Wanbel long Ol Prea long Wanpela Taim bilong Bikpela Hevi

May 28, 2020 bikpela sik , lotu Kristen 0 Ol Toktok long Dispela

Taim dispela graun olgeta i birua long bikpela sik COVID-19, i gat yet ol manmeri husat i tok nogat long wok bung wantaim ol dispela traim bilong gavman i go long daunim na pasim long go nabaut ausait dispela koronavaires i ken kilim man i dai. Ol narapela, moa yet ol husat i bilong kain kain political party (grup bilong ol politisen), i tok birua na salensim ol dispela pasin ol man i gat namba bilong bosim na ol saveman bilong helt i kisim olsem wok tru bilong ol.

Nau yet, dispela graun i birua long sik COVID-19. Klia tru dispela i no taim stret bilong tok pait nating long politiks, bilong blemim na sutim tok, na bilong pasin bilong bruk nabaut. Tasol, dispela em i taim bilong olgeta bilong yumi long kamapim wanbel, bungim ol wok bilong yumi, na wok wantaim bilong kamapim gutpela bilong olgeta taim yumi no bisi long wanpela i pas long wanem lain bilong politiks na lotu.

Moa yet olgeta, dispela em i gutpela taim olgeta bilong tingting gut, bilong tanim bel long ol sin bilong yumi, na askim plis long sori na lukaut bilong God.

Yumi no save husat bai stap yet na husat bai dai olgeta bikos long dispela bikpela sik. Yumi no save tu long dispela taim nogut long sait bilong helt bai stap yet inap long wanem taim. Tasol wantaim olgeta dispela samting i no klia, i gat wanpela samting mi klia tru long en. I no olgeta man bai pinis olgeta. God i bin mekim wanpela promis long Ebraham olsem Em bai mekim ol tumbuna pikinini bilong em long kamap planti na olsem ol bai kamap olsem wesan i stap long nambis na ol sta bilong ol heven (Jenesis 22:17). Dispela promis i promisim yumi wanpela samting inap long i no olgeta man bai no dai, bikos sapos olgeta man bai pinis olgeta long dispela vaires, orait i no gat wanpela bai stap yet bilong ol pikinini bilong Ebraham. God Em i wanpela God husat i no inap long giaman. Em i stap tru oltaim long ol tokaut bilong Em. Long dispela as, yumi inap klia tru olsem Em bai inapim promis bilong Em long Ebraham, olsem ol tumbuna pikinini bilong em bai go bikpela na kamap planti.

Sapos yumi stap namel long ol pikinini bilong Ebraham long wok bilong bilip bilong yumi long God, orait nogut God bai kisim bek yumi long dispela bikpela sik.

Galesia 3:8 i givim yumi gutpela nius. Em i tok,


I gat wanpela blesing God i bin promisim long wok bilong dispela pasin i gat blesing bilong Ebraham, God bai blesim olgeta kantri.

Long ol dispela kain taim, Em i God wan tasol long husat tru yumi inap putim bilip long en. Yumi ken prea olsem God i oraitim hap graun bilong yumi. Em i man bilong oraitim yumi. Olsem rait i stap pinis long Eksodas 15:26, “…Mi stap BIKPELA na Mi oraitim yu.”

Tasol tingim, dispela Bikpela husat i oraitim lain manmeri bilong Em, Em i dispela Bikpela stret husat i bin mekim save long ol Isip taim Em i bringim ol tenpela bikpela bagarap nabaut. Bikpela bagarap i nogut olgeta oltaim i stap long histori bilong man, em i dispela wan i bin kamapim dai bilong olgeta namba wan pikinini long Isip, bikos i no gat wanpela haus long Isip we i no gat wanpela daiman. Long wanpela nait, bikpela bagarap i bin inap long kili olgeta namba wan pikinini bilong ol.

Nogut sik COVID-19 i no yet dispela bikpela bagarap i nogut olgeta. Nogut moa ol bikpela bagarap bai kam long taim bihain, moa yet sapos ol man bai go yet long givim baksait na tok nogat long luksave long God. (Maybe Covid-19 is still not the worst of the plagues yet. More plagues will probably come in the future, especially if people will continue to disregard and refuse to acknowledge God.) Dispela em i gutpela taim olgeta long stat long bilip na luksave long God. Yumi noken larim ol narapela man na ol narapela kantri husat i no bilip long God long pulim yumi.

