtraordinary.com i no tok olsem olgeta infomesen ol i bin tanim i no gat asua bikos long sampela ol samting. Taim i gat sampela asua namel long rait i nambawan tru i stap long tok Inglis na rait ol i bin tanim long Tok Pisin, rait i nambawan tru i stap long tok Inglis i winim narapela oltaim.

Ol Bodi bilong Yumi i Wanpela Sakrifais I Stap Laip


Long taim bilong yumi nau, ating wanpela man inap ofaim yet wanpela sakrifais long God, o? Na yumi mas ofaim wanem samting?

Em i stap ples klia tru nau olsem planti ol pasta i askim ol memba bilong ol long ofaim mani na ol narapela samting bilong bodi sait bilong sakrifais. Olsem na em i gutpela tingting tasol long painimaut long Baibel sapos ol dispela i ol ofa na ol sakrifais i stretpela, dispela wanpela Kristen i gat nid long ofaim long God.

I gat dispela planti ol sakrifais yu ken ritim insait long Baibel, olsem sakrifais bilong kain kain ol animal. Tasol yu mas save gut olsem taim Bikpela Jisas Kraist i bin kam Em i bin stopim ol olgeta.

HIBRU 10:5-7 i tok,

5 Olsem na taim Em i kam long dispela graun, Em i tok, Sakrifais na ofa Yu no laikim, tasol wanpela bodi Yu bin redim long Mi.
6 Long ol ofa i kuk olgeta na ol sakrifais bilong sin Yu no bin gat amamas.
7 Nau Mi tok, Harim, Mi kam (long hap bilong buk rait i stap pinis long sait bilong Mi,) bilong mekim laik bilong Yu, O God.

Taim Bikpela Jisas Kraist i bin kam long dispela graun Em i bin tok olsem God i no gat laik moa long ol sakrifais na ol ofa wankain olsem wanem samting ol Israel i bin mekim. Tingim olsem ol Israel i bin sakrifaisim ol animal na ofaim ol long God long kain kain ol as tingting. Ol dispela sakrifais i no stap moa wanem samting God i askim strong long yumi bikos Em i bin givim bodi bilong Bikpela Jisas bilong sakrifaisim.

Taim Bikpela Jisas Kraist i bin kam, Em i bin gat sampela samting insait long Em bilong sakrifaisim long taim bihain, na dispela em i bodi bilong Em. Ol i bin nilim bodi bilong Em long diwai kros olsem wanpela sakrifais long ol sin bilong yumi. Dispela em i as bilong wanem yumi no gat nid long sakrifaisim ol animal moa bikos Bikpela Jisas Kraist i bin mekim sakrifais i inap olgeta.

HIBRU 10:10 i tok,

Long dispela laik bilong God yumi kamap holi long ofa bilong bodi bilong Jisas Kraist wanpela taim bilong olgeta.

Wanem samting Bikpela Jisas Kraist i bin mekim em i wanpela sakrifais i inap. Pasin bilong ofaim bodi bilong Em i wanpela taim bilong olgeta. Tasol bilong wanem planti ol pasta nau i skulim ol manmeri long sakrifaisim ol animal na, moa yet olgeta, mani? Em i bikos em bai helpim ol. Em i bikos ol i gat bikpela pasin bilong laikim tru mani.

Sapos yumi gat laik long ofaim ol sakrifais nau, yumi mas lukluk long ol sakrifais bilong yumi i bihainim Gutnius bilong Bikpela Jisas Kraist.

ROM 12:1 i tok,

Olsem na mi askim yupela long daun pasin, ol brata, long ol sori bilong God, long yupela i bringim ol bodi bilong yupela olsem wanpela sakrifais i stap laip, holi, samting God i orait long en, dispela em i wok bilong yupela stret long spirit sait.

Dispela em i dispela sakrifais Bikpela Jisas Kraist i bin skulim long yumi. Dispela ves i tokim yumi olsem yumi inap givim ol bodi bilong yumi olsem wanpela sakrifais i stap laip long God, dispela em i lotu bilong yumi long Em long spirit sait. Askim i olsem, olsem wanem yumi inap givim ol bodi bilong yumi olsem wanpela sakrifais i stap laip long God?

ROM 6:13 i tok,

Na tu yupela i no ken givim ol hap bilong bodi bilong yupela olsem ol samting bilong wokim pasin i no stretpela i go long sin. Tasol givim yupela yet i go long God, olsem ol dispela husat i stap laip long dai, na ol hap bilong bodi bilong yupela olsem ol samting bilong wokim stretpela pasin i go long God.

Long kamap wanpela sakrifais i stap laip, yumi mas yusim yumi yet olsem olsem ol man husat stretpela pasin bilong God i yusim. Yumi nid long kamap ol man husat God i yusim long mekim gutpela long ol narapela man. Wankain olsem wanem samting Jop i bin mekim.

JOP 29:15 i tokim yumi,

Mi stap ol ai bilong aipas, na mi stap ol lek bilong lek nogut.

Jop i bin yusim em yet, ol hap bilong bodi bilong em, long wokim wok long ol narapela man. Em i bin kamap wanpela man husat stretpela pasin bilong God i yusim. Em i bin kamap ol ai bilong ol aipas man na ol lek bilong ol lek nogut. Em i minim olsem, em i bin wokim wok long ol man husat i no inap helpim ol yet na ol husat i gat nid. Jop i bin mekim ol gutpela samting long ol narapela man. Long dispela pasin, em i bin inap long sakrifaisim bodi bilong em yet olsem wanpela ofa bilong stretpela pasin.

Olsem na, long taim bilong yumi, sakrifais em i no pasin bilong ofaim mani na ol narapela samting bilong bodi sait tasol olsem planti ol pasta i strong long en. Rait Holi i tok olsem yumi inap ofaim ol bodi bilong yumi olsem wanpela sakrifais long God taim yumi mekim gutpela na taim yumi soim gutpela pasin long ol narapela. AMEN!

Tok Lukaut: Ol lain bilong tanim tok bilong mipela ol i lukaut na yusim gut tru save bilong ol taim ol i bin tanim dispela blog i go long Tok Pisin. Tasol, ControversyExtraordinary.com i no tok olsem olgeta infomesen ol i bin tanim i no gat asua bikos long sampela ol samting. Taim i gat sampela asua namel long rait i nambawan tru i stap long tok Inglis na rait ol i bin tanim long Tok Pisin, rait i nambawan tru i stap long tok Inglis i winim narapela oltaim.

Stap bilong Kraist I Bin Stat long Oltaim Oltaim, I No long Bel bilong Maria. Ful Stop.


Stap bilong Bikpela Jisas Kraist i bin stat long wanem taim na long wanem hap? Stap bilong Em i bin stat tasol taim Maria i bin kisim bel long Em, wankain olsem wanem samting Iglesia ni Cristo (Sios bilong Kraist) bilong Manalo i bilipim?

