Tok Tru long Sait bilong Pasin bilong Givim Namba Ten Hap (Tithing)

February 29, 2020 0 Ol Toktok long Dispela


Ol pasta husat i laik bungim planti mani tru long ol yet ol i yusim dispela tok long Malakai 3:10. Ol i mekim ol man i bilip olsem sapos ol i gat laik long God bai givim long ol ol blesing i kam long heven, ol i mas peim tithes (namba ten hap).

Dispela em i wanpela giaman i stap ples klia! Bilong wanem? Bikos Malakai 3:10 em i no wanpela tok strong long ol Kristen tasol long ol Isrel.

Olsem rait i stap pinis long Malakai 4:4,

Yupela holim tingting long lo bilong wokboi bilong Mi Moses, husat Mi tok strong long em long Horep bilong helpim olgeta Isrel, wantaim ol lo Mi raitim na ol kot.

Tithing, o pasin bilong givim namba ten hap, em i wanpela hap bilong lo bilong Moses. Tasol dispela lo i no gat pawa moa long taim Kristen bikos taim Bikpela Jisas Kraist i bin kam, Em i bin senisim lo. Em i bin senisim wokpris. Olsem na, senis long wokpris i nidim long senis long lo tu.

Olsem rait i stap pinis long HIBRU 7:12,

Long wanem, bikos wokpris i senis, i gat nid long i mas gat wanpela senis i kamap tu long lo.

Tasol, ol lain husat i strong long tithing ol i no save ritim dispela ves stret. Ol i gat laik long ol memba bilong ol bai peim tithes olgeta taim bikos em i minim olsem tru tumas ol bai kisim mani.

Em i luk olsem ol dispela pasta na minista i no klia olsem lo bilong tithing i gat pawa tasol long taim bilong wokpris bilong Moses. Olsem na, pawa bilong em i go pinis. Wanem samting i gat pawa nau em i lo bilong Kraist. Long dispela as long taim Kristen, yu noken mekim ol man bihainim lo bilong Moses.

APOSEL 13:39 i tok,

Na long Em olgeta husat i bilip i kamap stretpela long olgeta samting, long ol dispela yupela i no inap kamap stretpela long en long lo bilong Moses.

Lo bilong Kraist i bin kisim ples bilong lo bilong Moses. Wanem samting yumi mas inapim nau em i lo bilong Kraist.

GALESIA 6:2 i tok,

Yupela i mas helpim long karim hevi wanpela bilong narapela, na long dispela bai yupela inapim lo bilong Kraist.

Lo bilong Kraist i no askim strong olsem yumi peim tithes. I no gat wanpela samting yumi mas peim. Yumi no gat wanpela dinau long ol pasta olsem na bilong wanem yumi mas peim ol?

God i no tok strong long ol Kristen long peim tithes. Ol tok strong long ol Kristen i stap ples klia long leta bilong Aposel Pol i go long ol brata na ol susa long Korin.

Long 2 KORIN 9:7, em i tok,

Olgeta wan wan man bilong bihainim olsem em i tingting long mekim insait long bel bilong em, olsem tasol larim em givim. I no wantaim planti toktok, o bikos ol i pulim em strong. Long wanem, God i laikim tru man i givim wantaim amamas.

Olgeta wan wan man, olgeta wan wan Kristen long taim bilong lotu Kristen i no peim wanpela samting. Tasol, em i save givim helpim bilong bihainim wanem samting bel bilong em i tokim em. Dispela laik bilong givim em i kam ausait long bel bilong em, na hamas em i laik givim, em tu i bihainim tingting bilong bel bilong em. I no gat mak stret bilong prais na em i mas mekim pasin bilong givim long laik, “i no wantaim planti toktok” bikos “God i laikim tru man i givim wantaim amamas.” Bikos long dispela, ol Kristen bilong namba wan handet yia husat i bin helpim wok bilong God insait long Sios ol i no bin givim namba ten hap tasol.

2 KORIN 8:3 i tok,

Long wanem, long pawa bilong ol, mi tokaut long en, yes, na hapsait long pawa bilong ol ol i gat laik long ol yet i ken mekim.

Ol i bin givim long hapsait bilong pawa bilong ol, long laik bilong ol taim ol i stap fri. I no gat wanpela man husat bin tokim ol hamas ol i mas givim. Sapos yu givim namba ten hap, em i minim olsem yu no givim long laik bilong yu yet taim yu stap fri tasol long laik bilong pasta bilong yu.