Taim mi bin harim President [bilong Filipins] Rodrigo Duterte i askim pablik long prea long God I Gat Olgeta Strong husat i gat pawa bilong winim olgeta kain birua, ai i inap lukim o ai i no inap lukim, mi bin pilim wanpela kain amamas stret insait long bel bilong mi bikos mi bin inap long pruvim olsem, dip insait long mi, em i bilip long wanpela Pawa I Antap Moa long Pasin bilong Dispela Graun, dispela Wanpela yumi kolim God. Nogut em i no man husat i bilip long god bilong Katolik Sios na ol god bilong ol narapela lotu, tasol ples klia, em i wanpela man husat i bilip long God I Gat Olgeta Strong long heven. God i ken blesim na lukautim em.

Dispela tu em i taim stret bilong prea bilong helpim ol birua bilong yumi long sait bilong bilip tu, olsem God i bin tok strong long laikim tru ol birua bilong yumi na prea bilong helpim ol husat i givim hevi long yumi.

Taim mi bin lainim long sosel midia long sait bilong dai bilong wanpela bilong ol minista bilong Sios bilong Kraist (Iglesia ni Cristo o INC long Filipins) bilong [Mista] Manalo, maski em i bin stap wanpela birua long sait bilong bilip, wantu mi bin askim ol brata na ol susa bilong mipela insait long Sios bilong God olsem noken mekim wanpela kain toktok bilong bagarapim ona bilong em bikos dispela bai mekim long kamap hevi moa dispela bel sori na pen famili na ol man husat i stap klostu long bel bilong em i pilim. Mobeta long mekim ol toktok i no gutpela, prea bilong helpim famili bilong em husat i bin lusim.

Baibel i gat wanpela strongpela tok olsem yumi noken wokim amamas taim ol birua bilong yumi i pundaun, na tu yumi noken hambak long ol laip bilong yumi. O sapos nogat, nogut yumi kisim belhat tru bilong God.

PROVEP 24:17-18 i tok,


Em i gutpela olgeta long stap long sait bilong God oltaim. Na bilong stap oltaim long sait bilong Em, yumi mas mekim laik bilong Em. Na em i laik bilong Em olsem yumi noken wokim amamas long pundaun bilong ol birua bilong yumi na tu noken amamas taim ol i pundaun. Gutpela olgeta yumi ken mekim em i long prea bilong helpim ol.

Dispela tu em i wanem samting yumi nidim long mekim bilong helpim ol hetman bilong ol kantri. Yumi ken prea olsem God I Gat Olgeta Strong i stiaim ol long olgeta wok na tingting bilong ol, moa yet nau taim yumi lukim olsem wanem wanpela samting God i wokim i liklik tru i givim hevi long ol kantri i gat bikpela pawa tu, olsem Yunaited Stets, Siapan na Singgapo.

Mi bilip olsem God Em i antap olgeta na i strongpela moa olgeta. I no gat mak bilong pawa bilong Em. Em i God I Gat Olgeta Strong. Sapos dispela unives olgeta i stap aninit long olgeta pawa bilong bosim bilong Em, moa olsem Em i gat olgeta pawa bilong bosim antap long olgeta vaires. Dispela tok tru wan tasol em i moa long inap bilong mekim yumi bilip long God.

God i ken gat sori long yumi olgeta.

Tok Lukaut: Ol lain bilong tanim tok bilong mipela ol i lukaut na yusim gut tru save bilong ol taim ol i bin tanim dispela blog i go long Tok Pisin. Tasol, ControversyExtraordinary.com i no tok olsem olgeta infomesen ol i bin tanim i no gat asua bikos long sampela ol samting. Taim i gat sampela asua namel long rait i nambawan tru i stap long tok Inglis na rait ol i bin tanim long Tok Pisin, rait i nambawan tru i stap long tok Inglis i winim narapela oltaim.

Ol Bikpela Bagarap Tru: Husat I Kamapim Ol?

May 19, 2020 lotu Kristen 0 Ol Toktok long Dispela

Taim sik COVID-19 i go yet long kalap i go na kilim tausen tausen man long dispela graun olgeta, planti ol hetman bilong ol kantri i bin tokaut pinis olsem ol i pret long namba tu taim bilong dispela sik i go nabaut ausait namba tu taim bikos, sapos dispela i kamap, em bai kamap nogut moa.

Bilong bihainim Baibel, tru i gat sans olsem wanpela bikpela sik i ken kamap gen. Em i minim olsem, em i ken gat namba tu taim bilong go nabaut ausait, o namba tri, o moa.