Dispela bilip stret bilong dispela lotu lain em ol i autim long wanpela rait insait long pablikesen bilong ol i gat namba, nem bilong em Pasugo, we em i tok olsem,

Translesen:
Ating i bin gat wanpela Kraist long stat bipo long God i bin wokim dispela graun? Bekim em i klia bilong bihainim wanem samting ensel bin tokim Maria, olsem em bai kisim bel na karim wanpela pikinini man husat nem bilong em ol bai kolim Jisas, Luk 1:31. I kam long bekim ensel bin givim, stap bilong Kraist i bin stat insait long bel bilong Maria husat no bin slip wantaim man.


INC bilong Manalo em i tok olsem stap bilong Kraist i bin stat tasol taim ensel bin tokim Maria, “yu bai kisim bel insait long bel bilong yu.” Dispela i minim olsem bipo long Maria i kisim bel, i no gat Kraist husat i stap yet. Tasol sapos yu bai go antap long tok insait long Luk 1:31, “Na, lukim, yu bai kisim bel insait long bel bilong yu, na karim wanpela pikinini man, na yu bai kolim nem bilong em JISAS” yu bai luksave olsem dispela ves i no bin tok olsem stap bilong Kraist i bin stat tasol insait long bel bilong Maria.

Taim yu toktok long saiens, laip bilong man i no stat insait long bel bilong mama tasol long namel bilong bel bilong papa. Identity (wanpela man i husat) bilong wanpela man i stat long namel bilong bel bilong papa bilong em. Maski DNA bilong em, dispela em i plen bilong stap bilong yumi, em i kam long mama na papa bilong em wantaim, tasol, taim yu toktok long Baibel, wanem samting i kam long papa em i gat bikpela kaikai moa.

HIBRU 7:9-10 i tok,

9 Na olsem mi ken tok olsem, Livai tu, husat i kisim namba ten hap, i baim namba ten hap insait long Ebraham.
10 Long wanem, em i stap yet insait long namel bilong bel bilong papa bilong em, taim em i bungim Melkisedek.

Long spirit sait na long sait bilong saiens, Livai i bin stat long namel bilong bel bilong Ebraham. Em i bin stap pinis insait long namel bilong bel bilong Ebraham 450 yia bipo long mama karim em. Dispela i minim olsem taim yu toktok long saiens, DNA bilong wanpela ken kam long longwe inap namba seven inap long namba ten lain tumbuna i go bek.

Bilong bihainim saiens, wanpela sel i stap laip i kamap ausait long 23-pela chromosome (bung bilong ol DNA) i kam long papa na narapela 23-pela chromosome i kam long mama. Tru tru, olgeta sel insait long bodi bilong yumi, olsem ol sel insait long ol bun bilong yumi, insait long ol ligemen (samting bilong holim ol bun long ples bilong ol), insait long mit bilong yumi, i go, ol i gat 46-pela chromosome. Sperm cell (sel bilong man bilong kamapim pikinini) bilong wanpela man na egg cell (sel bilong meri bilong kamapim pikinini) i kam long wanpela meri, olgeta wan wan bilong ol tasol i gat 23-pela chromosome. Olgeta narapela sel i gat 46. Tasol taim sperm cell na egg cell i bung na kamap wanpela, wanpela nupela sel wantaim 46-pela chromosome i kamap. Bihain dispela nupela sel bai kamap wanpela fetus (liklik bebi tru insait long bel), dispela mama bai karim olsem wanpela nupela man bihain long 9-pela mun.

Poin mi traim long soim em i olsem. Maski Livai bai bon yet 450 yia bihain, em i bin stap pinis insait long namel bilong bel bilong Ebraham. Em i minim, dispela DNA i stap pinis insait long Ebraham bai pasim i go long Livai 450 yia bihain. Long pruvim olsem long bodi sait na long sait bilong saiens, tru tru ol stap bilong yumi i no stat long bel bilong ol mama bilong yumi. Long dispela as em i rong long sait bilong saiens long tok olsem stap bilong Kraist i bin stat tasol taim Maria i bin kisim bel long Em insait long bel bilong en. Na em i rong tru tu, taim yu toktok long spirit sait. Bilong wanem? Bikos stap bilong Kraist i no bin stat hia long Dispela Graun!

HIBRU 10:5 i tok,

Olsem na taim Em i kam long dispela graun, Em i tok, Sakrifais na ofa Yu no laikim, tasol wanpela bodi Yu bin redim long Mi.

Dispela ves i toktok long Bikpela Jisas Kraist. “taim Em i kam long dispela graun” i minim olsem Em i no bin stat long dispela graun. Tasol taim Em i bin kam long dispela graun, God i bin redim wanpela bodi long Em. Dispela em i wanem bodi? Em i dispela bodi Maria i bin kisim bel long en. Dispela em i dispela bodi i bin stat i kam long Maria – dispela bodi bilong Kraist long bodi sait.

JON 1:14 i tok,

Na dispela Tok i kamap Man…

Sapos Kraist i no bin stat long dispela graun, orait long wanem hap?

MAIKA 5:2 i tok,

Tasol yu, Betlehem Efrata, maski yu stap liklik namel long ol tausen bilong Juda, yet ausait long yu bai em i kam ausait i kam long Mi husat i mas stap hetman bilong Isrel, husat ol wokabaut i go ausait bilong em em i bin bilong bipo, bilong oltaim oltaim bipo.

Bilong bihainim tok profet bilong Maika, i kam long Betlehem Em husat bai bosim Israel bai kamap, na dispela hetman i bin kam long oltaim oltaim bipo, we Papa i bin kamapim Em.

SAM 2:7 i tok,

Bai Mi autim dispela lo, BIKPELA i bin tokim Mi olsem, Yu Pikinini Man bilong Mi. Long dispela de Mi bin kamap papa bilong Yu.

Papa i bin kamapim Kraist, na em i dispela wanpela samting tru i stap long Baibel sampela lain i tok nogat long bilipim. Tasol dispela em i tok tru. Papa i bin kamapim Pikinini Man bilong Em bipo long kamapim long nating dispela graun.

JON 3:6 i tok,

Dispela samting bodi i karim em bodi. Na dispela samting Spirit i karim em spirit.

Em husat bodi i karim em i bodi. Na em husat Spirit i karim em i spirit. Orait spirit inap karim spirit.

HIBRU 12:9 i tok,

Na moa tu yumi bin gat ol papa bilong bodi bilong yumi husat i stretim yumi, na yumi givim ol biknem tru. Ating em i no mobeta moa long yumi ken stap aninit long Papa bilong ol spirit, na stap laip?

God Papa Em i wanpela spirit. Ol i kolim Em tu, “Papa bilong ol spirit.” Long as tru bilong em, God ol i kolim Papa bilong ol spirit bikos Em i bin kamapim Pikinini Man bilong En olsem wanpela spirit i stap na Em i bin kamapim long nating ol spirit i stap olsem ol ensel!

JON 4:24 i tok,

God em i wanpela Spirit. Na ol husat i lotuim Em i mas lotuim Em long spirit na long pasin i tru.