Holim long tingting olsem dispela lo bilong tithing, em i wanpela hap bilong lo bilong Moses, em i bin stap laik bilong God long taim bilong ol Isrel. Tasol lo bilong Kraist i bin kisim ples bilong lo bilong Moses. Na aninit long lo bilong Kraist, yu mas givim, i no namba ten hap, tasol bilong bihainim wanem samting yu tingting long mekim insait long bel bilong yu.

Plis, noken larim ol man i giamanim yu!

Tok Lukaut: Ol lain bilong tanim tok bilong mipela ol i lukaut na yusim gut tru save bilong ol taim ol i bin tanim dispela blog i go long Tok Pisin. Tasol, ControversyExtraordinary.com i no tok olsem olgeta infomesen ol i bin tanim i no gat asua bikos long sampela ol samting. Taim i gat sampela asua namel long rait i nambawan tru i stap long tok Inglis na rait ol i bin tanim long Tok Pisin, rait i nambawan tru i stap long tok Inglis i winim narapela oltaim.

0 comments:

Long Sait bilong Ol Ring bilong Marit, Ol Pasin Tumbuna bilong Ol Man, na Pasin bilong Bihainim God

February 24, 2020 0 Ol Toktok long Dispela


Em i wanpela pasin bilong planti lain manmeri i kam long kain kain sosaiti, i kam long kain kain wokabaut bilong laip long tingim olsem wanpela ring bilong marit i bikpela samting tumas. Kain olsem, ol i luksave long em olsem wanpela mak bilong laikim tru. Bikos long dispela, ol marit man na meri, moa yet ol meri, ol i no gat laik long rausim em long ol pinga bilong ol bikos ol i pret olsem nogut ol narapela i tingting kranki long em. Tasol antap moa long olgeta samting, ol i pret olsem nogut em bai mekim ol man bilong ol i belhat tru o bel nogut.

Pastaim, wanpela ring, maski em i wanpela ring bilong marit, em i wanpela kain bilas we skel bilong gol na ol ston dia tumas bilong en ol i stretim gut tru long en, dispela i soim namba long sosaiti bilong wan husat i werim em na wan husat i givim em, tupela wantaim.

Tasol maski sapos ol i mekim em ausait long ol samting i naispela olgeta, yet wanpela ring i no soim skel bilong laikim tru, pasin bilong stap beltru, na pasin bilong tupela lain husat i wokim kontrak long marit long givim ol yet long wanpela narapela, na em i no wanpela samting bilong holimpas oltaim. Wanpela ring ken i lus sapos wan husat i werim em em i no lukautim gut o em i save givim baksait. Ol man bai inap stilim em sapos em i pulim interes bilong ol stilman. Wanpela ken givim em bilong kisim dinau na em bai i no inap moa long baim bek taim em i bungim taim hevi long sait bilong mani.

Tasol sapos ring bilong marit i lus pinis, o sapos meri i rausim em long pinga bilong em, ating em i minim olsem sindaun bilong em wantaim man bilong em bai go bagarap, o? Ating em i minim tu olsem bikos meri i sakim dispela pasin tumbuna bilong werim wanpela ring bilong marit, em i no laikim tru moa man bilong em, o? Nogat olgeta!

Baibel i tokim yumi long ol dispela samting yumi mas bihainim, na ol i ol skul tok bilong Bikpela Jisas Kraist. Pasin bilong yumi bilong bihainim tok em i mas i go long ol skul tok bilong Em, i no long ol skul lotu man i wokim, i no long ol pasin tumbuna, na i no long ol pasin bilong wanpela lain manmeri.

Taim yu toktok long Baibel, i gat strongpela tok long ol meri olsem ol i noken werim ol bilas olsem ol ring, maski sapos em i wanpela ring bilong marit.

1 TIMOTI 2:9-10 i tok,

9 Long wankain pasin olsem tu, long ol meri i mas bilasim ol yet long naispela klos i soim gutpela pasin, wantaim pasin bilong pes i sem na pasin bilong yusim tingting gut. I no wantaim gras i gat kain bilas, o gol, o ol kiau bilong golip, o ol klos i dia tru.
10 Tasol (dispela i gutpela long ol meri i tokaut long ol i gat ol pasin i bihainim God) wantaim ol gutpela wok.