REVELESEN 11:6 i tok,


Taim ol bikpela bagarap tru, taim ol sik i go nabaut ausait long bikpela hap, o taim ol tok nogut i kamap tru, ol i kamap bilong bihainim pasin bilong yumi bilong bihainim tok, o sakim tok, bilong God.

Baibel i toktok long planti kain tru bilong ol tok nogut o ol bikpela bagarap tru, dispela olgeta man i ken bungim.

LO 28:15-22 i tok,


Wanpela bilong ol bikpela bagarap tru i stap insait long rait bilong Ves 22 em i long sait bilong blasting (taim man, animal o diwai samting i kisim sik long win). Wanpela blast, o strongpela win i kam liklik taim tasol, em i ken stap wanpela samting bilong karim i go nabaut ol bikpela sik. Ol saveman bilong helt i tok olsem wanpela man i gat binatang bilong sik COVID-19 i inap pasim sik i go long ol narapela long ol liklik hap wara i kam long em taim em i kus o toktok. Long dispela as, bilong pasim vaires long go nabaut ausait, wanpela bilong ol tok helpim ol i givim long pablik em i ol man i ken strong long bihainim physical distancing (olgeta man i ken stap longwe wanpela long narapela olsem tu mita o moa). Maski ol i tok olsem vaires i no inap kalap long win i go long narapela man, yu no inap tok nogat long win i gat bikpela wok long pasim em i go. Na bilong bihainim sampela stadi, yu inap painim dispela koronavaires long win maski sampela aua i go pinis.


Dispela sik COVID-19 i bin stat long Saina, em i bin inap long go insait long klostu olgeta kantri bilong dispela graun long sampela wik inap long sampela mun. Nau yet, Yunaited Stets i gat bikpela namba olgeta bilong ol man husat tru tru i gat sik COVID-19. Long dispela as, planti ol man Amerika, moa yet ol man Niu Yok i belhat nogut tru long presiden bilong ol, Donald Trump, long em i bin fel, olsem ol i tok, long redi long dispela pandemic (taim sik i go nabaut ausait long bikpela hap). Ating em i kranki! Nambawan, husat i bin stap redi long em? Saina yet, we dispela vaires i bin kam, em i no redi!

Dispela pandemic i abrusim pinis mak bilong pawa bilong bosim bilong olgeta het bilong ol stet. Ating ol i bin testim Charles Pikinini Man bilong Kwin na ol painim em i gat sik tu? Na ol i no inap painim olsem wanem em i bin kisim vaires maski ol i bin wokim contact tracing (painimaut man i bin stap wantaim husat husat long dispela taim we nogut em i bin kisim vaires).

Sapos yumi bai lukluk go bek long ol tokaut bilong Baibel, ausait long pasin i nogut tru bilong em na pasin bilong man bilong sakim tok bilong God, narapela samting bilong helpim long ol bikpela sik i kamap em i pasin bilong planti pasta na lotu hetman bilong skruim, na rausim, tok long rait i stap pinis long Baibel.

Olsem em i stap pinis long rait insait long REVELESEN 22:18,


Ol piksa bilong kain ol bikpela bagarap olsem i ol dispela. Wanpela kain sik bilong pinisim bodi em i TB, na skinhat, skinhat i paia, olsem sik taipoid. Tasol sapos pasin nogut bilong man i kamap nogut moa, God i makim olsem olgeta man bai bungim moa bilong ol bikpela sik i no stap long rait bilong Baibel.

Yu bai no kirap nogut long bilong wanem nau, yumi gat Ebola vaires, avian flu (sik bilong ol pisin), MERS-COV, swine flu (sik bilong ol pik), SARS, na nau COVID-19, ol lain manmeri bipo i no save long ol. Em i bikos man i kamap nogut moa.

LO 28:59-64 i tok,


Larim ol man i ken klia olsem dispela hap tok “I winim tingting” insait long Ves 59 (“Long dispela taim BIKPELA bai mekim pasin bilong yu kisim bagarap i winim tingting…”) i mekim klia sampela samting i no gutpela. Dispela hap tok “i winim tingting” insait long em i minim sampela samting narakain tru na i mekim ol man i pret tru. Em i minim olsem, tru bai i gat ol bikpela bagarap i ken kamap samting bilong mekim ol man i pret nogut tru, na yu inap kolim ol olsem “bikpela” na “i stap longpela taim”. Na long dispela as, i gat bikpela sans olsem ol i kamapim bikpela bagarap.

Taim yu lukluk go bek, dispela graun i bin lukim dai bilong 40 milien inap long 100 milien man na meri bikos long influenza o Spanish flu, na bubonic plague (sik ol man i kisim long ol rat) sampela taim long yia 1918. Ol i bin kamap 100 yia nabaut bipo long sik COVID-19 i kamap.

