Wok bilong Painimaut As Tingting bilong God long Givim Laip

March 29, 2020 lotu Kristen 0 Ol Toktok long Dispela

Sapos olgeta bilong yumi bai luksave tasol olsem wanem God i tingim namba bilong laip bilong man na long wanem as tingting stret yumi stap, ating, i no gat wanpela man bai yusim kranki laip bilong em. Tasol, klia tru olgeta wan wan bai traim long yusim em long pasin i stret.

Insait long MATYU 10:29-30, Bikpela Jisas Kraist i bin tok,


Taim Kraist i bin tok olsem Papa i save long namba bilong ol gras yumi gat long het bilong yumi tu, Em i soim tasol long yumi olsem wanem yumi stap bikpela samting long ai bilong Papa na olsem wanem Papa i gat bikpela laikim tru long yumi, olsem Em i kaunim gut na lukautim gut ol samting i liklik olgeta long sait bilong yumi, olsem ol gras bilong yumi.

I bin gat wanpela taim Aposel Pol i bin laik go long Rom, tasol taim ol i ron long sip, sip bilong ol i bin bungim wanpela raunwin nogut. Olgeta pasindia i bin stat long pilim bikpela pret na wari na pret i kilim ol tumas bikos long dispela trabel long solwara. Tasol, taim ol i pilim pret na ol i no gat hop, God i bin salim ensel bilong Em long Pol long daunim ol pret bilong ol, na long strongim bilip bilong em olsem ol bai kamap long dispela hap we ol i laik go long en.

APOSEL 27:23-24 i tok,


God, long wok bilong ensel bilong Em, i bin strongim bilip bilong em olsem i no gat wanpela man bai lusim laip bilong em namel long ol, tasol sip bai bagarap olgeta. Em i minim, maski sip bilong ol i kisim bagarap, i no gat wanpela laip bai lus na ol bai inap kamap long Rom.

APOSEL 27:34 i tok,


Ensel i bin promisim long Pol olsem i no gat wanpela gras bai pundaun na lusim het bilong wanpela bilong ol bikos God i bin lukautim ol i stap.

Long ai bilong God, laip bilong wanpela man em i dia tru. Bilong soim em ples klia, Kraist i bin toktok long sait bilong ol spero, olsem maski ol i no dia tumas bikos ol man i save salim ol long liklik prais tru, i no gat wanpela bilong ol bai pundaun long graun, o dai, taim Papa i no orait long em.

Sapos God i givim dispela tok bilong strongim bilip long ol spero olsem ol bai no dai taim Papa i no gat laik long em, orait, moa yet olgeta yumi inap klia tru olsem yumi ol man bai no dai sapos Papa i no gat laik long em, bikos yumi stap bikpela samting moa long ol spero.

Long narapela sait, em i minim tu olsem sapos yumi dai, em i bikos Papa i bin gat laik long em.

Laip bilong yumi i kam long God. Stap bilong yumi i nidim Em. Wanem samting yumi nid long save gut long en em i stretpela pasin bilong yusim ol laip bilong yumi. God i givim yumi laip inap long yumi yusim em long wokim wok long Em. Em i gat laik long yumi bihainim ol tok strong bilong Em na long inapim laik bilong Em. Taim yu toktok long Baibel, dispela em i wok tru olgeta bilong yumi na as tingting olgeta bilong stap bilong yumi.

EKLESIASTES 12:13 i tok,


Yumi stap bilong wokim wok long God na bilong inapim ol tok strong bilong Em. God i bin kamapim yumi long nating bilong mekim ol gutpela wok.

EFESAS 2:10 i tok,


Long ai bilong God, laip bilong man em i bikpela samting tru. Long dispela as Em i bin tok strong long yumi long noken kilim man i dai, na wanpela man husat i kisim laip bilong narapela, God bai askim strong long em long dispela. Em i bin tok strong tu long yumi long laikim tru ol birua bilong yumi tu.

Em i stap ples klia olsem kain ol skul tok i soim ples klia olsem wanem God i tingim tru namba bilong laip bilong man. Olsem na, em i stret olsem yumi yusim ol laip bilong yumi long pasin i stret. Na dispela em i long taim yumi wokim wok long Em na bihainim ol tok strong bilong Em.

Tok Lukaut: Ol lain bilong tanim tok bilong mipela ol i lukaut na yusim gut tru save bilong ol taim ol i bin tanim dispela blog i go long Tok Pisin. Tasol, ControversyExtraordinary.com i no tok olsem olgeta infomesen ol i bin tanim i no gat asua bikos long sampela ol samting. Taim i gat sampela asua namel long rait i nambawan tru i stap long tok Inglis na rait ol i bin tanim long Tok Pisin, rait i nambawan tru i stap long tok Inglis i winim narapela oltaim.