Inap long yumi bai no paul, oltaim yumi mas tingim olsem i gat tupela samting i stap insait long Kraist: namba wan, dispela Spirit Papa i bin kamapim, na namba tu, dispela bodi Maria i bin karim. Em husat i bin kam insait long dispela graun Em i dispela Pikinini Man bilong God husat Papa i bin kamapim, long spirit sait, long oltaim oltaim bipo. Na taim Pikinini Man bilong God i bin kam insait long dispela graun, Em i bin stap insait long bodi bilong dispela pikinini man Maria i bin karim.

Wanem samting INC bilong Manalo i haitim long ol memba bilong em em i dispela samting tru insait long Baibel olsem Papa i gat wanpela Pikinini Man husat Em Em Yet i bin kamapim.

HIBRU 1:4-6 i tok,

4 Taim God i mekim Em stap gutpela moa tru long ol ensel, olsem Em i bin kisim long samting papa i givim pikinini wanpela nem i gutpela moa olgeta long ol.
5 Long wanem, long husat bilong ol ensel Em i tok long wanpela taim, Yu stap Pikinini Man bilong Mi, dispela de Mi bin kamapim Yu? Na gen, Mi bai stap long Em wanpela Papa, na Em bai stap long Mi wanpela Pikinini Man?
6 Na gen, taim Em i bringim namba wan Pikinini Em i kamapim i kam long dispela graun, Em i tok, Na larim olgeta ensel bilong God lotuim Em.

Namba wan pikinini Papa i bin kamapim Em i Kraist, na God i bin bringim Em i kam insait long dispela graun tasol. Em i no bin stat hia bikos Em i bin kam long oltaim oltaim bipo.

Nau, Kraist i bin stap we bipo long Papa i bin kamapim o karim Em?

JON 1:18 i tok,

I no gat man i bin lukim God long wanpela taim, dispela wanpela God tasol Em i kamapim, husat i stap long bel bilong Papa, Em i bin tokaut long Em.

Kraist i bin kam long bel bilong Papa na Em i dispela wanpela tasol Papa i bin kamapim.

New American Standard Bible i tanim mobeta JON 1:18 bikos em i bihainim Baibel long tok Grik. Em i tok,

No one has seen God at any time; the only begotten God, who is in the bosom of the Father, He has explained Him.

Long nambawan tru rait long tok Grik, em i tok “dispela wanpela God tasol Em i bin kamapim.”

IΩANNHN 1:18 (Wescott-Hort long tok Grik taim ol i tanim olgeta wan wan leta long Inglis):

Theon oudeis eoraken popote monogenes theos o on eis ton kolpon tou patros ekeinos exegesato.

“MONOGENES THEOS” = God husat Em i bin kamapim

Kraist i bin stap insait long bel bilong Papa. Em i bin stap wanpela hap bilong Stap bilong Papa long oltaim oltaim. Tasol, taim i bin kam olsem Papa i mas karim Em.

JON 17:5,24 i tok,

5 Na nau, O Papa, Yu givim glori long Mi wantaim Yu Yet wantaim dispela glori Mi bin gat wantaim Yu bipo long dispela graun i stap. 
24 Papa, Mi gat laik long ol tu, husat Yu bin givim Mi, i ken stap wantaim Mi we Mi stap. Inap long ol i ken lukim glori bilong Mi, dispela Yu bin givim Mi. Long wanem, Yu laikim Mi tru bipo Yu slipim ol as ston bilong dispela graun.

Bipo long kamapim long nating dispela graun, Kraist i bin kisim na amamas pinis long dispela glori i bin kam long Papa. Dispela em i wanem samting? Em i dispela glori bilong stap Pikinini Man bilong God. “Yu pikinini man bilong mi,” Papa i bin tokim Em, bikos Em i dispela wan husat i bin karim Kraist. Em i bin kamapim Em.

Wanem samting ol narapela i gat tupela tingting long en em i long Papa inap long karim wanpela pikinini man bikos Em i wanpela man (i no meri) tasol.

Tru tru, i gat rot long wanpela man inap long karim pikinini long bodi na spirit sait wantaim.

Long bodi sait, wanpela man inap karim pikinini.


Em i seahorse (kain animal bilong solwara i luk olsem wanpela liklik hos) man husat i save gat bel na karim pikinini.

Sapos i gat rot long wanpela man inap long karim pikinini long bodi sait, moa yet olgeta i gat rot long em long spirit sait. God I Gat Olgeta Strong, na bikos Em i wanpela God I Gat Olgeta Strong, mi no ting em bai hatpela long Em long karim o kamapim wanpela Pikinini Man.

SAM 94:9 i tok,

Man i bin wokim ia, ating bai Em i no harim, a? Man i bin wokim ai, ating bai Em i no lukim, a?

Ol man inap long lukluk na harim. Ol dispela strong i bin mekim man painimaut ol dispela as tingting i bosim ol sens bilong lukluk na harim bilong yumi, dispela yumi bin yusim bihain taim yumi bin wokim kemra, wanpela ai i kisim ol piksa, na maikropon, wanpela yau i harim na i toktok strong long wanem samting em i harim.

Sapos yumi ol man, maski yumi gat mak bilong strong, yumi inap long kamapim ol samting i mekim ol man i tingting planti olsem kemra na maikropon, hamas moa God I Gat Olgeta Strong! “Man i bin wokim ia, ating bai Em i no harim, a? Man i bin wokim ai, ating bai Em i no lukim, a?” Bilong bihainim ol dispela lain, ating yumi no inap askim, “Em husat i bin wokim bilum bilong pikinini, ating bai Em i no inap long karim pikinini, a?” Tru tru i gat rot long dispela wantaim God.

Stap bilong Bikpela Jisas Kraist i bin stat long oltaim oltaim wantaim Papa. Tru tru, tupela i bin stap wantaim long taim bilong kamapim long nating dispela graun.

PROVEP 30:4 i tok,

Husat i bin go antap long heven, o kam daun? Husat i bin bungim win long ol han bilong en i pas bilong pait? Husat i bin pasim ol wara long wanpela klos? Husat i bin strongim olgeta hap bilong dispela graun? Wanem em i nem bilong Em, na wanem em i nem bilong pikinini man bilong Em, sapos yu inap long tokaut?

Papa na Pikinini Man Ol i ol dispela lain husat i bin kamapim long nating olgeta samting, man tu wantaim. Taim God i bin kamapim long nating namba wan man, Jenesis 1:26 i tok, “Na God i bin tok, Larim Yumi wokim man long piksa bilong Yumi, i bihainim lukluk bilong Yumi…” Ol dispela hap tok “yumi” na “bilong yumi” i minim olsem Papa i bin toktok wantaim narapela husat i bin stap wantaim Em, na dispela em i Pikinini Man bilong Em husat Em i bin kamapim long oltaim oltaim bipo.