Mi pret long sapos dispela bikpela bagarap i stap longpela taim moa yet, planti man bai dai. Olsem em i tok long Ves 61, “Na tu olgeta kain sik na olgeta kain bagarap i no stap long rait long buk bilong dispela lo, BIKPELA bai bringim ol long yu inap long yu stap bagarap.”

Yu ken lukluk long dispela bikpela bagarap long tupela kain lukluk. Nambawan, nogut em i kam long God bikos man i bin kamap nogut tumas na Em i gat laik long em i tanim bel, long luksave long ol kranki pasin bilong em, na long kirapim tingting bilong em long dispela sik, o, nambatu, nogut em i kam long birua bilong God, dispela man i kalap long hos i waitpela liklik, husat i gat laik long bagarapim olgeta ol manmeri bilong dispela graun.

Sapos dispela bikpela bagarap i kam long God, sapos em i wanpela kaikai bilong pasin bilong man bilong mekim sin na bilong sakim ol tok strong bilong Em ples klia, orait, planti i ken pundaun. Nogut em i kamapim planti dai tru bilong ol man. Tasol sapos dispela bikpela bagarap i bin kamap long wok bilong birua bilong God, dispela man antap long hos i waitpela liklik, i gat sans bilong stopim em.

Maski long wanem as dispela bikpela bagarap i bin kamap, God I Gat Olgeta Strong i gat pawa bilong pinisim em sapos yumi bai tanim bel na go bek long Em. Tingim, klostu God i laik bagarapim Niniva olgeta bikos long pasin nogut bilong ol. Tasol, Em i bin kisim bek ol long dispela bagarap olgeta i laik kamap long ol taim olgeta man husat i stap long em i tanim bel na go bek long God.

Wanem samting i bin kamap long Niniva i ken kamap tu long yumi. Sapos ol i bin kisim sori bilong God na Em i bin kisim bek ol long bagarap olgeta, Em i ken kisim bek yumi tu long dispela pandemic olsem COVID-19 sapos yumi bai mekim tasol wanem samting ol manmeri bilong Niniva i bin mekim, sapos yumi bai tanim bel, givim baksait long ol pasin nogut bilong yumi, na putim yumi yet aninit long namba bilong bosim bilong God.

Tok Lukaut: Ol lain bilong tanim tok bilong mipela ol i lukaut na yusim gut tru save bilong ol taim ol i bin tanim dispela blog i go long Tok Pisin. Tasol, ControversyExtraordinary.com i no tok olsem olgeta infomesen ol i bin tanim i no gat asua bikos long sampela ol samting. Taim i gat sampela asua namel long rait i nambawan tru i stap long tok Inglis na rait ol i bin tanim long Tok Pisin, rait i nambawan tru i stap long tok Inglis i winim narapela oltaim.

Gutpela Nius Em I Olsem: I Gat Hop bilong Olgeta Man

May 10, 2020 lotu Kristen 0 Ol Toktok long Dispela

Dispela namba 20 century (handet yia) na nambawan hap bilong namba 21 century i bin bungim planti kain bikpela hevi, stat long ol bikpela bagarap dispela graun i kamapim olsem ol taitwara, ol guria, na ol taim i no gat ren, inap long ol hevi man i kamapim olsem ol prais bilong ol samting i wok long go antap moa, ol woa, na terrorism (raskol pasin bilong mekim ol man i pret bilong bihainim sampela kain bilip o tingting). Tasol planti i givim witnes olsem taim dispela sik COVID-19 i go nabaut ausait long planti hap bilong dispela graun nogut em i nogut olgeta. Tru, ol man i olpela moa i tok olsem i no gat wanpela taim ol i bin bungim bipo wanpela samting i mekim ol man i pret na i ken bagarapim ol man olsem dispela wan. Em i bin bagarapim ekonomi. Em i bin holim bek ol man na meri long muv nabaut. Em i bin kilim i dai planti man na em i bin mekim laip hatpela moa long ol rabisman.

Olsem olgeta lain bilong nius i no ripotim narapela samting olgeta wan wan de tasol namba bilong ol dai na ol nupela lain husat i kamap sik, planti i no inap pasim ol yet long askim sapos ol samting bai kamap mobeta liklik yet. Sapos yes, wanem taim na olsem wanem? Na husat inap kam helpim olgeta man long dispela sindaun i nogut tru.