Hos I Waitpela Liklik na Ol Sik Nogut Em I Bringim

March 23, 2020 lotu Kristen 0 Ol Toktok long Dispela

Ol dispela hevi na ol samting nogut bilong kamapim bikpela bagarap i wok long kamap long dispela graun nau ol i wanpela hap bilong inapim bilong samting olsem driman bilong Jon long sait bilong fopela man bilong kalap long hos na fopela hos insait long Buk bilong Revelesen.

Wanpela bilong fopela hos em i dispela hos i waitpela liklik, na em husat i kalap long em, em i gat dispela pawa bilong bringim ol sik nogut long dispela graun. Tru tru, wanpela bilong fopela hap bilong olgeta manmeri bilong dispela graun ol bai kisim save long kain kain ol sik nogut dispela hos i waitpela liklik i bringim.

REVELESEN 6:8 i tok,


Yu bai lukim olsem insait long dispela ves stret, Jon bin yusim dispela wed “dai”. Taim ol i bin tanim dispela long tok ples Filipino, ol i bin yusim dispela wed “salot”, dispela i minim sik nogut. Yumi mas klia olsem, sampela taim, ol man bilong tanim tok bilong Baibel, ol i bin yusim ol wed yu inap yusim wanpela bilong kisim ples bilong narapela.

Na tu, tru tru ol sik nogut i mekim ol man i dai. Tasol klia tru, tru tru Baibel i toktok long taim ol sik nogut i kamap.

Insait long REVELESEN 22:18 em i tok,


Wed Grik i gat wankain mining olsem dispela wed “ol sik nogut” insait long dispela ves em i plēgē (play-gay), dispela i minim, “wanpela mak, em i minim, wanpela sua, o long tok piksa, wanpela samting bilong kamapim bikpela bagarap, o mak bilong wip, sua.”


Dispela lain tumbuna i bin witnesim na kisim save long kamap bilong planti ol sik nogut, olsem Ebola, SARS, Avian flu (flu bilong ol pisin), Swine flu (flu bilong ol pik), i go, na nupela olgeta nau em i dispela sik coronavirus o COVID-19.

REVELESEN 18:4 i tok,  


Em i luk olsem ol sik nogut i wanpela kaikai bilong pasin bilong mekim sin nogut bilong man. Long dispela as Baibel i tokim yumi long “kam ausait long em,” olsem na yumi bai no kisim hap insait long ol sin bilong em, o kisim ol sik nogut bilong em. Yumi mas lusim ol pasin bilong yumi i pulap long sin na mobeta yumi bihainim God.

Tru tru, bipo yet long taim bilong Moses, God i bin toktok pinis olsem olgeta man bai karim hevi long ol sik nogut bikos long pasin bilong sakim laik bilong God. Olsem na, em i no samting bilong kirap nogut olsem ol sik nogut i kamap nau bikos planti man tumas nau i sakim tru tok bilong God na ol i no gat laik moa long mekim ol gutpela pasin.

Oltaim ol i tingting long mekim ol pasin nogut, olsem yusim tumas ol narapela, pasin bilong yusim drag na pasin bilong salim drag, na pasin bilong kilim tu ol man husat i no inap helpim ol yet na ol man husat i no mekim rong. Dispela pasin i nogut tru bilong ol man na taim ol minim long tok nogat long bihainim God ol i tupela bilong ol as tingting bilong wanem ol man kisim save long ol sik nogut.

Sapos ol dispela sik nogut ol manmeri bilong dispela graun i kisim save long en, piksa bilong ol em i dispela hos i waitpela liklik, tripela narapela hos ol i piksa bilong ol samting i kamap i wankain stret bilong kamapim pret, long dispela, olgeta man bai kisim save.

Retpela hos em i piksa bilong ol woa na ol pasin bilong kapsaitim blut bikos dispela wan husat i kalap long dispela hos, wanpela i bin givim em pawa bilong rausim bel isi long dispela graun na long larim ol man i kilim wanpela narapela.

REVELESEN 6:4 i tok,


Tasol, blekpela hos em i piksa bilong taim bilong stap hangre na rabis tru.

REVELESEN 6:5 i tok,


Na las, waitpela hos em i piksa bilong ol lotu i pulap wantaim giaman pasin, ol giaman Kraist, na ol giaman profet.