Wanem samting INC bilong Manalo i no inap kisim em i pasin bilong stap God bilong Bikpela Jisas Kraist. Long ai bilong ol, i gat wanpela God tasol, na dispela em i Papa. Mi no tok nogat long i gat wanpela God, tasol yumi mas mekim klia husat em i dispela wanpela God insait long Baibel. Tok Hibru ol i bin yusim em i Elohim, dispela em i minim planti bilong hap tok Eloah, we dispela i minim God. Olsem na, Elohim i minim ol God. Elohim i bin tok, “Larim Yumi wokim man long piksa bilong Yumi.”

I gat wanpela Elohim tasol, tasol insait long dispela wanpela Elohim i stap i no Papa tasol. Wankain olsem wanpela band bilong pilai musik. Maski yumi kaunim wanpela band bilong pilai musik olsem wanpela, tasol sampela lain bilong pilai musik i stap insait long em. Nogut insait long em i gat wanpela man bilong pilai kibod, wanpela man bilong pilai gita, wanpela man bilong paitim dram, wanpela man bilong pilai violin, wanpela man bilong winim biugel, i go, tasol yumi kolim em wanpela band. Em i wankain olsem wantaim famili, dispela tu i toktok long wanpela, tasol insait long wanpela famili, i gat papa, mama, ol pikinini, na ol tumbuna papamama i stap.

Mi traim long tok wanem? Dispela wanpela God Baibel i toktok long en Em i kam long hap tok Hibru Elohim, we dispela i minim planti lain stap insait. Em i minim olsem, i no Papa wan tasol i stap. Nogat. Insait long Elohim, Papa, Pikinini Man, na Holi Spirit i stap.

Mi klia tru olsem dispela em i sampela samting i no gat wanpela taim ol minista bilong INC bilong Manalo bai skulim ol memba bilong ol. Na ol bai no ritim JON 1:18 long ol long dispela nambawan tru vesen long tok Grik we em i kolim Kraist olsem “Monogenes Theos” o “dispela wanpela God tasol Em i bin kamapim” bikos em bai brukim dispela skul tok bilong ol bilong moa long handet yia olsem Kraist Em i wanpela man tasol husat stap bilong em i bin stat taim Maria i bin kisim bel long Em insait long bel bilong en.

Tasol, ol dispela ves mi bin kolim ol i moa long inap bilong pruvim olsem stap bilong Kraist i no bin stat insait long bel bilong Maria bikos bipo long em i kisim bel, Em i bin stap pinis wantaim Papa long oltaim oltaim bipo. Em i bin stap wantaim Papa long taim olgeta bilong wokim olgeta samting, na Em i wanpela husat i gat pasin bilong stap God – Baibel i kolim Em “dispela wanpela God tasol Em i kamapim” o “Monogenes Theos.” AMEN!

Tok Lukaut: Ol lain bilong tanim tok bilong mipela ol i lukaut na yusim gut tru save bilong ol taim ol i bin tanim dispela blog i go long Tok Pisin. Tasol, ControversyExtraordinary.com i no tok olsem olgeta infomesen ol i bin tanim i no gat asua bikos long sampela ol samting. Taim i gat sampela asua namel long rait i nambawan tru i stap long tok Inglis na rait ol i bin tanim long Tok Pisin, rait i nambawan tru i stap long tok Inglis i winim narapela oltaim.

Olsem Wanem Ol Dispela Lotu I Yusim Baibel Kranki Ol I Bringim Hevi long Ol Manmeri

Proofs that the Bible is Reliable and Truthful

Wanpela bilong ol as tingting bilong wanem sampela ol man i gat tupela tingting long yu inap bilip long Baibel na em i gat namba olsem wanpela as bilong tok tru, em i dispela samting tru olsem planti ol lotu nau, maski ol i tok olsem Baibel em i as ston bilong ol bilip bilong ol, ol i gat narakain narakain ol skul tok, ol pasin lotu na ol bilip. Kain olsem, ol i no luk olsem ol i gat wanpela wankain bilip na ol i no sherim wanpela wankain set bilong ol skul tok na ol doktrin.

Long tok stret, ol lotu husat i tok olsem Baibel em i as ston bilong bilip bilong ol, i no olgeta bilong ol i tok tru. Planti bilong ol i no yusim Baibel olsem as bilong bilip bilong ol, tasol ol i holimpas na pas moa long ol dispela as tingting bilong bilip Baibel i no skulim, olsem Katolik Sios i save mekim tasol.

Katolik Sios i bin wokim planti tru ol dispela as tingting bilong bilip i no gat as bilong ol insait long Baibel, na yet ol Katolik i no gat wanpela tok birua long kisim na bihainim ol. Kain olsem, ol i bilip olsem Maria i no bin gat sin na i stap klin inap tru, tasol i no gat wanpela taim Baibel i tok olsem Maria i no bin mekim wanpela sin olgeta. Ol i bilip tu olsem taim em i bin dai, ol i bin bringim bodi bilong em tu i go long heven. Tasol, dispela i no stap insait long Baibel. Em i birua tu long Baibel. 


Translesen:
Catholic Life page 63
Nihil Obstat: Artemio G. Casas
Imprimatur: Rufino J. Santos

God i bin gat laik long mama bilong Pikinini Man bilong Em bai i gat (o kisim) pasin holi i inap tru. Olsem na taim Maria bin kamap long bel bilong mama bilong en, wantu God i bin mekim em narakain inap long em i no kisim sin nambawan tru. Dispela em i wanem samting yumi kolim Immaculate Conception (Kisim Bel Klin Tru Olgeta), dispela Pop Paias Namba Nain i bin givim orait na tokaut klia long en long 1854 olsem wanpela bilong ol as tingting bilong bilip bilong lotu Katolik.


Translesen:
Catholic Life page 63
Nihil Obstat: Artemio G. Casas, Pbro.; Imprimatur: Rufino J. Santos, D.D.
Gerard Linssen C.I.C.M., S.T.D. i bin raitim dispela (Written by Gerard Linssen C.I.C.M., S.T.D.)

Taim Seint Mary bin dai, ol i bin bringim em i go antap long heven, sol na bodi wantaim. God i no bin larim bodi holi olgeta bilong Maria (husat Em i bin yusim bilong karim man bodi bilong Jisas) long bagarap. Dispela glori bilong ol seint ol i wetim tru olgeta long kirap bek, ol i bin givim long holi Mama bilong God long dispela taim stret bilong dai bilong em. Bihain long em i bin gat hap insait long pasin bilong karim pen na dai bilong Pikinini Man bilong em, Em i bin kisim wanpela nambawan blesing long stap wantaim Em hariap long kirap bek na glory bilong Em.

Taim planti ol lotu nau i no wanbel bikos long ol samting i no wankain long ol skul tok bilong ol, dispela i soim ples klia olsem ol i no save gut long tok bilong Baibel. Sapos tru ol i bilong God, na sapos ol bilip bilong ol wan wan, olgeta yet ol i bin putim antap long Baibel, olsem ol i tok, kain ol pasin i no wanbel na ol pasin birua bai no stap. Dispela i pruvim tasol i no tru olsem Baibel em i as ston bilong bilip bilong ol, tasol narapela samting.