Taim dispela graun olgeta i luk olsem ol i no klia taim ol i painim wanpela stretim long ol bikpela hevi tru dispela vaires i bin kamapim, i gat dispela gutpela nius i inap ofaim hop long olgeta man na mekim ol i pilim orait tru. Dispela gutpela nius em i olsem. I gat wanpela God husat oltaim i gat laik long kisim bek yumi sapos yumi bai putim yumi yet aninit long Em, bihainim Em, na putim bilip long Em.

Em i stap ples klia olsem dispela as bilong wanem planti man nau i pilim bel hevi na bel bilong ol i pulap tru wantaim pret em i bikos ol i no putim bilip long God na long wanem samting Em i inap mekim. Na nogut moa, ol i bin brukim ol yet long Em.

Bilip bilong yumi long God em i wanem samting i givim yumi bel isi, hop, gutpela tok, na pasin bilong lukluk long gutpela sait bilong ol samting, ol dispela samting i no helpim tasol immune system (ol hap bilong bodi bilong birua long sik) bilong yumi tasol tu ol i helpim yumi long pesim long ol dispela kain i kamap, olsem ol bikpela sik, ol sik nogut, o ol pandemic (taim ol sik nogut i go nabaut ausait long planti hap bilong dispela graun).

Dispela pandemic sik COVID-19 i no kamap nogut olgeta yet, ol saveman i tok, olsem ol namba bilong ol samting bilong em i wok long go antap moa olgeta wan wan de. [Bilong bihainim ol ripot, stat long stat bilong em inap long taim mi raitim dispela, ol traim pinis moa long tri milien manmeri long dispela graun olgeta olsem ol i gat dispela kain sik, moa long wan milien i kamap orait pinis, na moa long tu handet tausen i dai pinis.]

Taim God i bin salim wanpela bikpela sik long ol Isip, long wanpela nait tasol olgeta namba wan pikinini bilong ol i bin dai. Yumi inap tok olsem dispela bikpela sik stret i inap moa long bagarapim olgeta ol man bikos long sampela aua tasol, em i bin kilim i dai tausen tausen. Na dispela i bilong soim long Isip olsem wanem God bilong Isrel i pulap long pawa. Long sait bilong sik COVID-19, mi no ting wanpela kantri i bin listim yet dai bilong tausen tausen long wanpela nait tasol inap long nau, stretim mi sapos mi rong.

Tok bilong God i tok, wanpela bikpela sik i ken mekim long pundaun, o kilim i dai, tausen tausen.

SAM 91:6-9 i tok,  


Dispela sindaun bilong dispela graun olgeta nau yet em i no wanpela taim i no gat hop. I gat wanpela stretim i stap yet. Dispela bikpela sik i ken pinis sapos yumi bai mekim God i kamap ples hait bilong yumi, sapos yumi putim bilip bilong yumi long Em.

Tasol sapos ol man bai tok nogat yet long bilip long God, dispela rait i stap pinis long SAM 91:7 bai kamap tru long ol, “Wan tausen man bai i pundaun klostu long sait bilong yu, na 10 tausen man klostu long han sut bilong yu. Tasol bai em i no kam klostu long yu.” 

Larim mi tok gen, gutpela nius em i no dispela taim vaires i bagarap olgeta pinis. Gutpela nius em i olsem ol man i ken stap gut ausait long dispela sik i wok long kalap kalap long ol man sapos ol bai putim bilip bilong ol long God, sapos ol bai bihainim ol skul tok bilong Em wantaim bel olgeta, na sapos ol bai lusim ol pasin nogut bilong ol. Na sapos tru dispela vaires bai kalap i go long ol, kain samting olsem bai no mekim ol i pundaun, o dai. Olsem em i tok insait long SAM 91:8, “Long ai bilong yu tasol bai yu lukluk na lukim pe bilong ol man i nogut tru.” God i gat dispela pawa bilong stopim dispela bikpela sik, na kisim bek ol husat i putim bilip na hait aninit long Em.

Taim pait bilong dispela graun agens long sik COVID-19 i longwe yet long pinis, em i bikpela samting tru olsem yumi prea, bilong helpim i no ol famili na ol man i stap klostu tru long bel bilong yumi tasol, tasol tu olgeta bilong ol husat i go pas long dispela pait, olsem ol lida bilong ol kantri, ol healthcare provider (ol lain husat i wok bilong oraitim ol sikman), ol husat i lukautim gutpela sindaun bilong ol manmeri, ol husat i wokim basic services (wok bilong helpim olgeta man), na olgeta narapela. Yumi ken prea bilong tingim gutpela stap bilong ol.