Olsem na, sapos wanpela meri i bihainim dispela strongpela tok, sapos em i rausim ring bilong em long pinga bilong em, em i wanpela pasin bilong soim ples klia pret bilong em long God na pasin bilong bihainim tok long God. Na ol maritman i noken kisim dispela olsem samting nogut. Ol i mas tingim na skelim olsem ol pasin bilong ol meri bilong ol bilong bihainim tok, ol i mas mekim long God, antap long olgeta samting, na i no long ol, o long ol pasin tumbuna.

Pasin bilong bihainim tok bilong God em inap mekim wanpela meri i kamap wanpela gutpela maritmeri. Long stap wanpela gutpela maritmeri em i no sanap antap long ring bilong marit. Ring i no gat wanpela samting bilong mekim wantaim em. Long kamap wanpela gutpela maritmeri, wanpela meri mas i gat stia bilong tok bilong God, na i no bilong ol pasin bilong sampela lain manmeri na ol pasin tumbuna bilong man.

Moa tu, sapos wanpela meri i bihainim tok strong bilong Kraist olsem em i noken werim gol, o ol kiau bilong golip, o ol klos i dia tumas, em i inap long pruvim olsem pasin bilong stap beltru na pasin bilong pas long wanpela ol i go long Em na long ol tok bilong Em, we ol dispela inap mekim em kamap wanpela mobeta maritmeri long man bilong em.

Wanpela maritmeri i noken wari long man bilong em bai kirap o bel nogut olsem wanem taim em i lukim olsem em i bin rausim ring bilong marit bilong em i go lusim pinga bilong em. Bikpela bai laitim tingting bilong man bilong em inap long ol bai no gat trabel. Em i mas mekim tasol ol pasin i gutpela tru long em.

1 PITA 3:1 i tok,

Wankain olsem, yupela ol maritmeri, stap aninit long ol man bilong yupela yet. Inap long, sapos wanpela i no bihainim tok bilong God, ol maritmeri i ken winim ol tu ausait long tok bilong God wantaim pasin bilong ol,

Long gutpela pasin bilong em na long daun pasin bilong em, wanpela maritmeri inap winim man bilong em. Taim man bilong em i lukim olsem wanem pasin bilong em bilong bihainim tok bilong God i wokim wok insait long em long gutpela rot, em isi long em long inap senisim bilip bilong em bilong kamap bilong God tu. Em i no nid long mekim wanpela toktok. Wantaim helpim bilong God, tingting bilong em bai kisim lait. Na bihain, em bai kamap wanpela man bilong bihainim Kraist tu. 

Wanpela liklik tok helpim: Mobeta long holimpas ol pasin tumbuna na ol bilip bilong man, yu bihainim Bikpela na Bikpela bai stretim ol hevi bilong yu, na tu ol wari bilong yu long sait bilong marit wantaim.

Olsem rait i stap pinis long 1 PITA 5:7 i tok,

Taim yupela i tromoi olgeta wari bilong yupela antap long Em. Long wanem, Em i wari long yupela.

Lusim olgeta wari na hevi bilong yu long God, na tu ol dispela hevi yu tupela man bilong yu ken bungim long taim bihain. Putim bilip long Em bikos Em i wari long sait bilong yu. AMEN.

Tok Lukaut: Ol lain bilong tanim tok bilong mipela ol i lukaut na yusim gut tru save bilong ol taim ol i bin tanim dispela blog i go long Tok Pisin. Tasol, ControversyExtraordinary.com i no tok olsem olgeta infomesen ol i bin tanim i no gat asua bikos long sampela ol samting. Taim i gat sampela asua namel long rait i nambawan tru i stap long tok Inglis na rait ol i bin tanim long Tok Pisin, rait i nambawan tru i stap long tok Inglis i winim narapela oltaim.

0 comments:

Em I Trupela Laikim Tru o Nogat? Rot bilong Lukim Dispela ‘Wanpela’ Taim Yu No Painim Ol

February 17, 2020 0 Ol Toktok long Dispela


Olgeta wan wan man na meri husat i go insait long marit, ol i driman oltaim long ol bai gat wanpela laip marit i pulap long amamas, dispela bai stap inap long dai. Maski i no olgeta taim em i kamap, yu inap kisim em. Long wanpela, yu inap kisim dispela sapos yu bin maritim wanpela man o meri bilong yusim save. Sapos nogat, tru tumas sindaun bilong yupela bai i no strong na i pulap long trabel.