REVELESEN 6:2 i tok,


(Mi tok sori long mi no inap givim yu long dispela rait stret wanpela toktok i longpela na dip tru long namba bilong dispela fopela man bilong kalap long hos na fopela hos. Dispela bai longpela tumas. Tasol sapos God i laik, mi bai inap long mekim em long ol pos bilong mipela long taim bihain.)

Wanem samting mi traim long soim em i olsem. Tru tru Baibel i toktok long ol dispela sik nogut i ken kamap long man olgeta.

Kain olsem, long stat bilong namba 20 handet yia, long yia 1918 stret, klostu long 40 milien manmeri i bin dai long flu.


Ating, dispela coronavirus i givim sik long dispela graun nau em i wanpela kain flu virus (wanpela kain liklik binatang tru) ol i bin tanim. Tupela virus wantaim ol i save kamapim kus, na givim sik long rot bilong win insait long bodi. Tasol, i no olsem COVID-19, yu inap pasim bek dispela virus bilong flu bikos ol helt saveman i bin painim pinis ol antibiotic (marasin bilong kilim ol liklik binatang tru) i inap pait i birua long em. Na tu i gat ol sut bilong birua long flu, ol dispela i redi pinis bilong yusim.

Tasol dispela COVID-19, taim ol i tanim em pinis, em i strongpela moa na nogut tru moa. Em i save go nabaut ausait isi tru na em i gat bikpela sans bilong pasim i go long narapela. Lukim wanem samting i bin kamap long ol pasindia insait long wanpela sip stret bilong raun? Long wanpela nait, moa long 60-pela man i bin kisim sik. Wanem samting i mekim em i pretim ol man em i dispela samting tru olsem i no gat yet wanpela samting bilong birua long dispela sik, we dispela i ken winim strong bilong virus. Olsem na, em i inap kilim man i dai.

Wanem samting yumi nid long luksave em i olsem. Ol sik nogut olsem dispela COVID-19 i bin mekim planti i dai ol olgeta i ol wok bilong wanpela bilong fopela man bilong kalap long hos, dispela wanpela i sindaun antap long hos i waitpela liklik, na ol i wanpela kaikai bilong pasin bilong sakim tok bilong man long God.

I no gat tupela tingting long samting bilong haitim yumi i gutpela olgeta i birua long olgeta dispela em i pasin bilong yumi bilong bihainim laik bilong God.

GOD I KEN BLESIM NA LUKAUTIM YUMI OLGETA OLTAIM. AMEN.

Tok Lukaut: Ol lain bilong tanim tok bilong mipela ol i lukaut na yusim gut tru save bilong ol taim ol i bin tanim dispela blog i go long Tok Pisin. Tasol, ControversyExtraordinary.com i no tok olsem olgeta infomesen ol i bin tanim i no gat asua bikos long sampela ol samting. Taim i gat sampela asua namel long rait i nambawan tru i stap long tok Inglis na rait ol i bin tanim long Tok Pisin, rait i nambawan tru i stap long tok Inglis i winim narapela oltaim.

Kain Sik I Stap Long Planti Hap Olsem Coronavirus: Olsem Wanem Ol Kristen Mas Redi?

March 19, 2020 lotu Kristen 0 Ol Toktok long Dispela

Ol sik nogut, ol samting nogut i kamap long nature, ol woa na taim ol sin nogut bilong man i kamap nogut moa long wanpela kain mak man i no tingting long en bipo, ol dispela em i ol mak bilong taim Bikpela Jisas Kraist i laik kam. Kraist, Em Yet, i bin toksave pastaim long dispela long ol Aposel bilong Em taim ol i bin askim Em, “Wanem samting bai kamap mak bilong taim yu laik kam?”

MATYU 24:4-7 i tokim yumi wanem samting Bikpela Jisas Kraist i bin tokim ol:


Bikpela Jisas Kraist i bin tok olsem bipo long Em i kam, bai i gat ol bikpela hangre, ol sik nogut, na ol guria. Wanpela pruf olsem Baibel i stap tru na ol toktok bilong Bikpela Jisas Kraist insait long em olgeta i tru em i olsem, tru tru yumi wok long bungim ol dispela samting nau, wantaim ol woa o dispela taim ol kantri i kirap i birua long ol narapela kantri. Na yumi save olsem ol woa na ol samting nogut i kamap long nature ol i ken mekim moa ol hevi olsem taim bilong hangre long kamap.

Kraist i bin givim dispela tok profet stret ol tausen yia bipo. Long dispela taim, yu no inap tingting long bai i gat taim ol man bai stap hangre bikos ol man bilong askim samting long rot tu bipo i gat sampela samting bilong kaikai.