Em i tok strong bilong God olsem yumi beten.

FILIPAI 4:6-7 i tok,


Ol strongpela prea tru na bilip bilong yumi long God i ol strongpela samting bilong pait bilong yumi agens long ol bikpela sik. Olsem, yumi noken fel long prea.

God i gat laik long yumi prea bilong tingim olgeta man, na tu ol husat i gat namba bilong bosim.

1 TIMOTI 2:1-4 i tok,


God i amamas wanem taim yumi prea bilong helpim ol narapela man bikos dispela i soim ples klia olsem Em i bin winim pait long planim pasin bilong laikim tru bilong tingim ol narapela insait long ol bel bilong yumi.

Tasol, sampela taim, wanem samting ol narapela man i askim em i bagarap olgeta o pundaun bilong ol narapela, olsem wanem samting wanpela pater Katolik i mekim. Em i askim long dai bilong President Duterte [bilong kantri Filipins]. Ating dispela em i nogut tru long sait bilong wanpela pater. Sapos em i tokaut long bilip bilong em olsem wanpela Kristen na wanpela man bilong sapotim lotu Kristen, em i mas save long dispela strongpela tok bilong Baibel olsem yumi nid long prea bilong tingim ol husat i gat namba bilong bosim. O ating, em i no save long em bikos em i no ritim Baibel!

Wanpela Kristen, o wanpela man bilong bihainim Kraist, i save prea tu bilong helpim ol birua bilong em.

MATYU 5:44 i tok,


Yumi mas prea tu bilong helpim ol husat i givim hevi long yumi na i hetim yumi. Tasol yumi noken prea bilong askim long dai o samting nogut bai kamap long ol, tasol yumi ken prea olsem God i blesim ol na soim marimari long ol.

Taim God i lukim olsem yumi soim pasin bilong laikim tru na sori long ol narapela man, klia tru, Em bai gat sori long yumi tu.

Na long sori bilong God na long bilip bilong yumi long Em yumi inap stap gut ausait long sik COVID- 19. AMEN.

Tok Lukaut: Ol lain bilong tanim tok bilong mipela ol i lukaut na yusim gut tru save bilong ol taim ol i bin tanim dispela blog i go long Tok Pisin. Tasol, ControversyExtraordinary.com i no tok olsem olgeta infomesen ol i bin tanim i no gat asua bikos long sampela ol samting. Taim i gat sampela asua namel long rait i nambawan tru i stap long tok Inglis na rait ol i bin tanim long Tok Pisin, rait i nambawan tru i stap long tok Inglis i winim narapela oltaim.

Ol Hevi I Ken Kamap Taim Yu Givim Baksait long Ol Tok bilong God long Olgeta Man

May 04, 2020 lotu Kristen 0 Ol Toktok long Dispela

Ol samting bilong kamapim wari, dispela i wok long kamap long olgeta man nau, ol i bin tok profet long en insait long Baibel.

Insait long REVELESEN 6:8, em i tok,


Dispela revelesen God i bin givim long Jon tru em i samting bilong pret tru. Lukim, Dai na Hel i bin kisim pawa antap long wanpela bilong fopela hap bilong dispela graun. Ol bai kamapim dai bilong planti long bainat na hangre. Wanpela rot i ken kamap bilong kamapim dispela, em i olsem. Ol bai kirapim ol pasin pait na ol woa, dispela i ken karim kaikai olsem bagarapim olgeta na pasim planti ol bisnis na ol industry (ol lain husat i wok long wanpela kain bisnis stret), dispela, bihain, i ken kamapim hangre. Na olsem yumi save, taim ol man i hangre, ol i kamap ol lain i no gat sori na ol lain i no bihainim lo, olsem na, em i no longwe olsem ol bai kilim man tu, o ol bai redi long dai, bilong kisim kaikai.

Olgeta dispela em i ol wok bilong dispela man husat i sindaun long hos i waitpela liklik, husat nem bilong en em i Dai. Em i wanpela spirit i kam long Satan, na wok tru bilong em em i long wokim pasin bilong wetim ol samting wantaim pret na pilim bilong pret na wari i bikpela tru long dispela graun olgeta taim em i bringim ol sik nogut, ol woa na ol sik i isi long pasim long narapela, dispela ol wail animal i kamapim.