Askim i olsem, olsem wanem yu inap painim wanpela spouse (man o meri husat yu maritim) bilong yusim save?

Sapos yu bai painim wanpela poro long laip o wanpela spouse taim yu yusim ol skel bilong yu yet, nogut wok painim bilong yu bai kamap samting nating. O nogut, dispela spouse yu bai painim em i no man o meri bilong yusim save tru tru. Bilong wanem?

PROVEP 19:14 i tok,

Haus na ol planti mani samting ol i samting papa i givim pikinini bilong ol papa. Na meri bilong yusim save em i kam long BIKPELA.

Wanpela spouse bilong yusim save em i kam long God. Na yu bai inap long skelim olsem em i kam long God sapos em i holimpas na bihainim ol skul tok bilong God.

2 TIMOTI 3:17 i tok,  

Inap long man bilong God i ken stap inap tru, redi long olgeta hap bilong mekim olgeta gutpela wok.

Lain manmeri bilong God i kisim lainim olgeta long olgeta gutpela wok. Sapos em i olsem, yu inap klia tru long ol bai inap stap ol maritman na ol maritmeri bilong yusim save taim ol i marit.

Yes, tru i gat rot long painim wanpela man o meri bilong yusim save. Yu mas sanap strong inap long wet. Na taim stret i kam, yu bai inap long bungim wanpela husat i pretim God na tingim olsem ol skul tok bilong Em i bikpela samting.

Noken maritim wanpela spakman. Noken maritim wanpela husat i pulap long olgeta kain pasin bilong amamas nogut. Noken maritim wanpela husat i isi long sigarapim bel bilong en long belhat. Tru tru, God i no gat laik tu long yu pas o sindaun wantaim ol man husat i isi long sigarapim bel bilong ol long belhat na ol man i save belhat tumas.

PROVEP 22:24-25 i tok,

24 No ken kamap pren wantaim belhat man. Na no ken go wantaim man bilong belhat tru.
25 Nogut yu lainim ol pasin bilong em na kisim trep i kam long tewel bilong yu.

God i no gat laik long yu prenim o pas wantaim ol, tasol long yu stap longwe long ol, moa yet ol husat i belhat oltaim na i ken kamap ol lain strong tru na i no save givim ona long ol narapela. Sapos yu maritim kain man o meri olsem, nogut bihain yu kisim bagarap tasol long bodi sait na long sait bilong toktok.

 Em i gutpela olgeta long yu no marit hariap inap long yu no karim hevi bihain. Wet long dispela man o meri bilong yusim save husat God bai givim yu. Tingim oltaim olsem wanpela spouse husat God i givim em i gat pasin bilong yusim save. Em i no bihainim wanpela pasin bilong amamas nogut na em i bihainim ol skul tok bilong God. Na wantaim dispela man o meri, yu bai inap gat wanpela kain marit i pulap long amamas tru na i inap stap yet oltaim.

Tok Lukaut: Ol lain bilong tanim tok bilong mipela ol i lukaut na yusim gut tru save bilong ol taim ol i bin tanim dispela blog i go long Tok Pisin. Tasol, ControversyExtraordinary.com i no tok olsem olgeta infomesen ol i bin tanim i no gat asua bikos long sampela ol samting. Taim i gat sampela asua namel long rait i nambawan tru i stap long tok Inglis na rait ol i bin tanim long Tok Pisin, rait i nambawan tru i stap long tok Inglis i winim narapela oltaim.

0 comments:

Baptais I Wasim Ol Sin I Go

February 08, 2020 0 Ol Toktok long Dispela


Ating God bai lusim olgeta sin wanpela man i mekim taim em i kisim baptais insait long Sios bilong God, o nogat?

Bilong bekim dispela askim, yumi ken tingim na skelim dispela ol toktok bilong Aposel Pol. Olsem em i tok, long skelim bilong em, yu inap kaunim em olsem wanpela bilong ol nambawan sinman long dispela graun olgeta. Dispela em i bikos em i bin mekim planti bikpela sin tru i birua long God, i birua long Bikpela Jisas Kraist, na i birua long ol Kristen bipo. Tasol, em i bin inap long kisim sori.

1 TIMOTI 1:12 i tok,

Na mi tok tenkyu long Kraist Jisas, Bikpela bilong yumi, husat i bin inapim mi, long dispela, Em i kaunim mi olsem man yu inap bilip long em, na putim mi insait long wok bilong God.