Tasol nau, kaikai i kamap wanpela bikpela hevi tru. I gat ol man nau husat i no inap kaikai long wanpela de. Yumi harim tu ol stori long sait bilong ol man husat i dai long hangre.

Tasol wanem samting bai mekim yu kirap nogut em i olsem. I gat ol dispela sik nogut nau man i wokim. Kain olsem, long Siria ol i bin yusim sampela samting i luk olsem ol i laik yusim long dispela kain pait ol i kolim biological (we ol i yusim ol samting i gat laip olsem samting bilong pait) na chemical (we ol i yusim ol marasin nogut olsem samting bilong pait) warfare, sampela samting inap pinisim olgeta ol man wantu. Wanpela video long Internet i soim olsem taim wanpela man i pulim kain samting wantaim win, em i karim pen taim ai bilong em i tanim o bodi bilong em i tantanim na bihain long sampela taim, em i dai.


I no gat tupela tingting olsem olgeta dispela samting nogut bilong kamapim bikpela bagarap, yumi lukim nabaut long yumi nau, ol i ol mak bilong taim Bikpela Jisas Kraist i laik kam. Askim em i olsem. Olsem wanem yumi bai redi long dispela de bilong Bikpela?

2 PITA 3:10-11 i tok,


Dispela pasin bilong redi yumi mas mekim em i noken kamap dispela kain pasin bilong redi ol narapela i wok long mekim. Ol i wok long redim ol dispela ples hait aninit long graun ol i bilip olsem inap givim wanpela ples bilong haitim na holimpas ol.

Long Singgapo, kain olsem, i gat ol haus wantaim ol ples bilong hait long bom i stap aninit long ol pinis. Tru tru, kain ol ples hait i no inap holimpas olgeta yumi bikos yu inap bagarapim ol olgeta. Olsem na, wanem dispela kain pasin bilong redi yumi mas mekim?

Bikpela Jisas Kraist, long rait bilong Aposel Pol, i bin tok olsem bilong redi yumi mas bihainim wanpela laip i holi na i bihainim God. Kraist i gat laik long yumi bihainim wanpela holi laip i pulap wantaim pasin bilong soim sori long ol narapela, moa yet long ol rabisman, long ol meri husat ol man bilong ol i dai pinis na long ol pikinini husat ol papa bilong ol i dai pinis. Yumi mas givim wanpela hap bilong yumi yet long ol.

Narapela video ol i bin salim i go antap long Internet em i bin soim olsem i gat ol pikinini long kantri Heiti husat i kaikai ol kuki ol i bin wokim long retpela graun. Wanem samting ol i mekim em i olsem. Ol i putim suga long wanpela miks bilong wara na retpela graun (dispela kain retpela graun ol man bilong wokim sospen i yusim) na wokim em long kamap ol kuki. Bihain, ol i putim ol dispela retpela graun kuki aninit long san long drai. Taim ol i drai pinis, ol pikinini i kaikai ol.


Taim mi bin lukim dispela vidio mi bin pilim wanpela sap pen long bel bilong mi. Olsem na wantu mi bin tokim wanpela bilong ol wokman bilong mipela insait long Sios long Latin Amerika long go long Heiti, long dispela ples stret we ol dispela pikinini husat i kaikai ol retpela graun kuki i stap long en.

Mi bin tokim em long painim wanpela ples long dispela hap ol i ken yusim olsem wanpela hap bilong givim kaikai long ol rabisman. Wantaim helpim bilong God, na taim mipela stretim tok wantaim dispela han bilong gavman long Heiti em i gat namba long dispela kain wok, dispela hap bilong givim kaikai em i ron pinis i stap. Na olgeta wan wan de, i gat planti manmeri husat i save go long hap, husat i sanap long lain bilong kisim ol pek bilong fri kaikai ol i kukim pinis.

Mi wok long skelim tu long kamapim dispela kain hap stret bilong givim kaikai long ol biktaun long Filipins bilong givim lukluk long nid long kaikai bilong ol pikinini na ol man bilong askim mani long rot, na tu bilong ol pikinini husat bodi bilong ol i no orait na i no gat man lukautim ol.

Sampela taim, mi pilim nogut long sait bilong ol maniman husat i givim kaikai long ol dok bilong ol wantaim ol bikpela hap mit, tasol ol i no inap ofaim yet sampela samting bilong kaikai long ol man husat i stap klostu long ol husat i stap hangre.