Spaos yumi lukluk nabaut long yumi nau, em i stap ples klia olsem dispela man husat i sindaun long hos i waitpela liklik em i bisi long karimaut misin bilong em. Em i kirapim ol kantri long wokim woa i birua long wanpela narapela. Na nau yet, em i no gat sori long kilim i dai ol manmeri long wok bilong wanpela vaires, dispela ol saveman long helt i bin kolim COVID-19. Yumi ken hop na prea tasol olsem em bai fel long inapim olgeta misin bilong em, na gutpela, nau yet, i no yet.

Taim dispela koronavaires i go nabaut ausait long dispela graun, em i kisim olgeta man taim ol i no redi. Man i no gat wanpela bilong helpim em olsem em ken pait bilong helpim em yet i birua long wanpela birua i no gat pes na ai i no inap lukim. Taim bilong pait i birua long dispela koronavaires em i nogut moa long taim wanpela laion i hangre i ronim yu, bikos, long dispela taim, yu ken ron kwik olsem yu inap bilong holimpas laip bilong yu, o yusim wanpela samting bilong pait inap mekim animal nogut i no inap muv.

Wanem samting i mekim em samting bilong pret tru em i dispela samting tru olsem dispela vaires inap bagarapim olgeta kain man taim em i no save. Wanpela man inap kisim binatang bilong sik sapos, kain olsem, em i rabim tupela ai o nus bilong em wantaim dispela han i bin holim wanpela bairo o pepa mani, dispela i gat ol liklik drop bilong wara i kam long wanpela man husat i karim binatang bilong sik.

Olsem ol saveman i tok, long sampela taim stret, dispela koronavaires i ken stap laip long tripela o faipela de, bilong bihainim wanem kain samting em i bin pundaun long en. Olsem sampela ol stadi i tok, COVID-19 i ken stap laip long 24 aua sapos em i pundaun long kadbod, tupela i go long tripela de long stainless steel (wanpela kain ain samting we ras i no inap kamap), tripela de long plestik, na fopela aua long copper (dispela ain samting ol i yusim insait long ol waia). Yu inap lukim ples klia olsem taim bilong laip bilong vaires i sotpela sotpela moa taim em i pundaun long copper, o long ol ain samting we ol i bin abusim copper wantaim narapela, bikos em inap birua long ol liklik binatang tru.


Mi gat laik moa long bilip olsem em i tru i no bikos ol i bin traim bilong pruvim em. Tru, maski ol i no bin traim, mi gat laik moa long bilipim em bikos ol i bin toktok insait long Baibel long gutpela samting bilong copper bilong yusim olsem samting bilong kilim ol liklik binatang tru.

Tingim olsem ol Isrel i bin mekim sin i birua long God taim ol i bin wokim wanpela piksa bilong god giaman, wanpela yangpela bulmakau ol i bin wokim long gol, ausait long ol bilas bilong ol ia bilong ol. Ol i bin kukim ol bilas gol bilong ol ia bilong ol inap long ol i kamap olsem wara na long dispela, ol i bin wokim wanpela yangpela bulmakau, dispela bai stap olsem god bilong ol. Tasol, yumi mas tingim na skelim dispela bikpela sans olsem ol dispela bilas bilong ia ol i bin kukim bipo, i no olgeta yet ol i bin wokim long trupela gol. Nogut ol arapela i luk olsem gol tasol tasol tru tru ol i copper. Olsem na ol i bin gat wanpela kain ain samting we ol i bin abusim gol na copper long dispela samting ol i bin yusim long wokim god giaman bilong ol. Na bilong kisim bek ol long dispela sik nogut Bikpela i bin givim ol, Moses i bin kukim long paia dispela yangpela bulmakau ol i bin wokim long gol na memeim em inap long em i bin kamap paura, na tromoi em isi isi long wara, dispela em i bin mekim ol Isrel long dringim. Nogut em i bin pait long teist tasol nogut em i bin inap long kisim bek ol long dispela sik nogut.

EKSODAS 32:20 i tok,


Copper i gat strong bilong kilim i dai ol liklik binatang tru. Dispela strongpela tok God i bin givim, dispela Eron na ol pikinini man bilong em i bin nidim long bihainim, olgeta taim ol i bin laik go insait long haus sel bilong kongrigesen na long alta, dispela i bin pruvim moa dispela samting tru.

EKSODAS 30:18-20 i tok,


God i gat laik long haus sel bilong kongrigesen long kamap wanpela hap we ol man bai stap gut bikos planti manmeri i go long hap. Long dispela as ol i bin putim wanpela bikpela dis ol i bin wokim long bras we Eron na ol pikinini man bilong em bai wasim ol lek bilong ol bipo ol i kam insait. (Bras em i wanpela kain ain samting we ol i bin abusim copper na zinc.) Bilong wanem God i bin tok strong long ol long mekim olsem? Klia tru, i gat save tru baksait long dispela strongpela tok stret.


Bihain long wanpela longpela stadi ol saientis i bin mekim wantaim pasin bilong lukluk gut long ol liklik samting, ol i bin painimaut olsem copper i gat strong bilong kilim i dai ol liklik binatang tru. Ating, taim yu putim wara long wanpela dis ol i bin wokim long copper, colloidal copper i kamap, bikos ol ion (liklik hap tru bilong wanpela samting) bilong copper i bung wantaim wara. Olsem na, dispela strongpela tok God i bin givim long Eron na ol pikinini man bilong em em i bilong mekim ol i no kisim binatang bilong sik olsem bacteria na ol vaires, dispela nogut ol narapela manmeri husat i bin go long hap i bin karim i kam.

Wanem samting i mekim yu kirap nogut tru em i dispela samting tru olsem bipo long saiens i bin painimaut olsem wanem yu ken yusim copper long kilim i dai ol liklik binatang tru, ol i bin toktok pinis long em insait long Baibel. Em i pruvim olsem Baibel em i wanpela buk i gat namba taim yu toktok long olgeta kain hap bilong laip, na olsem oltaim i gat save tru insait long olgeta wan wan tok bilong God.

Wantaim dispela samting nogut i hatpela long ranawe long en nau , dispela dispela graun olgeta i pesim, olsem COVID-19 stret, nogut em inap long helpim sapos yu bai bihainim sampela ol wok stret, dispela ol Isrel i bin bihainim long taim bilong ol bikos ol i gat namba long saiens tu. Kain olsem, long haus, yu ken yusim ol dispela samting bilong haus ol i bin wokim long copper. Taim yu laik dringim wara, mobeta putim em insait long wanpela samting bilong holim wara ol i bin wokim long copper. Taim yu laik klinim tupela han bilong yu, bihain long wasim ol wantaim sop na wara, putim tupela han bilong yu i go insait long wara i stap insait long wanpela dis copper.

Em bai helpim yumi tumas sapos yumi bai mekim pasin bilong ol laip bilong yumi i bihainim ol strongpela tok bilong God. Nogut nau em i gutpela taim olsem yumi go bek long yusim copper na i no stainless steel long ol railing (samting bilong pasim rot i gat ba na ol sapot bilong em) na ol handel bilong dua. Taim copper i stap tasol, o ol ain samting tu we ol i bin abusim copper wantaim ol narapela, em i inap helpim long mekim ol laip bilong ol liklik binatang tru olsem bacteria na ol vaires long kamap sotpela, olsem na, em i inap daunim tu sans bilong yumi long kisim binatang bilong sik. 

Tasol antap moa olgeta, wanem samting i inap kisim bek tru yumi em i pasin bilong yumi bilong bihainim God. Pasin bilong bihainim ol tok strong bilong God em bai no inap givim hevi long yumi. Sapos yu bihainim ol tok strong bilong God, maski sapos yu no klia olgeta yet long save tru baksait long kain ol tok strong olsem, yu inap klia tru olsem ol i bilong helpim yu. Ol olgeta i bilong helpim yu yet.

Tru, nambawan as bilong wanem olgeta man i bungim planti tru sik nogut nau em i bikos planti tru ol manmeri i bin lusim God. Ol i bin makim long givim baksait long ol tok bilong Em. Ol i bin makim long bihainim tasol ol laik bilong ol yet.

Tasol sapos yumi laikim wanpela kain laip, dispela i no isi long ol hevi, olsem bacteria na ol vaires, long kamapim trabel long en, stap laip bilong bihainim laik bilong God. Bihainim ol skul tok na ol tok strong bilong God, na luksave long dispela samting tru olsem yumi nidim olgeta gutpela pasin na sori bilong Em inap long yumi stap.

God i ken blesim na lukautim yumi olgeta!

Tok Lukaut: Ol lain bilong tanim tok bilong mipela ol i lukaut na yusim gut tru save bilong ol taim ol i bin tanim dispela blog i go long Tok Pisin. Tasol, ControversyExtraordinary.com i no tok olsem olgeta infomesen ol i bin tanim i no gat asua bikos long sampela ol samting. Taim i gat sampela asua namel long rait i nambawan tru i stap long tok Inglis na rait ol i bin tanim long Tok Pisin, rait i nambawan tru i stap long tok Inglis i winim narapela oltaim.