Aposel Pol i bin pulap long tok tenkyu long Bikpela Jisas Kraist bikos Em i bin kaunim em man yu inap bilip long en. Em i bin klia olgeta olsem taim Bikpela i bin kaunim em man yu inap bilip long en, tru tumas Bikpela i bin yusim bikpela pasin bilong tingim na skelim na sori.

1 TIMOTI 1:15 i tok,

Dispela em i wanpela tok yu inap bilip long en, na em i gat namba inap long yu ken kisim olgeta, long Kraist Jisas i kam long dispela graun long kisim bek ol sinman, bilong husat mi nambawan.

Em i bin save em i bin stap wanpela sinman tumas olsem wanem. Tru tru, em i bin kolim em yet wanpela “nambawan sinman.” Long kaunim em yet olsem wanpela nambawan sinman long dispela graun olgeta, i no insait long Isrel tasol, i no insait long wanpela bilong ol lain bilong Isrel, tasol long dispela graun olgeta, em i wanpela tok i strong tru. Tasol em i bin gat ol as tingting bilong bilipim olsem.

1 TIMOTI 1:13 i tok,

Husat bipo i stap man bilong tok bilas, na man bilong givim hevi, na man bilong bagarapim arapela. Tasol mi kisim sori, bilong wanem, mi mekim dispela taim mi no klia taim mi no gat bilip.

I gat wanpela taim insait long laip bilong em olsem em i bin stap man bilong tok bilas. Em i bin mekim ol toktok na ol samting i birua long God. Narapela long stap wanpela man bilong tok bilas, em i bin stap man bilong bagarapim arapela na wanpela man bilong givim hevi bilong Sios na bilong ol Kristen bipo. Tasol, em i bin kisim sori bilong God stat long taim em i bin mekim ol dispela samting taim em i no klia na em i no bilip.

Em i minim olsem, God i bin lusim rong bilong em long olgeta dispela samting i no gat ona em i bin mekim. Olsem wanem? God i bin tok strong long em long mekim wanem samting, inap long God i lusim ol sin bilong em?

God i bin tokim em long kisim baptais.

APOSEL 22:16 i tok,  

Na nau bilong wanem yu stap yet? Kirap, na kisim baptais, na wasim ol sin bilong yu i go, taim yu singaut long nem bilong Bikpela.

Klia tru, dispela baptais Baibel i skulim em i wanpela samting God i askim strong bilong lusim olgeta sin.

Baptais i wasim i go ol sin bilong wanpela man, maski sapos dispela man i bin stap wanpela “nambawan sinman” olsem Aposel Pol.

God i ken blesim yu!

Tok Lukaut: Ol lain bilong tanim tok bilong mipela ol i lukaut na yusim gut tru save bilong ol taim ol i bin tanim dispela blog i go long Tok Pisin. Tasol, ControversyExtraordinary.com i no tok olsem olgeta infomesen ol i bin tanim i no gat asua bikos long sampela ol samting. Taim i gat sampela asua namel long rait i nambawan tru i stap long tok Inglis na rait ol i bin tanim long Tok Pisin, rait i nambawan tru i stap long tok Inglis i winim narapela oltaim.

0 comments:

Bilong Wanem God I Larim Man I Karim Pen?

February 04, 2020 0 Ol Toktok long Dispela


Wanem taim man i bungim ol taim nogut na ol pen, em i laik gat tingting long tok birua long pasin bilong laikim tru bilong God long em. Em i no tok stret, tasol long sampela rot em i kamapim tingting olsem em i karim pen bikos God i bin lusim em. Dispela, tru tru, em i wanpela kain lain bilong tingting i kranki tru. Man mas luksave olsem olgeta pen bilong em ol i ol kaikai bilong ol sin bilong em na pasin bilong em bilong sakim tok bilong God.

God i bin kamapim man long nating long piksa na lukluk bilong Em, olsem Baibel i tok. Man i bin stap stretpela taim God i bin kamapim em long nating. I no gat wanpela nogut i stap long dispela graun long stat. Na i no gat dai tu. Sapos i no bin gat dai, em i minim olsem i no gat sik tu. Klostu i no gat wanpela samting inap bagarapim laip bilong man long dispela taim. Long wankain taim stret, God i bin mekim redi long namba wan man na meri olgeta dispela samting ol bai nidim bilong mekim ol i stap laip.