Em i luk olsem ol dok bilong ol maniman i stap orait moa moa yet long ol pikinini long rot. Bilong wanem? Ol maniman papa bilong ol dispela dok i no wari long tromoi bikpela mani long ol samting bilong givim kaikai na lukautim ol dok bilong ol. Ol i save bringim ol long ol dokta bilong animal olgeta taim. Ol i save givim vitamins (ol samting bilong helpim bodi long stap gut) long ol. Ol i save stretim bodi bilong ol. Na ol i save slip tu long ol rum wantaim air conditioner (masin bilong mekim win kol).

I no olsem ol dispela dok, ol pikinini long rot i nid long digim ol rabis bin long hop bilong painim sampela samting i ken pulimapim ol bel bilong ol. Ol i stap doti. Ol klos bilong ol i bruk nabaut. Na ol i slip long kol simen bilong rot bikos ol i no gat haus. Tru tru, yumi inap tok olsem yu bai jeles moa long ol laip bilong ol pet dok bilong ol maniman.

Tasol yu ting wanem samting stret bai amamasim bel bilong God: lukautim na givim gutpela kaikai tru long wanpela dok, o lukautim na givim kaikai long wanpela man bilong askim mani long rot o wanpela pikinini husat papa bilong em i dai pinis? Tru tru, God bai gat gutpela amamas sapos yu bai yusim mani bilong yu long sampela samting i ken tekewe hangre na ol hevi bilong ol narapela husat i stap ol rabisman, moa long yusim em long mekim gutpela pasin tru long ol dok bilong yu.

God i gat laik long yumi bihainim wanpela holi laip. Bilong kisim olsem, yumi mas stap laip bilong bihainim ol skul tok bilong Em, taim yumi no bihainim ol amamas nogut, pasin bilong kisim na yusim planti samting tumas, na ol samting bilong amamas bilong dispela graun. Tasol, Em i gat laik long yumi gat pasin bilong soim sori long ol narapela, moa yet long ol husat i gat nid.

Dispela stret em i wanem samting mipela insait long Sios bilong God Intenesenel i wok long traim long mekim. Mipela i mekim bes bilong mipela bilong inapim wanem samting God i laikim long mipela. Long dispela as mipela i bin putim wanpela fri klinik bilong painimaut sik bilong helpim ol husat i no gat mani bilong peim ol tes bilong dokta.

Mipela gat tu ol dispela skul we mipela baim olgeta samting bilong helpim ol sumatin husat i stap rabis tasol ol i fit long stadi. Na dispela helpim mipela i givim em i bilong baim skul fi na ol narapela fi, ol fri klos bilong werim long skul, fri kaikai, na yusim ol kompyuta na ol narapela samting fri bilong kisim save.

Mipela i save wokim tu oltaim ol wok bilong oraitim sik bilong ol man long kain kain hap bilong dispela graun we mipela i wokim wok bilong oraitim sik long bodi sait, long sait bilong ol tit, na ol ai, na tu mipela i givim ol vitamin na ol marasin. Na mipela i gat tu ol hap bilong lukautim ol pikinini husat ol papa bilong ol i dai pinis, ol bebi husat ol papamama bilong ol i bin lusim ol, na ol lapun.

Olgeta dispela fri wok na ol kain helpim mipela i givim long olgeta, we mipela i no bisi long wanem kain lotu o lain bilong ol.

Yumi no save wanem samting tumora ken bringim. Yumi no inap tok sapos tumora yumi bai stap yet. Yumi no save tu sapos, wanpela bilong ol dispela de, yumi tu bai kisim bagarap long ol samting nogut i kamap long wok bilong man o long nature. Na bikos long ol dispela samting yumi no klia long en, em i bikpela samting tru olsem oltaim yumi redi long wanem samting bai kam, moa yet olgeta long taim Bikpela Jisas Kraist i laik kam.

Tasol ausait long mekim ol wok bilong pasin holi na soim sori long ol narapela, em i gutpela olgeta olsem bipo long Bikpela i kam, yu bai inap long painim dispela trupela Sios we trupela bilip i stap, na we ol i bihainim strong trupela pasin bilong bihainim God.

GLORI I GO LONG GOD!

Tok Lukaut: Ol lain bilong tanim tok bilong mipela ol i lukaut na yusim gut tru save bilong ol taim ol i bin tanim dispela blog i go long Tok Pisin. Tasol, ControversyExtraordinary.com i no tok olsem olgeta infomesen ol i bin tanim i no gat asua bikos long sampela ol samting. Taim i gat sampela asua namel long rait i nambawan tru i stap long tok Inglis na rait ol i bin tanim long Tok Pisin, rait i nambawan tru i stap long tok Inglis i winim narapela oltaim.

I No Gat Wanpela Taim Ol I Tok Em Inap: Olsem Wanem Pasin Gridi bilong Man I Ken Kamapim BelhatTru bilong God

March 10, 2020 lotu Kristen 0 Ol Toktok long Dispela

Ol samting nogut i kamap long nature (olgeta samting God i kamapim long nating long dispela graun) olsem taim ol maunten i paia na pairap, ol bikpela guria, ol raunwin nogut na ol taitwara i inap bagarapim olgeta ol samting, na kamap bilong ol sik wanpela inap pasim i go long narapela, olsem dispela Covid-19 i bin stat insait long Saina na kilim na mekim sik ol tausen manmeri long kain kain hap bilong dispela graun, ol i sampela bilong ol dispela taim nogut i bin kamap long taim bilong yumi. Na lukim, ol i kam wanpela bihain long narapela, sapos i no long wankain taim stret.

Moa long dispela em i ol taim bilong trabel long sait bilong sosaiti na politiks long planti kantri, na tu dispela pasin birua na isi long kirapim pait namel long sampela ol kantri, ol dispela ken kamapim woa sapos ol i no stretim wantaim gutpela toktok.

Olgeta dispela samting i kamap ol i kamapim pret na bikpela wari tru long planti bikos olgeta i ken bagarapim laip. Planti i no inap long lusim tingting sapos ol dispela samting i inapim pinis sampela toktok bilong Baibel.

Long wanpela, Baibel i bin autim tok profet long olgeta dispela samting i kamap nau. Dokta Michio Kaku, wanpela man Japan husat i bin kisim Nobel Prize, em i bin tok stret taim em i bin tok olsem, “God Em i wanpela mathematician (saveman long mats).” Olsem wanpela mathematician, God i inap kaunim olgeta dispela samting i laik kamap long man olgeta.

Taim yu kisim olgeta samting long sait bilong olgeta dispela samting i bin kamap long olgeta handet yia bipo na skelim olgeta sait bilong olgeta wan wan toktok, yu bai inap tok olsem olgeta dispela samting i bin kamap na i wok long kamap nau long ol ai bilong yumi tru tru ol i mas kamap.

I no gat rot long yumi bai inap abrusim ol, moa yet sapos yumi tingim na skelim dispela samting i stap tru olsem i gat ol dispela samting i kamap man i no inap long lukim, tasol God i inap lukim. Taim yu bungim olgeta samting, yu bai luksave olsem ol dispela samting i kamap bilong kamapim pret na bihainim pasin i no gat sori long dispela graun, ol i kam ausait long pasin gridi bilong man.

Ol woa i kamap bikos man i bin kamap gridi tru. I no gat wanpela taim em i tok em inap long wanem samting em i gat. Nau, kain olsem, yumi witnesim olsem wanem Saina, wanpela kantri i gat bikpela pawa, em i mekim hap bilong bosim bilong em i bikpela moa taim em i stilim ol dispela hap graun, ol ailan, na ol solwara i bilong Filipins stret.

Ol i mekim dispela maski pasin bilong ol i no bihainim dispela intenesenel lo i makim ol hap arere bilong olgeta wan wan kantri. Ol i no luksave long dispela lo, tasol ol i sakim em. Ol i no givim ona long namba bilong bosim bilong ol asples, ol i givim baksait long ol bikos long pasin gridi.

Wanem samting yu inap lukim em i olsem. Planti bilong ol dispela kantri i gat bikpela pawa husat i no gat sori na i wok long givim hevi long ol kantri i no strong olsem ol, planti bilong ol em i ol atheist (man husat i no bilip long God).

Saina em i wanpela communist (em i gat bilip olsem wanpela man i no gat rait bilong kisim ol samting long em yet) kantri, na ol communist i no bilip long God I Gat Olgeta Strong, a? Mi no tok olsem olgeta Saina i no bilip long God. Tru tru, insait long Sios bilong yumi, yumi gat planti ol memba Saina. Mi yet tu i save long sampela ol Saina husat i gat gutpela bel na i pret long God. Mi minim olsem ol atheist olgeta.

Mi laik bilip olsem wanpela atheist, o wanpela man i no gat bilip long God, em bai no mekim wanpela gutpela samting. Dispela i no wanpela tingting bilong mi yet tasol, tasol dispela em i tok bilong Baibel.

Long SAM 53:1, em i tok,


Ol man husat i no bilip long God o ol atheist i ol lain bilong mekim ol samting nogut. Olgeta dispela samting nogut i kamap long man olgeta em i ol wok bilong ol atheist. Ol dispela man i ken kamapim bikpela bagarap tru bikos ol i no pretim wanpela God. God bilong ol em i ol yet.