APOSEL 4:11 i tok,

Dispela em i dispela ston yupela man bilong wokim haus i bin mekim olsem i samting nating, husat i kamap het bilong kona.

As ston bilong Kristen bilip em i Kraist. Kraist Em i nambawan kona ston bilong Kristen bilip. Ol Kristen mas i no gat arapela as ston tasol Kraist. Planti ol lotu nau i gat ol hevi long sait bilong skul tok bikos Kraist i no stap as ston bilong bilip bilong ol, na tu ol i no luksave long Baibel olsem wanpela buk bilong tok tru i gat namba. Tasol, bilip bilong ol i stap moa antap long ol bilip na ol tingting bilong ol man, na ol as tingting ol man i bin wokim.

Tru tru, Baibel em i wanpela as bilong tok tru yu inap bilip na hop long en. Archaeology (stadi bilong painim ol samting bilong taim bipo), histori, saiens, na planti ol narapela lain bilong stadi, ol i bin pruvim olsem Baibel em i wanpela samting i gat namba long tok tru, maski em i long sait bilong spirit, saiens, o histori. Larim mi givim wanpela piksa bilong pruvim poin bilong mi.

Long taim bipo, ol man i bin bilip olsem dispela graun i stretpela. Tru tru, inap nau, i gat sampela yet husat i bilip olsem dispela graun i stretpela na i no raunpela. Ol dispela lain i kolim ol yet “flat earthers”. Bilong pruvim olsem dispela graun i raunpela, ol i bin wokim wanpela experiment (pasin na rot bilong pruvim sapos wanpela tingting i tru o nogat). Wanpela sip wantaim wanpela seil i gat planti kala, ol i larim em i go long dispela hap we solwara na skai i bung. Taim em ron i go yet, ol i bin lukim olsem wanem sip i bin lus isi isi, inap long em i lus olgeta long lukluk bilong ol. Dispela i pruvim olsem dispela graun i no stretpela. Sapos yu lukluk long live feed (ol vidio bilong ol samting i wok long kamap nau yet) bilong International Space Station (wanpela stesin bilong mekim ol stadi long dispela graun i stap long spes ausait long dispela graun), yu bai lukim raunpela bilong dispela graun.


Maski International Space Station i no inap long kisim piksa olgeta bilong dispela graun bikos dispela samting bilong yusim i stap klostu long planet, Apollo 11, dispela Yunaited Stets i bin salim i go long mun klostu long pinis bilong 1960 nabaut, em i bin inap long kisim namba wan piksa bilong dispela graun i soim em olgeta. Na dispela piksa i bin pruvim olsem dispela graun i raunpela. 


Tasol bipo long Yunaited Stets i bin mekim olsem, Rasia i bin kisim pinis wanpela piksa bilong dispela graun taim ol i lukluk long wanpela satelait Rasia, nem bilong em Molniya, long 1966. Dispela piksa tu i bin soim olsem dispela graun i raunpela.


Mi laik tok olsem kain painimaut olsem em i bihaintaim tumas bikos moa long 2,700 yia bipo, Buk bilong Aisea i bin givim tingting pinis olsem dispela graun i raunpela. Aisea i bin raitim buk bilong em long yia 723 B.C., nan au em i 2,000 yia pinis bihain long Kraist. Taim yu skruim 723 long 2019 em bai givim yumi namba bilong ol yia stat long taim Aisea i bin raitim buk bilong em. Em i bin moa long 2,700 yia bipo.

Aisea i bin raitim wanem long sait bilong dispela graun moa long 2,700 yia bipo?

AISEA 40:22 i tok,

Em Man i sindaun antap long raunpela bilong dispela graun…

Sapos dispela graun i gat raunpela bilong en orait em i no stretpela. Em i wankain olsem mun na ol narapela samting long heven tasol, tasol i no ol meteor na ol meteorite (ol ston i flai nabaut long spes ausait long dispela graun). Yu bai lukim olsem klostu olgeta samting long heven i raunpela. Em i minim olsem taim ol i wok long kamap, i gat wankain pressure (strong i pusim ol samting) i stap nabaut long olgeta hap. Traim lukluk long ol dispela babol ol pikinini i pilai wantaim. Olgeta babol i raunpela bikos long wankain pressure i stap nabaut long ol. Dispela unives i olsem. I gat wankain pressure long klostu olgeta samting long heven olsem na klostu olgeta bilong ol i raunpela. Tok tru olsem dispela graun i raunpela em i stap pinis long rait bilong Baibel longtaim bipo long saiens i bin painimaut em, dispela i pruvim olsem Baibel em i wanpela buk bilong tok tru i gat namba.

Taim yu toktok long histori, yu inap bilip moa long Baibel na Baibel i inap tru moa long olgeta narapela buk bilong histori. Bilong wanem mi tok olsem? Insait long stori bilong kingdom bilong Asiria, em i no bin toktok long wanpela taim Asiria i bin gat wanpela king wantaim nem Sagon. Em i no bin stap long ol rait i gat namba bilong ol tasol em i bin stap long rait bilong Baibel, long AISEA 20:1 stret, we em i tok,

Long yia Tartan i bin kam long Asdot, (taim Sargon, king bilong Asiria, i salim em i go) na em i pait birua long Asdot na em i winim em.

Baibel i toktok long wanpela king Asiria, Sagon. I no gat wanpela taim ol Asiria i bin save long em bikos ol buk bilong histori bilong ol i no bin kolim nem bilong em. Dispela em i wanpela as bilong wanem sampela ol man bilong raitim histori bilong Asiria i bin traim long bagarapim nem bilong Baibel. Ol i bin sutim tok long Baibel i tok giaman long toktok long wanpela King Sagon husat ol i no bin save.

Tru tru, nem bilong King Sagon i no stap long histori bilong Asiria, em i wanpela as tingting i no inap long tok birua long yu inap bilip long Baibel, bikos Moses tu, wanpela man i gat biknem tru insait long Baibel, histori bilong Isip i no bin toktok long em tu. Na em i stap ples klia olsem ol man bilong raitim histori bilong Isip i bin minim long ol i no toktok long Moses na ol Israel insait long histori bilong Isip, maski em i tru olsem ol i bin mekim ol i stap slev moa long 400 yia, bikos taim ol i mekim olsem ol bai mekim Isip na ol Isip bai no gat ona na kisim sem tru. Tingim olsem ol Israel i bin winim ol Isip bikos God i bin stap long sait bilong ol Israel. Kingdom olgeta bilong Isip i bin bagarap olgeta long pawa bilong ol tok nogut bilong God. Olsem na, bilong kisim bek ol yet long sem na mekim pani, ol i bin makim long rausim nem bilong Moses insait long ol rait bilong histori bilong ol.

Yumi inap tok olsem ol rait bilong histori bilong Asiria tupela Isip ol i no inap na i no stretpela bikos ol i bin rausim i go long ol stori bilong ol ol nem bilong King Sagon na Moses. Tasol Baibel, olsem wanpela buk bilong histori, em i inap tru na i stretpela tru.