JENESIS 2:16-17 i tok,

16 Na God BIKPELA i tok strong long dispela man, i spik, Long olgeta diwai bilong dispela gaden yu ken kaikai long laik bilong yu.
17 Tasol long diwai bilong save bilong gutpela pasin na pasin nogut, yu bai i no inap kaikai long en. Long wanem, long de yu kaikai long en, tru tumas, yu bai dai.

God i bin putim Adam na Iv insait long dispela wanpela gaden i gat ol diwai samting na ol animal samting wantaim. Em i bin givim long tupela dispela pasin bilong stap fri bilong kaikai olgeta wan wan frut long dispela hap tasol i no dispela bilong diwai bilong save long gutpela na nogut. Sapos ol i kaikai, tru tumas ol bai dai. Dispela i minim olsem dai bai kam tasol sapos ol bai sakim tok strong bilong God, tasol sapos ol bai bihainim ol strongpela tok bilong Em wantaim bel i stap tru, ol bai no inap dai. Tasol, Adam na Iv i bin fel long bihainim dispela wanpela tok strong bilong God. Na bikos long dispela pasin bilong sakim tok, dai na ol pen i bin kam.

ROM 5:12 i tok,

Olsem na, olsem long wok bilong wanpela man sin i kam long dispela graun, na dai long wok bilong sin, na olsem tasol dai i bin kam antap long olgeta man, long wanem, olgeta i bin mekim sin,

Em i stap ples klia olsem ol pen bilong olgeta manmeri ol i wanpela mekim save long ol kranki pasin bilong ol man. Tasol, wanem taim ol dispela samting i kam, ol i no luksave long ol kranki pasin bilong ol, tasol ol i tok birua yet long pasin bilong laikim tru, sori na pilim bilong jastis bilong God. Ol narapela i mekim em luk olsem God Em i gat han long kamapim ol pen bilong ol.

God Em i wanpela God bilong jastis. Na Em i mas wokim jastis long olgeta wan wan rot inap. Unives i wok bikos long jastis. Olsem yumi bin lainim long saiens, i gat pul bilong san antap long dispela graun. Narapela long san, ol arapela samting i stap long heven i stap nabaut long em ol i pulim dispela graun long wankain pasin. Wanpela wankain pul stret mas i stap bilong mekim dispela graun i stap yet long axis (poin bilong tanim) na long rot bilong em we em i raun nabaut long san. San i no inap pulim moa long dispela mak God i larim em long pulim dispela graun bikos i gat dispela gravity (pul bilong wanpela samting long narapela samting) i kam ausait long san na i gat dispela gravity tu i kam ausait long ol arapela samting long heven, ol i stap nabaut long yumi, i kam long ol planet.

Jastis, o kain pul i wankain stret na i kam long wanpela i go long narapela, em i mekim laip i stap yet long dispela graun. Sapos i no gat jastis i stap, ol samting bai go kranki. Ol saientis i tok olsem, sapos yumi bin stap klostu moa long san, yumi bai kuk long paia. Na sapos yumi bin stap longwe moa liklik long em, yumi bai kamap ais. Olsem na, taim yu toktok long mats, yumi stap long wanpela hap, o ples, stret tru, long unives we laip inap stap yet.

Jastis insait long sosaiti tu em i bikpela samting tru. Kain olsem, jastis mas i stap namel long maritman na maritmeri, namel long ol papamama na ol pikinini, namel long ol memba bilong wanpela famili, insait long wanpela komuniti, insait long wanpela kantri.

Bilong mekim jastis na gutpela sindaun i stap yet insait long wanpela family, papamama mas stap ol gutpela lain bilong givim ol samting long ol pikinini bilong ol, na ol pikinini mas stap ol lain bilong helpim papamama bilong ol. Em bai i no jastis long papamama sapos olgeta wok bai go long han bilong ol. Long wankain pasin em bai no jastis long ol pikinini sapos olgeta wok bai go long han bilong ol.

Jastis i minim equality (pasin bilong stap wankain stret). Insait long tok Grik Baibel, em i dikaiosune. Insait long olgeta wan wan hap bilong laip, dikaiosune o equality mas i stap. Sapos yumi go birua long lo bilong God, sapos yumi go birua long lo bilong equality, yumi mas karim pen long ol kaikai bilong pasin bilong yumi bilong sakim tok.