God i bin kaunim ol mak bilong dispela pasin nogut man inap mekim. Na sapos em bai no bosim em yet long ol pasin bilong em, moa bilong ol taim nogut olsem ol woa bai kamap long dispela graun.

Wanpela as bilong wanem ol woa i kamap em i pasin bilong kam bosim hap bilong bosim bilong ol narapela. Wanpela kantri i gat moa pawa em i yusim strong long kisim dispela hap bilong bosim em i laikim maski em bai minim olsem em bai bagarapim na krungutim namba bilong ol man insait long dispela hap ol i bosim. Tasol dispela i no ken kamap olsem.

APOSEL 17:26 i tok,


I gat ol dispela hap arere God i bin makim. Narapela long dispela, i gat tu ol dispela hap arere intenesenel lo i bin makim. Wanem samting yumi mas mekim olgeta em i yumi luksave long wanem samting God na lo bilong man i bin tok strong. Tasol bilong wanem ol narapela i tok nogat long luksave long lo? Em i bikos long pasin gridi!

Em i bikos tu long pasin gridi olsem na sampela man i mekim wok bisnis i no orait long lo, olsem wokim na salim ol dispela drag i tambu i bagarapim ol laip. Narapela long dispela, bikos ol i gridi long pawa, i gat ol kantri tu husat i wokim traim long ol dispela kain marasin nogut inap pinisim ol man olgeta wantu, na tu ol husat i no mekim rong na ol pikinini husat i no inap pait bilong lukautim ol yet.

Tru tru, i gat ol tingting olsem insait long Wuhan, we dispela nupela kain coronavirus i bin kam, i gat dispela laboratory (hap bilong wokim ol traim) i wok long traim ol samting long sait bilong biological warfare (pasin bilong pait we ol i yusim ol samting i gat laip long bagarapim birua). Tru mi no save sapos dispela em i tru, tasol em i wanpela samting i gat sans long kamap, moa yet sapos yu bai tingim na skelim spit bilong dispela virus long go ausait nabaut.

Tasol maski em i tru o nogat, yumi inap klia tru olsem ol man husat i no luksave long God, ol man husat i no gat wanpela God insait long ol laip bilong ol, ol i mekim ol dispela samting,

Yupela save, ol man husat i bilip long God i gat laikim tru na sori insait long ol bel bilong ol. Ol i wari long ol birua bilong ol tu. Ol i givim ol birua bilong ol sampela samting bilong kaikai na sampela samting bilong dring wanem taim ol i hanger na nekdrai. Na ol bai no traim mekim wanpela samting i ken bagarapim ol narapela.

Em i luk olsem olgeta dispela samting bilong pretim man i kamap nau ol i ol kaikai bilong pasin gridi bilong man. Pasin gridi i mekim God i belhat, na belhat bilong Em i kamap ples klia long kain kain ol rot. Sampela taim, God i yusim nature long soim ples klia belhat bilong Em. Olsem na, i gat ol taim ol maunten i paia na pairap.

SAM 104:32 i tok,


Ol guria tu i soim ples klia belhat bilong God.

JOP 9:5-6 i tok,


Ol strongpela raunwin nogut tu i soim ples klia belhat bilong God.

JEREMAIA 25:32-33 i tok,


God i salim ol dispela strongpela raunwin nogut i bringim bikpela ren tru. Na bikos long ol bikpela ren i wok long kam, sampela hap i pulap long taitwara. Ol man dringim wara na dai long taitwara. Sampela taim tait bilong wara i karim ol bodi bilong ol long kain kain ol hap. I gat ol taim ol man i no inap painim na kisim ol daibodi bilong ol moa. Olsem na, ol i no inap planim ol stret, na ol man husat i laikim tru ol i no gat sans long krai sori long ol.

Yumi inap tok olsem olgeta dispela i ol kaikai bilong pasin bilong mekim sin bilong ol man. Man i stap longwe tru pinis long God. Klostu em i no prea moa. Na em i no gat laik moa long mekim ol gutpela pasin. Em i no mekim ol gutpela pasin long ol narapela, tasol em i bin wokim ol rot bilong winim ol samting long ol. Em i tingting long ol samting nogut tasol.

JENESIS 6:5 i tok,


Long dispela as, long taim bilong Noa, God i bin bringim wanpela bikpela taitwara long ol man. Ol sin nogut bilong ol i bin mekim God i belhat.

JENESIS 6:7 i tok,


Olsem na, yumi mekim God i belhat taim yumi mekim ol samting nogut tasol olgeta. Tingim, God i no bin kamapim man long nating long kamap ol lain bilong mekim pasin nogut.

EFESAS 2:10 i tok,


God i bin kamapim yumi long nating long mekim ol gutpela wok. Tasol, planti bilong yumi i no mekim ol gutpela wok long ol narapela. Planti i tingting long wanem samting i gutpela na helpim ol tasol. Olgeta tingting na pasin bilong ol i stap long mak i go long helpim ol yet tasol. Klostu ol i no wari long sait bilong helpim ol narapela man.

Long dispela as mi no kamap les long lainim ol brata na ol susa bilong mipela insait long Sios bilong God long mekim ol gutpela pasin long olgeta man, maski ol i bilong wanem lotu. Tru tru, olgeta taim grup bilong mipela i wokim ol medical mission (wok bilong oraitim sik bilong man na givim marasin fri), ol feeding program (wok bilong givim kaikai long ol man), na ol blood donation project (wok bilong givim blut) i no long Filipins wan tasol long ol narapela hap bilong dispela graun tu olsem Heyti, Brasil, na planti moa.

Mipela bin kamapim tu ol hap bilong stap bilong helpim ol husat sosaiti i givim baksait long en na ol husat i no gat haus. Mipela i gat wanpela Infant Care Center bilong lukautim ol bebi husat papamama i bin lusim. Mipela i gat ol haus bilong lukautim ol yangpela pikinini. Na mipela i gat ol hap bilong stap bilong lukautim ol lapun husat ol pikinini bilong ol i bin lusim ol. Narapela long dispela, mipela i save wokim ol rescue and relief operation (wok bilong kisim bek na helpim ol man) long ol taim nogut.

Mi tok tenkyu tru long God bikos ol brata na ol susa bilong mipela insait long Sios bilong God i bihainim tru ol dispela Kristen pasin ol i bin lainim long Baibel. Ol i strong long sapotim na givim han long olgeta dispela wok bilong mipela i laik helpim ol narapela man, moa yet olgeta long ol blood donation project bilong mipela.

Tru tru, Philippine Blood Center i bin givim luksave long grup bilong mipela long sevenpela yia wanpela bihain long narapela bikos long stap namba wan lain bilong givim blut insait long kantri. Ol brata na ol susa bilong mipela insait long Sios i bin lainim long givim wanpela hap bilong ol yet, i no mani bilong ol tasol long ol narapela man, taim ol i no askim wanpela bekim long dispela. Ol i no tingim ol yet tasol. Ol i no gridi.
 

Sapos tasol i no gat wanpela gridi man, sapos tasol olgeta man bai bihainim pasin bilong laikim tru na givim ona wanpela long narapela, na sapos tasol olgeta man bai kamapim pasin bilong bilip tru na bihainim God, orait dispela graun bai kamap wanpela ples bilong stap long en i mobeta. Na taim dispela i kamap, bai i no gat woa, hangre, pasin bilong yusim ol narapela wantaim pasin nogut, ol sik nogut na ol taim nogut moa. Olgeta man bai stap wantaim bel isi na wanbel pasin.

Tasol taim man i tok nogat long luksave na bihainim Em, taim man i go yet long ol pasin bilong em i pulap long sin, man olgeta bai go yet tu long bungim kain kain ol hevi. Tingim, pasin bilong man i pulap long sin i mekim God i belhat.

Klia tru, taim yumi gat bilip tru long God na taim yumi bihainim ol tok strong bilong Em, yumi no gat wanpela samting bilong lusim na yumi gat planti tru bilong winim. Yumi inap kisim laip stap oltaim oltaim tu.

Tasol sapos yu makim olsem yu no bilip long Em, sapos yu makim olsem yu harim nating ol tok bilong Em, yu bai no winim wanpela samting tasol belhat tru bilong God, na nogut yu lusim tu sans bilong yu long kisim bek.

GOD I KEN BLESIM YU!

Tok Lukaut: Ol lain bilong tanim tok bilong mipela ol i lukaut na yusim gut tru save bilong ol taim ol i bin tanim dispela blog i go long Tok Pisin. Tasol, ControversyExtraordinary.com i no tok olsem olgeta infomesen ol i bin tanim i no gat asua bikos long sampela ol samting. Taim i gat sampela asua namel long rait i nambawan tru i stap long tok Inglis na rait ol i bin tanim long Tok Pisin, rait i nambawan tru i stap long tok Inglis i winim narapela oltaim.