Tru tru, ol i bin painim pruf long bodi sait i pruvim olsem tru tru i gat wanpela king Asiria wantaim nem Sagon. Long 1842, man Frans Paul-Émile Botta, wanpela man bilong archeology, em i bin painimaut wanpela ston, we ol i bin katim long en nem na piksa bilong King Sagon. Painimaut bilong dispela samting i pruvim moa olsem tru tru Baibel i toktok long tok tru.


Narapela samting tru long sait bilong saiens, dispela Baibel i bin toktok long en 2,800 yia bipo, em i toktok long sait bilong wanem samting saiens i kolim ol “black hole.” Black hole em i wanpela hap long spes we wanpela traipela sta i bin pairap. Bipo long saiens i bin lainim long sait bilong dispela, Baibel i tok i go pas pinis long i gat ol dispela samting long heven, olsem ol sta, ol bai kamap olpela na ol bai pinis olgeta. Ol samting i kamap long unives tu olsem taim ol sta (traipela retpela wan) i pairap, long dispela ol nupela sta bai kamap, na taim ol galaxy (bung bilong ol sta) i bamim wanpela narapela, long dispela ol nupela galaxy bai kamap tu, ol dispela i stap pinis long rait bilong Baibel longtaim bipo long saiens i bin painimaut ol. (Sam 102:26)


Wanem samting mi bin toktok long en ol i liklik lain bilong planti tru ol samting bilong pruvim olsem Baibel i tok tru na yu inap bilip long em. I no gat tupela tingting long Baibel i stap as ston na as bilong olgeta samting tru, maski ol i bilong bodi sait, sait bilong saiens, o spirit sait.

Tok Lukaut: Ol lain bilong tanim tok bilong mipela ol i lukaut na yusim gut tru save bilong ol taim ol i bin tanim dispela blog i go long Tok Pisin. Tasol, ControversyExtraordinary.com i no tok olsem olgeta infomesen ol i bin tanim i no gat asua bikos long sampela ol samting. Taim i gat sampela asua namel long rait i nambawan tru i stap long tok Inglis na rait ol i bin tanim long Tok Pisin, rait i nambawan tru i stap long tok Inglis i winim narapela oltaim.

No Gat Moa Haus bilong Prea, Wanpela Haus I Save Prea Tasol


Bilong wanem yumi no gat wanpela haus bilong prea moa tude? Em i dispela wanpela askim i bin kam long wanpela man husat i strong long painim tok tru bilong Baibel na em i stap ples klia olsem as bilong askim bilong em i stap long MATYU 21:13, dispela i tok,

Na tokim ol, Rait i stap pinis, Ol bai kolim haus bilong Mi haus bilong prea. Tasol yupela i bin mekim em i kamap hul bilong ol stilman.

Long klia long dispela, plis lukim na tingim toktok bilong Bikpela Jisas Kraist, “Rait i stap pinis”. Olsem na, Kraist i bin kolim dispela hap bilong Rait Holi we em i stap pinis long rait.

Insait long AISEA 56:7, em i tok,

Yes bai Mi bringim ol long maunten holi bilong Mi, na mekim ol i pulap long amamas tru insait long haus bilong prea bilong Mi. Ol ofa ol i kukim olgeta na ol sakrifais bai stap orait long Mi antap long alta bilong Mi. Long wanem ol bai kolim haus bilong Mi wanpela haus bilong prea bilong olgeta manmeri.

Haus bilong Bikpela bai kamap wanpela haus bilong prea. Dispela toktok bilong God stret em tu i stap long rait insait long buk bilong Ol Stori na insait long 1 King. Jeremaia, wanpela profet i go long ol kantri, long wankain pasin em i bin tok profet olsem tru bai i gat lain manmeri husat bai mekim haus bilong prea bilong God i kamap wanpela hul bilong ol raskol stilman o ol stilman.

JEREMAIA 7:11 i tok,

Ating dispela haus, dispela ol i kolim long nem bilong Mi, i kamap wanpela hul bilong ol raskol stilman long ai bilong yupela, a? Lukim, yes, Mi bin lukim pinis dispela, BIKPELA i tok.

Orait, bipo yet long Bikpela Jisas Kraist bin toktok long em, profet Jeremaia i bin tok profet pinis long em.

Taim Kraist bin tok, “Ol bai kolim haus bilong Mi haus bilong prea. Tasol yupela i bin mekim em i kamap hul bilong ol stilman” (MATYU 21:13), Em i bin yusim tok bilong Rait Holi. Pastaim tru em i no bin kam long Em. Tingim olsem Papa bin salim Bikpela Jisas Kraist long autim tok bilong Papa. Long dispela as i gat ol dispela toktok bilong Papa insait long Olpela Kontrak, Bikpela Jisas Kraist bin toktok gen long ol.

JON 12:49-50 i tok,

49 Long wanem, Mi no bin toktok long laik bilong Mi Yet. Tasol Papa husat i salim Mi, Em i givim Mi wanpela tok strong, long Mi mas tok wanem, na long wanem samting Mi mas toktok.
50 Na Mi save long tok strong bilong Em em i laip i stap gut oltaim oltaim. Olsem na wanem samting Mi toktok, yes, olsem Papa i tokim Mi, olsem tasol Mi toktok.

Yumi inap klia tru olsem wanem samting Bikpela Jisas Kraist bin toktok ol i ol toktok stret bilong Papa bikos Papa bin tok strong long Em long toktok stret wanem samting Papa bin tokim Em.

Kraist bin tok olsem ol bin mekim haus bilong God, dispela em i wanpela haus bilong prea, i kamap wanpela hul bilong ol stilman bikos em i bin kamap wanpela ples bilong wok bisnis bilong ol man bilong senisim mani na ol man bilong salim ol balus, ol pikinini sipsip, na i go. Tingim olsem ol balus na ol pikinini sipsip ol i wanem samting ol Ju bin ofaim long alta bipo, olsem na ol dispela bisnisman long taim bilong Bikpela Jisas Kraist bin mekim ol dispela samting isi long ol i baim, olsem na, haus bilong prea bilong God bin kamap wanpela hul bilong ol stilman.

Nau, bilong wanem i no gat haus bilong prea moa? I gat nid long bekim dispela askim wantaim liklik tasim bilong histori na liklik tasim bilong pasin bilong spirit sait.

Long taim bilong Bikpela Jisas Kraist, long yia 40 nabaut… Bilong wanem mi bin tok yia 40? Em i bikos kalenda bilong yumi nau, kalenda Rom, em gat asua. Em i sot long 5 o 6 yia nabaut. Kalenda Rom i tokim yumi olsem dispela em i yia 2019 taim em i mas 2025 o 2024 pinis.

KRAIST BIN BON LONG WANEM YIA STRET?
ZENIT International News Agency

Taim Dionysius Exiguus bin kaunim de bilong bon bilong Kraist long Middle Ages, em bin kolim yia bilong Bon bilong Kraist (Nativity) olsem 1 A.D., na tok olsem bon de bilong Jisas em i 25 Disemba bilong dispela yia. Yia i stap bipo stret long dispela em i yia 1 B.C. Sapos em i kam long ol i no gat save o ol i wokim long mats, em i no bin putim wanpela yia Ziro.

Long mekim ol samting i hatpela moa, em i luk olsem Dionysius bin mekim wanpela asua long ol kaunim bilong em. Herot Bikpela, husat Baibel i tok olsem em i stap laip long taim bilong bon bilong Kraist, em i dai pinis long yia 4 B.C. bilong bihainim ol ripot bilong Josephus. Bilong bihainim Gutnius bilong Matyu, taim Herot i no bin inap long trikim ol man bilong lukluk long ol sta (astrologers) i go long stiaim em long Pikinini, em bin tok strong long kilim i dai olgeta bebi boi long Betlehem. Bikos tok strong bilong Herot (dispela ol man i no givim witnes ausait long ol Gutnius, tasol em i wanbel wantaim pasin bilong em insait long histori) em i long kilim olgeta bebi husat krismas bilong ol i stap daunbilo long tupela yia, dispela samting bin kamap i no moa long tupela yia bihain long bon bilong Kraist. Sapos yumi tingting olsem dispela bin kamap klostu long pinis bilong laip bilong Herot (i gat bikpela sans olsem dispela i tru), dispela i putim bon bilong Kraist long yia 5 o 6 B.C.

Samting i stap tru em i olsem, Kraist i no bin bon long 1 B.C. olsem wanem samting ol man bilong raitim histori i traim long mekim yumi bilip. Dispela rait mi soim antap em i bin putim bon bilong Kraist long 6 B.C. taim yu skelim samting tru olsem, long kamap long A.D., yumi mas kaunim 10 B.C., 9 B.C., 8 B.C., 7 B.C., 6 B.C., 5 B.C., 4 B.C., 3 B.C., 2 B.C., 1 B.C., 0 B.C., na bihain 1 A.D., na i go. Olsem na, kalenda bilong yumi nau em i sot long 6 yia nabaut.

Sapos yumi bai yusim dispela kalenda yumi gat nau (dispela i sot long klostu 6 yia), taim Bikpela Jisas Kraist i bin stap long hap long Jerusalem, bilong bihainim skelim bilong ol Katolik, em i bin gat 33 krismas. Em i long dispela taim Em i bin tokim ol aposel olsem tempel, o haus bilong prea, bai bagarap olgeta. Sapos Em i bin gat 33 krismas long dispela taim stret, na sapos yumi bai skruim dispela 6 yia i sot, em i mas kain olsem 39 o bipo long 40 B.C.

Wanem samting Em i bin tokim ol aposel tru tru em i wanpela tok profet bilong dispela bagarap olgeta bilong kamap bihain bilong Jerusalem long 70 A.D. I gat ol dispela samting tru bilong pruvim olsem dispela woa ami Rom, husat bin bagarapim tempel olgeta, bin kamapim long Jerusalem, em i bin kamap long 70 A.D.

I Kam long Arch bilong Taitas long Rom…


Arch bilong Taitas em i wanpela arch bilong givim ona long namba wan handet yia, em i stap long Via Sacra, Rome, long saut is bilong Roman Forum tasol. Domitian, king bilong Rom, i bin wokim em long 82 A.D. bihain liklik long dai bilong brata bilong em Taitas bilong tingim na amamasim ol winim pait bilong Taitas, wanpela bilong ol em i Taim bilong Kisim Jerusalem long 70 A.D.

Dispela arch bilong holim tingting, ol i kolim Arch bilong Taitas, long Via Sacra, Rome em i tok yes long tru tru i gat wanpela woa long Jerusalem long 70 A.D.

Insait long MATYU 24:1-2 dispela em i tok bilong Bikpela Jisas Kraist,

1 Na Jisas i go ausait, na lusim tempel. Na ol disaipel bilong Em i kam long Em bilong soim Em ol haus bilong tempel.
2 Jisas i tokim ol, Ating i yes long yupela i lukim olgeta dispela samting? Tru tumas, Mi tokim yupela, Bai i no gat wanpela ston i stap yet hia antap long narapela, long ol bai i no inap tromoi i go daun.

Kraist i bin tok i go pas long ol aposel long bagarap olgeta bilong tempel, o haus bilong prea.

Long bekim dispela askim, bilong wanem i no gat haus bilong prea moa nau? Long bodi sait, yumi no gat tempel moa bikos em i bagarap olgeta pinis long taim bilong woa. Wanem samting i stap yet em i dispela banis bilong Jerusalem ol i kolim nau olsem Banis bilong Krai (The Wailing Wall). Ol memba bilong pasin lotu bilong ol Ju i save prea long em. Tempel pastaim tru i no stap moa. Ol narapela tempel i bin kisim ples bilong em. Long Jerusalem i gat wanpela haus lotu Katolik i stap long en, na i gat dispela bikpela ston i bilong ol Muslim. I gat wanpela hap stret tu we ol Muslim, ol Ju, na ol Kristen i birua wanpela long narapela oltaim. I gat pait long hap oltaim.

Dispela haus bilong prea, o tempel long Jerusalem, Solomon bin wokim pastaim tru, em i bin bagarap olgeta long taim bilong dispela woa kingdom bilong Rom bin kamapim long 70 A.D. Bikpela Jisas Kraist i bin tok i go pas long bagarap olgeta bilong em 30 yia bipo long em i bin kamap. Na profet Daniel i bin tok profet tu long em.

DANIEL 9:2 i tok,

Insait long namba wan yia bilong em i bosim kingdom, mi Daniel i kisim save long ol buk long namba bilong ol yia, long tok bilong BIKPELA i bin kam long Jeremaia dispela profet. Mi klia long Em bai inapim seventi yia long ol bagarap bilong Jerusalem.

Profet Daniel i bin tok profet olsem bai i gat bruk daun long Jerusalem. Long wankain pasin Bikpela Jisas Kraist i bin tok i go pas long dispela wanpela sting samting bilong bruk daun bai kamap long Jerusalem.

MATYU 24:15 i tok,  

Olsem na taim yupela bai lukim sting samting bilong taim bilong stap nating olgeta, dispela profet Daniel i toktok long en, i sanap long ples holi, (husat man i ritim, larim em kisim save,)

Yumi olgeta save olsem dispela ples holi em i toktok long en em i dispela tempel. Bikpela Jisas Kraist i bin tok profet long bagarap olgeta bilong em, taim Em i yusim dispela toktok bilong profet Daniel. Em i minim olsem, Bikpela Jisas Kraist i bin yusim tok bilong profet Daniel husat, long sait bilong em, em tu i bin yusim tok bilong profet Jeremaia. Profet Jeremaia i bin givim moa save long sait bilong dispela bruk daun i laik kamap long Jerusalem.

JEREMAIA 4:11-13 i tok,

11 Long dispela taim bai ol i tokim ol dispela lain manmeri na long Jerusalem, Wanpela win i drai bilong ol ples antap long ples i no gat man i go long pikinini meri bilong ol manmeri bilong Mi, i no bilong wokim win, o bilong klinim,
12 Yes, wanpela win i pulap i kam long ol dispela ples bai kam long Mi. Nau tu bai Mi givim mekim save i birua long ol.
13 Lukim, em bai kam antap olsem ol klaut, na ol karis bilong em bai stap olsem wanpela raunwin. Ol hos bilong em i ran hariap moa long ol igal. Tok lukaut i kam long mipela! Long wanem, ol i kisim kago bilong pait bilong mipela pinis.

Dispela “win” Jeremaia i toktok long em em i no toktok long win long bodi sait bikos win long bodi sait, moa yet sapos em i strong, tru tru em i winim na klinim wanpela hap. Win long bodi sait i save kolim ol samting na em i inap long rausim das. Tasol, dispela “win” em i toktok long en em i mekim pasin i birua long dispela. Em i no long winim wanpela hap, tasol long bringim hot. Na em i no long klinim wanpela hap, tasol long bringim doti.

Dispela “win” em i wanem? Klia tru, dispela i no wanpela win nating bikos em i gat ol karis bilong pait. Dispela “win” i toktok long dispela samting nogut i sapos long kamap long Jerusalem.

JEREMAIA 4:19 i tok,

Ol rop bilong bel bilong Mi, ol rop bilong bel bilong Mi! Mi gat pen long bel bilong Mi stret. Bel bilong Mi i wokim wanpela nois insait long Mi. Mi no inap pasim maus bilong Mi, bilong wanem, yu bin harim, O tewel bilong Mi, nois bilong biugel, tandok bilong bikpela pait.

Klia tru, dispela “win” i minim dispela woa bai i kamap long Jerusalem. Tru tru, dispela woa i bin kamap na em i bin kamapim bagarap olgeta bilong Jerusalem. Dispela tempel ol i kolim haus bilong prea em i bin bagarap olgeta olsem na i no gat wanpela ston bin stap antap long narapela ston. Tasol nau, ol tempel bilong ol dispela narapela lotu lain i ol birua bilong Kraist, ol i bin kisim ples bilong dispela tempel o haus bilong prea.

Tasol, i gat dispela narapela “haus” God i skulim insait long Baibel, dispela wanpela haus em i piksa bilong Sios.

1 TIMOTI 3:15 i tok,  

Tasol sapos mi stap yet longpela taim, long yu ken save long yu yet mas wokabaut olsem wanem insait long haus bilong God, dispela em i sios bilong God i stap laip, bikpela pos na graun bilong tok tru.

Nau yumi gat dispela wanpela “haus” God i minim long stap oltaim oltaim. Em i dispela wanpela haus i no gat wanpela inap bagarapim olgeta bikos i no gat narapela husat bin wokim em . Bikpela Jisas Kraist yet bin wokim em. Em i bin tok, “Antap long dispela ston bai Mi wokim sios bilong Mi. Na ol dua bilong banis bilong hel bai i no inap winim pait birua long en.” (MATYU 16:18) I no gat wanpela pawa long dispela graun inap bagarapim sios olgeta, o dispela haus bilong God.

Dispela haus bilong spirit sait yumi gat nau long dispela graun em i Sios bilong God husat ol bilip, ol lo God bin makim, na ol lo bilong en i stap pinis long rait bilong Baibel. Sios em i dispela haus bilong God Em i minim long stap oltaim oltaim.

EFESAS 3:10-11 i tok,

10 Long dispela as, long nau long ol hetman bilong gavman na ol man i gat pawa long ol ples long heven, long wok bilong sios, i ken save long dispela planti kain kain save tru bilong God,
11 Bilong bihainim dispela tingting bilong mekim samting oltaim oltaim Em i tingting bilong mekim insait long Kraist Jisas, Bikpela bilong yumi.

Em i dispela Sios God i bin givim wok long en long skulim kain kain save tru bilong God bilong bihainim tingting bilong mekim samting oltaim oltaim. Dispela Sios Bikpela Jisas Kraist i bin wokim long namba wan handet yia bilong taim bilong yumi em i dispela wanpela lain God i bin makim long stap oltaim oltaim. I no gat rot moa long em bai bagarap olgeta.

Namba wan haus bilong God long Jerusalem em i bin stap wanpela haus bilong prea. Em i bagarap olgeta pinis. Em i go pinis. Nau yumi gat dispela narapela haus i stap oltaim oltaim, Sios, o haus bilong God. Long dispela as em i no fit moa long kolim em wanpela haus bilong prea. Nau em i fit long kolim em olsem dispela haus i save prea.

HIBRU 3:6 i tok,

Tasol Kraist, olsem wanpela Pikinini Man i bosim hauslain bilong Em Yet, hauslain bilong husat yumi stap,…

Long save gut moa, yumi ken go long HIBRU 10:21. Em i tok,

Na taim yumi gat wanpela hetpris i bosim haus bilong God,

Yumi gat wanpela hetpris antap long haus bilong God, na dispela em i Bikpela Jisas Kraist. HIBRU 3:1 i tok,

Olsem na, ol brata holi, ol man i kisim hap insait long singaut bilong heven, tingim na skelim dispela Aposel na Hetpris bilong tokaut bilong bilip bilong yumi, Kraist Jisas.

Kraist Em i dispela bikpris insait long haus bilong God, dispela em i Sios bilong God. Haus em i Sios yet. Em i no wanpela haus long bodi sait. Em i no wanpela haus ol i wokim long simen, ston, ain, na i go.

Sios em i haus bilong God nau. Mi wanbel olsem haus bilong God long Jerusalem ol i kolim em olsem haus bilong prea. Tasol em i no sanap moa. Em i bagarap pinis 2000 yia bipo. Tasol i gat dispela wanpela haus bai i no inap bagarap olgeta. Em i haus bilong God, dispela em i Sios bilong God.

Ol Kristen bilong namba wan handet yia i bin tok, “Kraist, olsem wanpela Pikinini Man i bosim hauslain bilong Em Yet, hauslain bilong husat yumi stap.” (HIBRU 3:6). Sapos yumi, insait long Sios bilong God, i stap haus bilong God, orait i no gutpela long kolim Sios bilong God olsem wanpela haus bilong prea. Tasol, yumi mas kolim em stret olsem wanpela haus i save prea.

Givim biknem i go long God!

Tok Lukaut: Ol lain bilong tanim tok bilong mipela ol i lukaut na yusim gut tru save bilong ol taim ol i bin tanim dispela blog i go long Tok Pisin. Tasol, ControversyExtraordinary.com i no tok olsem olgeta infomesen ol i bin tanim i no gat asua bikos long sampela ol samting. Taim i gat sampela asua namel long rait i nambawan tru i stap long tok Inglis na rait ol i bin tanim long Tok Pisin, rait i nambawan tru i stap long tok Inglis i winim narapela oltaim.