Dispela em i as bilong wanem ol man nau i karim pen. Pasin bilong man bilong sakim tok em i bin bagarapim DNA olgeta. Ol sin bilong man i mekim doti wanem samting mas i stap insait long DNA, taim em i tok nogat long harim jastis bilong God, long ol dispela pasin bilong bagarapim em yet, olsem kisim drag, na ol pasin bilong bagarapim ol samting i stap nabaut. Nau, win em i 21% oxygen tasol na carbon em i bikpela hap tru bilong win, dispela i kamapim ol hevi long langs, ol allergy, na ol arapela sik. Stap bilong ol samting bilong mekim win i doti em i wanpela kaikai bilong pasin bilong man bilong bagarapim ol samting bilong yusim i stap long nature.

Planti ol yia bipo, ol man husat i wok long stadim ol samting i stap nabaut ol i bin wokim wanpela test. Ol i bin digim ol layer (wanpela hap bilong wanpela samting i stap antap long narapela hap bilong em) bilong ais long North Pole na long South Pole. Ol dispela layer bilong ais ol i kolim strata i stap piksa bilong wanpela hap stret bilong taim insait long histori bilong dispela graun. Insait long stadi bilong ol, ol i bin painimaut bikpela hap moa bilong oxygen i stap insait long wanpela mak stret bilong ais (dispela em i piksa bilong wanpela hap stret bilong taim). Na em i antap moa tru long hap skel bilong oxygen long taim bilong yumi nau.

Em i no samting bilong tingting planti bilong wanem planti liklik binatang tru olsem bacteria na virus i kamap planti nau. Taim hap skel bilong oxygen i stap long wanpela kain mak stret, em inap kilim virus na bacteria. Ol alternative dokta (husat i gat save long ol rot bilong oraitim sik i no wantaim marasin na pasin bilong katim bodi) ol i bin painimaut dispela. Long dispela as, wanem taim i gat wanpela infection (taim ol liklik binatang tru i mekim man i sik), ol alternative dokta i save putim oxygen i go insait long bodi taim ol i givim sut long sikman wantaim wanpela kain samting olsem wara ol i kolim olsem hydrogen peroxide (H 2 O 2 ). Hydrogen peroxide bai bringim moa oxygen i go insait long blut bilong pasim bek virus long go nabaut. Sampela taim ol bai yusim tu ozone long oraitim sik. Ozone em i Oxygen3 (O 3 ). Taim ol i sutim Oxygen3 long blut, ol i bagarapim olgeta planti bilong ol dispela bacteria na virus i mekim man sik.

Mi wok long traim long soim wanem samting? Ol man nau i pilim kain kain pen bikos long ol pasin bilong ol yet bilong i no lukaut na ol pasin bilong bagarapim ol samting, na bikos long ol pasin bilong sakim tok long God. Sapos ol man i no sakim tok long God, ol bai no dai. God inap long mekim ol laip bilong yumi stap yet i go inap tu long wanem samting Baibel i kolim laip stap oltaim oltaim.

Tru tumas, ol dispela bodi bilong yumi bai go lapun, tasol God i gat pawa bilong givim yumi moa strong na moa ol yia. Tingim, Metusela i bin gat 969 krismas olgeta. Noa i bin stap inap long em i gat 950 krismas. Tingim, Noa i bin gat 600 krismas taim God i bin tok strong long em long wokim wanpela sip! Taim em i lapun olsem, em i strong tru yet. Tasol lukim ol man nau. Isi long ol i kamap ol man i no gat strong na ol i dai yangpela tru. Sampela taim, ol man i dai pinis taim ol i gat 50, 60 o 70 krismas. Bilong wanem? Em i bikos long ol pasin bilong ol bilong bagarapim ol samting long dispela laip.

Em i minim olsem, ol pen i kam ausait long ol pasin bilong man i kranki na ol pasin bilong man bilong bagarapim ol samting, na bikos long em i tok nogat long bihainim ol tok bilong God.

Tok Lukaut: Ol lain bilong tanim tok bilong mipela ol i lukaut na yusim gut tru save bilong ol taim ol i bin tanim dispela blog i go long Tok Pisin. Tasol, ControversyExtraordinary.com i no tok olsem olgeta infomesen ol i bin tanim i no gat asua bikos long sampela ol samting. Taim i gat sampela asua namel long rait i nambawan tru i stap long tok Inglis na rait ol i bin tanim long Tok Pisin, rait i nambawan tru i stap long tok Inglis i winim narapela oltaim.

0 comments: