I gat wanpela Tagalog provep, planti man i save long en, “Nasa Dios ang awa, nasa tao ang gawa,” (God i givim sori. Man i wokim wok.) dispela i minim olsem man i mas wok pastaim bipo em i kisim sori i kam long God.

Mi tok sori, tasol mi no wanbel olgeta long dispela provep bikos em i no bihainim Baibel. Taol, yumi mas bilip olsem em i God husat i wokim wok, na em i God tu husat i givim sori.

Pastaim olgeta, taim yu wokim wok, yu no kamap fit long kisim sori. Yu kamap fit long kisim wanpela pe. Dispela stret em i as tingting bilong wanem yu kolim em sori. Em i bikos yu no bin wokim wok bilong kisim em.

Bilong kisim sori bilong God, wanpela man i nidim long tanim bel pastaim. Bihain, God bai wokim wok insait long em. Em i God husat i wokim wok.

Olsem rait i stap pinis insait long 1 Korin 12:6,

Yumi ol man i no inap long mekim olgeta kain gutpela wok, tasol em i God husat i wokim wok insait long yumi olgeta.

God i wokim wok insait long wanpela man long kain kain rot. Sapos em i stat long pilim wanpela laik insait long bel bilong em long mekim ol gutpela wok, em i samting bilong pruvim o wanpela pasin bilong soim ples klia olsem God i wokim wok insait long em.

Filipai 2:13 i tok,

God i givim ol man dispela laik bilong mekim ol gutpela wok. Nau, wanem samting planti man i laik mekim em i ol samting bilong helpim tasol ol yet. Taim yu mekim ol gutpela wok bilong helpim ol narapela, em i no kam ausait long ol bel bilong ol man long pasin bilong ol yet o wantu tasol, olsem na God i pulimapim ol bel bilong ol wantaim dispela laik bilong mekim ol gutpela wok bilong helpim ol narapela.

Gen, yumi kisim sori i no bikos yumi bin wokim wok bilong kisim em, tasol bikos God i bin pogivim na kisim yumi taim yumi tanim bel. Yumi pilim dispela laik insait long ol bel bilong yumi long mekim ol gutpela pasin bikos God i wokim wok insait long yumi. Na Em bai no kirapim bel bilong yumi tasol long mekim ol gutpela wok. Em bai helpim tu yumi long pinisim ol dispela gutpela wok yumi gat laik long mekim. Bikos taim Em i no stap, yumi no inap mekim wanpela samting.

Jon 15:5 i tok,

Mi stap dispela diwai wain, yupela i stap ol han bilong diwai. Em husat i stap insait long Mi, na Mi insait long Em, em yet i karim planti kaikai. Long wanem, ausait long Mi yupela i no inap wokim wanpela samting.

Long dispela as, em i no bihainim Baibel long tok olsem em i man husat i wokim wok. Em i God husat i wokim wok, na em i God tu husat i givim sori. Man i no inap mekim wanpela samting long em yet. Em i nidim helpim bilong God. Em i God husat i givim em laip, strong, ol samting bilong yusim, na dispela laik bilong mekim wanem samting i gutpela. Tru tumas, olgeta man inap stap bikos God i givim olgeta samting long ol.

God i pulap long sori. Tru, Em i pulap long sori moa long wanpela papa i no gat biknem husat i pulap long sori tu i go long pikinini man bilong em husat i save harim tok.

Malakai 3:17 i tok,

Dispela wanpela samting tasol God i askim long ol man, em i long go bek long Em na long holimpas ol lo Em i makim.

Malakai 3:7 i tok,

Yes, i stat long ol de bilong ol tumbuna papa bilong yupela yupela i go lusim ol lo Mi makim, na yupela i no bin bihainim ol. Kam bek long Mi, na Mi bai kam bek long yupela, BIKPELA bilong ol ami i tok. Tasol yupela i tok, Mipela bai kam bek insait long wanem samting?

Yumi nidim long tanim bel, go bek long God na kisim ol tok bilong Em. Taim yumi bin kisim ol tok bilong Em, long dispela taim tasol yumi bai inap long wokim wok long ol dispela samting yumi mas mekim bilong kamap fit long kisim, i no sori bilong God, tasol pe bilong God. Tingim, yumi no wokim wok long kamap fit long kisim sori bilong God, tasol yumi mas wokim wok bilong kamap fit long kisim pe bilong God.

Narapela samting i soim ples klia olsem God i wokim wok insait long wanpela man, em i dispela taim em i pilim bel hevi tru na tanim bel long ol dispela sin em i bin mekim long taim bipo.

Rom 2:4 i tok,

Ol dispela samting i stiaim wanpela man long pasin bilong tanim bel, em i gutpela pasin na marimari bilong God.

Na tu, taim yu pilim olsem yu tanim bel long wanpela sin yu bin mekim, em tu i minim olsem yu luksave long wanpela husat i pulap long pawa, i go long husat yu putim yu yet bilong stap aninit long en, taim yu save olsem yu no gat helpim taim Em i no stap.

Pasin bilong tanim bel i no gat giaman, em i bikpela samting tru inap long yumi kamap fit long kisim sori bilong God. Tingim, ol manmeri bilong Niniva i bin kamap fit long kisim sori bilong God bikos ol i bin tanim bel tru long ol pasin bilong ol bilong kalapim lo. Em i bin kisim bek ol long dispela bagarap olgeta Em i bin tingting long bringim ol.

Jona 3:10 i tok,

Ol manmeri bilong Niniva i bin paul long dispela taim. Ol i bin bisi tru long pasin bilong bagarapim narapela na ol pasin bilong pilai nogut, olsem ol manmeri bilong Sodom na Gomora.

Long dispela as God i bin salim profet Jona long ol bilong tok lukaut long ol long dispela mekim save God i bin makim i laik pundaun antap long ol. Tasol taim ol i harim ol toktok bilong profet, ol manmeri bilong Niniva i bin tanim bel wantu. Ol i bin tanim i go lusim ol pasin nogut bilong ol, ol i bin tambuim kaikai, na ol i bin beten strong.

Jona 3:5 i tok,

Ol manmeri bilong Sodom na Gomora i bin go yet long ol laip bilong ol i pulap tumas long sin. Olsem na, ston salfa na paia i bin kam daun olsem ren antap long ol.

Tasol i no olsem ol, God i bin kisim bek ol manmeri bilong Niniva long mekim save bilong Em bikos ol i bin luksave long God, tanim bel, na tanim i go lusim ol pasin nogut bilong ol.

Mi hop tasol olsem ol manmeri bilong dispela taim tu bai mekim wanem samting ol manmeri bilong Niniva i bin mekim, olsem na yumi tu bai kamap fit long kisim sori bilong God, olsem na God bai kisim bek yumi tu long dispela bikpela sik i givim trabel long dispela graun nau.

Em i God husat i wokim wok. Em i God husat i soim sori. Na long sori bilong Em, God i inap long kisim bek yumi.

Sapos i gat wanpela samting i wankain stret long klostu olgeta lotu nau, em i bilip bilong ol olsem long dispela taim Bikpela Jisas Kraist i kam bek, em bai namba tu taim Em i kam, na dispela de bai de bilong kot pinis. Sori, tasol mi no wanbel liklik long dispela!

Pastaim tru, i no gat kain hap tok olsem “second coming” (namba tu taim Kraist i kam) insait long Baibel. Dispela bilip long “second coming” em i kaikai bilong dispela wok bilong tanim tok bilong Lamsa, we em i no was gut na em i bin mekim kranki long en. Tru, namel long planti translesen bilong Baibel i stap nau, dispela bilong Lamsa wan i yusim dispela hap tok “second coming”. Olgeta narapela translesen i no bin yusim em. Tasol, Lamsa i bin inap long pulim tingting na paulim planti lotu, olsem na planti man nau i ting olsem dispela kam bek bilong Kraist long dispela graun i laik kamap em bai namba tu taim Em i kam.

Maski em i tru olsem Bikpela Jisas Kraist bai kam gen yet, em bai no namba tu taim Em i kam, na tu em bai no de bilong kot yet. Kraist bai kam gen. Na taim Em i kam bek, Em bai kirapim i no olgeta daiman tasol ol tasol husat i bilong Em, ol husat i bin dai taim ol i inapim ol skul tok bilong Em. Baibel i kolim dispela namba wan kirap bek. Tasol, em i no de bilong las kot yet bikos i gat i stap yet wan tausen yia Kraist bai bosim kingdom.

REVELESEN 20:6 i tok,

Namba wan kirap bek bilong ol daiman bai kamap taim Kraist i kam bek. Ol husat bai i gat hap insait long namba wan kirap bek, God bai mekim ol i kamap ol pris bilong Em na bilong Kraist na ol bai bosim kingdom wantaim Em long dispela graun wan tausen yia.

1 KORIN 15:24-25 i tok,

24 Nau pinis i kam, taim Em i bin givim kingdom i go long God, yes, Papa. Taim Em i bin putim i go daun olgeta namba bilong bosim na olgeta namba na pawa.

25 Long wanem, Em i mas bosim kingdom, inap long taim Em i bin putim olgeta birua aninit long tupela lek bilong Em.

Insait long dispela taim bilong wan tausen yia, Kraist bai putim i go daun olgeta namba bilong bosim na olgeta namba na pawa. Em bai winim pait antap long olgeta kain nogut.

Bihain long dispela taim bilong wan tausen yia, las kot i kam. Kraist bai jasim ol man. (After the one-thousand-year period comes the final judgment. Christ shall judge.) Olsem rait i stap pinis insait long 2 KORIN 5:10,

Yumi mas redi long dispela taim Em i kam. Long kamap wanpela bilong ol husat bai gat blesing, em i bikpela samting tru olsem taim Bikpela i kam, Em i lukim olsem yumi mekim laik bilong Em.

MATYU 24:46 i tok,

Bipo Bikpela Jisas Kraist i go antap long heven, Em i bin lusim ol aposel wantaim wanpela tok strong stret bilong skulim ol tok strong bilong Em long olgeta kantri.

MATYU 28:20 i tok,

Kraist i gat laik olsem yumi bihainim olgeta bilong ol tok strong bilong Em.Taim Em i lukim olsem yumi inapim ol skul tok na ol tok strong bilong Em taim Em i kam bek, yumi bai stap i gat blesing bikos yumi bai kisim wanpela prais, dispela Em i bin redim long ol husat i bihainim ol tok bilong Em.

Olsem rait i stap pinis insait long REVELESEN 22:12,

Na, lukim, Mi kam hariap. Na pe bilong Mi i stap wantaim Mi, bilong givim olgeta wan wan man bilong bihainim olsem wok bilong em bai stap.

Yes, Kraist bai kam gen. Tasol larim mi tok gen, em bai no namba tu taim Em i kam bikos Em i bin kam pinis long dispela graun moa long tupela taim. Kain olsem, long dispela taim ol Isrel i bin stap long ples i no gat man, Em i bin bihainim ol na Em i bin soim Em yet long ol olsem wanpela ston.

1 KORIN 10:3-4 i tok,

3 Na olgeta i bin kaikai dispela wankain kaikai bilong spirit sait.

4 Na olgeta i bin dringim dispela wankain dring bilong spirit sait. Long wanem, ol i dring long dispela Ston bilong spirit sait husat i bihainim ol. Na dispela Ston em Kraist.

Bikpela Jisas Kraist Em i bin stap dispela Ston husat i bin bihainim ol Isrel, dispela Ston husat i bin givim wara bilong dringim long ol taim ol i bin stap long ples i no gat man. Em i minim olsem, bipo Em i bin kamapim Em yet ples klia long bodi, Em i bin kam pinis long dispela graun (olsem wanpela ston).

Narapela taim Em i kam hia em i long dispela taim Maria i bin karim Em, taim Em i bin kamap man, bilong baim bek yumi long ol sin bilong yumi.

Na taim Em i kam gen, em bai no namba tu taim tasol Em i kam.

Tru tru, narapela long ol dispela taim mi bin kolim, Kraist i bin kam daun pinis long dispela graun na go bek antap long heven bipo yet.

PROVEP 30:4 i tok,

Olsem yumi olgeta i save, God na Pikinini Man bilong Em i bin kamapim olgeta samting long nating. Na long taim bilong kamapim long nating, Kraist i bin wok long go daun long dispela graun na go antap long heven. Olsem na, em i wanpela bikhet pasin long tok olsem taim Kraist i kam gen, em bai namba tu taim tasol Em i kam.

Bikpela Jisas Kraist bai kam gen. I no gat tupela tingting long sait bilong dispela. Tasol olsem sapos em i namba tri, o namba foa, o namba faiv “coming,” yumi no save stret. Tasol wanpela samting i klia tru, em bai no namba tu taim Em i kam, na em bai no de bilong las kot yet.

Dispela graun olgeta nau em i no gat helpim olgeta taim bikpela sik COVID-19 i stap yet samting bilong kamapim nogut long olgeta man. Maski ol saveman i no stop liklik long wokim ol traim na stadi long ol klinik i go long painim rait marasin na sut bilong dispela sik, em i luk olsem dispela bikpela hevi long sait bilong helt long dispela graun olgeta em i no pinis yet, i no long taim bihain klostu nau.

Bikos i gat mak long wanem samting ol man i inap mekim, i no gat wanpela tok birua long wanem samting yumi nidim nau em i God i ken wokim wok bilong helpim yumi. Ol dispela i ol samting i stap long hapsait bilong pawa bilong bosim bilong man tasol God i inap bosim ol. Na i gat ol samting i stap long hapsait bilong strong bilong man tasol em i isi long God I Gat Olgeta Strong long wokim wok long ol.

Long planti taim tru, God i bin pruvim strong na pawa bilong Em long ol bilipman na ol man i no gat bilip wantaim. Kain olsem, long taim bilong Moses, planti ol wok bilong God i mekim man long tingting planti, ol Isip i bin witnesim, husat i bin stap ol man i no gat bilip long dispela taim bipo. Taim king bilong Isip i tok nogat long salim ol Isrel i go fri, God i bin salim ol lain bung bilong ol lang i go long hap graun bilong Isip, ol dispela i bin pulimapim haus bilong olgeta wan wan Isip, na tu bilong king bilong Isip wantaim. King bilong Isip i bin singautim Moses na askim em long askim plis long God long rausim i go ol lang. Moses i bin tok yes long mekim sapos king bilong Isip bai salim ol Isrel i go fri wantu.

Eksodas 8:31 i tok,

Taim yu tingim na skelim olsem wanem Isip i bin stap wanpela kantri i pulap long pawa long dispela taim bipo, em i no bin inap mekim wanpela samting long rausim i go ol lain bung bilong ol lang. Tasol taim Moses i prea long God, God i bin rausim i go olgeta dispela lang na i no gat wanpela lang i bin stap bek.

Ol lang i stap sampela bilong ol samting God i bin kamapim long nating. Olsem Man husat i bin kamapim long nating olgeta samting i gat laip, God i gat pawa bilong bosim i inap olgeta antap long olgeta bilong ol. Olsem na, Em i bin rausim i go i no ol lang tasol tasol tu ol dispela grasopa i bin go antap long olgeta hap bilong Isip taim king bilong Isip i bin brukim yet promis bilong em bilong salim ol Isrel i go fri.

Eksodas 10:19 i tok,

Wantaim wanpela liklik tok strong i kam long God, wanpela strongpela win i kam long hap wes i bin winim na rausim i go ol grasopa na tromoi ol i go long solwara Retsi, na i no gat wanpela bilong i bin stap.

I no gat tupela tingting, long pawa bilong God i stap oltaim oltaim, Em i inap tu long mekim wankain samting wantaim dispela koronavaires i go bikpela long dispela graun nau. Em i inap tu long rausim em i go, na tromoi em i go long narapela planet, ating. Na bilong wanem nogat? Olgeta vaires i liklik tumas bilong agensim pawa bilong God.

Tasol, yumi ken soim God pastaim trupela pasin bilong tanim bel long ol pasin bilong yumi bilong sakim tok na pasin bilong yumi bilong stap redi long kisim na bihainim ol skul tok bilong Em. Na taim Em i lukim yumi stap beltru, klia tru Em bai givim yumi sori na kisim bek yumi long dispela bikpela sik.

Ol bikpela bagarap na ol bikpela sik i kam olsem ol kaikai bilong pasin bilong man bilong mekim sin. Long dispela as trupela pasin bilong yumi bilong tanim bel i ken stap wanpela samting bilong mekim God long tingim na skelim long pinisim dispela bikpela bagarap. Sapos yumi inap makim tasol wanem samting ol manmeri bilong Niniva i bin mekim, i no gat tupela tingting, yumi bai kamap fit tu long kisim sori bilong God olsem ol i bin kamap fit.

Taim ol i lainim long profet Jona olsem God i laik bringim bagarap olgeta long ol, ol manmeri bilong Niniva i no bin westim taim. Ol i bin tanim bel long ol pasin nogut bilong ol. Ol i bin tambuim kaikai. Ol i bin tanim na lusim ol pasin nogut bilong ol, na ol i bin prea strong long God. Taim God i lukim wanem samting ol manmeri bilong Niniva i mekim, stat long king i go daun long ol manmeri i no gat nem olgeta, Em i bin surikim dispela bagarap olgeta i sapos long pundaun antap long ol, olsem na, Niniva olgeta i bin stap gut.

Long dispela as oltaim mi askim plis long olgeta wan wan olsem noken lusim pasin bilong beten. Yumi ken askim long sori bilong God bikos Em i dispela wan husat i pulap olgeta long pawa na strongpela olgeta. Em wan tasol i inap kisim bek yumi long dispela bikpela sik. Em wan tasol i gat pawa bilong rausim i go na tu pinisim olgeta dispela koronavaires i inap kilim i dai man.

Long taim bilong nau, namba bilong ol husat i dai pinis i stap yet long mak olsem tausen tausen olgeta wan wan de, na i gat ol ples we ol i planim ol husat i bin dai long sik COVID-19 long wanpela pasin i no stretpela.

Tru tru, dispela i no nambawan taim olsem wanpela kain samting olsem i bin kamap. Baibel tu i stori olsem i gat ol daiman husat ol i no bin planim moa na ol lain i stap klostu long bel bilong ol i no bin gat sans long krai sori long ol dai bilong ol.

Jeremaia 25:32-33 i tok,

32 BIKPELA bilong ol ami i tok olsem, Lukim, pasin nogut bai go long kantri i go long kantri, na wanpela bikpela raunwin bai kirap i kam long ol hap arere bilong dispela graun.

33 Na ol lain husat BIKPELA i kilim i dai bai stap long dispela de long wanpela arere bilong dispela graun, yes, i go inap long arapela arere bilong dispela graun. Ol man i no inap krai sori long ol, o bungim ol, o planim ol. Ol bai stap olsem pekpek antap long graun.

Man i kisim save pinis long dispela long taim bilong ol bikpela sik bipo, moa yet, long taim Spanish flu (wanpela kain skinhat wantaim pen long bodi) na bubonic plague (bikpela sik i kam long ol rat) ol i kamapim bikpela bagarap, taim ol i bin planim olgeta daiman wantaim long wanpela matmat taim ol i no wokim ol haus krai na planim ol bilong bihainim pasin tumbuna. Ol famili tu i no bin gat sans long krai sori long ol lain i stap klostu long bel bilong ol husat i bin dai. Na i gat wanpela bikpela sans tru olsem wankain samting bai kamap gen long taim bilong yumi.

Olsem rait i stap pinis insait long Eklesiastes 3:15,

Wanem samting i bin kamap long taim bipo em bai kamap gen. I gat sans olsem ol gutpela samting o ol samting nogut i bin kamap long taim bipo bai kamap gen long ol man. Em bai bihainim pasin bilong yumi i go long Man husat i kamapim yumi long nating na olsem wanem yumi lukim Em. Sapos yumi gat strongpela bel na pasin birua long God, orait ol samting nogut bai kamap gen. Tasol sapos yumi kam bek long God na soim Em pasin bilong tanim bel i beltru na laik bilong yumi long bihainim Em, orait, ol gutpela samting bai kamap gen.

Yumi inap lukim olsem dispela graun nau i gat bikpela laik tru long painim dispela sut i inap agensim sik COVID-19. Tasol taim i no gat wanpela yet, samting i gutpela olgeta yumi inap mekim em i long prea, narapela long bihainim tru ol strongpela tok gavman i givim long sait bilong helt. Yumi ken prea olsem yumi bai inap winim dispela sapta i hatpela tru bilong stap bilong yumi, olsem, sapos em i laik bilong God olsem yumi abrusim dispela bikpela sik. Tasol sapos God i laikim olsem nogat, yumi kisim wantaim bel olgeta bikos ol laip bilong yumi i stap long tupela han bilong Em. Na tu, God I Gat Olgeta Strong i save wanem samting i gutpela long ol wok manmeri bilong Em.

Olsem rait i stap pinis insait long Rom 8:28,

Na yumi save long olgeta samting i wok wantaim bilong kamap gutpela long ol husat i laikim tru God, long ol husat God i singautim bilong bihainim tingting bilong Em bilong mekim samting.

God i inap tanim olgeta samting bilong kamap gutpela long ol husat i laikim Em tru. Long laikim tru God em i long bihainim ol tok strong bilong Em, na wanpela bilong dispela em i long laikim tru ol narapela man olsem yumi.

Planti kantri i tok strong long kukim long paia olgeta husat i dai long sik COVID-19. Ating i no olgeta i gat laik long kukim long paia ol lain i stap klostu long bel bilong ol husat i dai pinis tasol, maski em i olsem, ol i mas bihainim dispela tok strong bilong ol saveman long helt bikos em i wanpela rot bilong helpim long stopim dispela bikpela sik. Bikos sapos ol i strong long bihainim ol pasin bilong planim daiman i bihainim pasin tumbuna, i gat bikpela sans olsem ol memba bilong famili na olgeta man husat bai kam soim sori long ol, ol bai kisim sik.

Tru tru, pasin bilong kukim daiman long paia em i stap pinis long taim bilong Olpela Testamen. Tasol, ol i bin mekim em taim narapela kain samting i kamap. Sapos nau, ol i kukim long paia ol man husat i kisim bagarap long sik COVID-19 bilong pasim vaires long givim sik long planti moa man, long taim bilong ol Isrel, taim ol i kukim wanpela long paia em i mekim save bilong God long ol husat i mekim wanpela pasin nogut tru.

Livai 20:14 i tok,

Taim wanpela man husat i kisim wanpela mama na pikinini meri bilong dispela mama wantaim long kamap ol meri bilong em, dispela em i wanpela pasin i sting tru long ai bilong God. Orait, tripela wantaim olsem dispela man, mama na pikinini meri bilong dispela mama, ol bai mekim save long ol wantaim dai taim ol i kukim ol long paia.

Taim ol i givim dispela kain mekim save em i rot bilong God bilong pasim ol Isrel long mekim wanpela pasin i sting tru, na inap long ol i kamapim pret long God.

Tasol, i no olgeta daiman ol i kukim long paia. I gat ol taim we ol i bin planim daibodi, olsem ol i bin mekim long King Asa.

2 Stori 16:12,14 i tok,

12 Na Esa, long namba 39 yia em i bosim kingdom, i gat sik nogut long tupela fut bilong em, inap long sik nogut bilong em i bikpela planti moa yet. Yet, long sik nogut bilong em, em i no painim i go long BIKPELA, tasol long ol dokta.

14 Na ol i planim em long ol matmat bilong em yet, dispela em i bin wokim bilong em yet long biktaun bilong Devit, na slipim em long dispela bet i pulap wantaim ol switpela smel na ol kain kain spais ol i redim wantaim save samting bilong ol saveman bilong wokim ol spais. Na ol i wokim wanpela bikpela kukim bilong em.

Lasaras tu husat Bikpela Jisas Kraist i bin kirapim, ol i bin planim em tu insait long wanpela matmat.

Long dispela stap bilong yumi nau, pasin bilong kukim long paia ol man husat i dai bikos long sik COVID-19, em i luk olsem wanpela samting bilong mekim bilong bihainim gutpela tingting na i gat ona. Sapos yu wari long sait bilong gutpela stap bilong ol narapela man, sapos tru yu laikim tru ol, yu bai sakrifaisim ol samting yu pilim bilong tingim moa gutpela stap bilong planti.

Yumi gat wanpela as tingting insait long Baibel long mekim olsem.

1 Korin 13:3 i tok,

Sapos, bikos long pasin bilong yu bilong laikim tru ol narapela man olsem yu, yu givim bodi bilong yu bilong kukim long paia bikos yu no laikim ol narapela bai kisim sik, yu mekim wanpela pasin i gutpela tru. Tru, em i wanpela pasin bilong soim pasin bilong laikim tru.

I gat ol taim ol i kukim ol man long paia bikos ol i bin sambai long bilip na as tingting bilong ol. Olsem wanem samting i bin kamap long 300,000 man, bikpela hap bilong ol i ol Kristen, husat ol i bin kukim long paia bikos ol i bin tok nogat long kisim lotu Katolik.

Tru tru, bipo Pop Jon Pol Sekan i dai, em i bin askim long God i lusim ol sin bilong ol long dispela pasin i no gat sori Katolik Sios i bin mekim agens long ol dispela lain. Ol i bin raitim dispela long Foreign Post, 16-20 Mas 2000, long Volume 8, Namba 370.

“PLIS FOGIVIM MIPELA. VATICAN – Pop Jon Pol Sekan, taim em i hagim dispela Diwai Kros long Seint Pita Besilika bilong soim bikpela sori, long wanpela pasin bilong autim sin long pablik i no kamap yet bipo long histori bilong Roman Katolik Sios, long Sande, em i bin askim God long lusim ol sin bilong sios long 2,000 yia i go pinis. Pop i minim stret Crusades na dispela 300,000 man na meri husat ol i bin kukim long paia long Inquisition.”

Ol husat i bin agensim Katolik Sios, ol husat i no laik lotuim ol god giaman na ol piksa bilong god giaman husat ol i bin kaunim olsem ol man i gat giaman bilip. Olsem na, ol i bin kukim ol long paia long wok bilong wanem samting ol i kolim Holi Inquisition.

Insait long em yet, i no gat wanpela samting rong wantaim pasin bilong kukim daiman long paia, o taim wanpela man larim ol narapela i kukim bodi bilong em long paia, moa yet sapos yu mekim em bikos long pasin bilong yu bilong laikim tru ol narapela. Sapos i no gat narapela, long dai tu, yu inap yet long mekim sampela samting bilong helpim ol narapela man olsem yu bikos yu laikim tru ol. Na bikos yu laikim tru ol, yu no gat laik long givim sik long ol.

Bilong toktok strong moa long namba bilong pasin bilong laikim tru ol narapela, larim mi soim gen 1 Korin 13:3, dispela i tok,

Sapos yu gat pasin bilong laikim tru, yu bai larim ol narapela i stap gut.

Tru, taim yu stap long haus, em i wanpela strongpela pasin bilong agensim sik COVID-19 long go nabaut ausait. Tasol, planti manmeri i nidim long go ausait maski ol i ken kisim bagarap bikos ol i wari long sait bilong ol nid bilong ol famili bilong ol wan wan, moa yet nid bilong ol long ol samting bilong helpim ol olgeta wan wan de.

Samting tru em i olsem. Sapos yumi bai wok bung tasol long helpim ol narapela man olsem yumi husat i no gat gutpela sindaun, i no gat wanpela man bai stap hangre. I no gat wanpela man bai dai long hangre.

Mipela, insait long Sios bilong God Intenesenel, i save long dispela bikpela hevi planti man i bungim taim ol lockdown (taim gavman i tokim ol man long stap long haus tasol) na ol community quarantine (pasin bilong pasim sik long go nabaut ausait) i stap. Olsem na long liklik rot bilong mipela, mipela i wokim wok i gutpela olgeta bilong givim long ol wanlotu bilong mipela na tu ol narapela man olsem yumi ol samting ol i nidim tru olsem kaikai na marasin. Mipela i bin kamapim tu wanpela digital clinic (wanpela rot bilong ol man long toktok wantaim ol dokta long Internet) i op 24 aua na 7-pela de insait long wik, dispela bai givim lukluk long ol hevi bilong ol long sait bilong helt.

Long dispela taim bilong long sait bilong hevi long dispela graun olgeta, kain kain lotu lain i inap mekim planti samting tru bilong stretim hevi bilong gavman na bilong tekewe ol hevi bilong ol narapela man olsem yumi, o bilong ol memba bilong ol wan wan na ol man husat i bihaninim ol tasol, sapos ol i inap long mekim olsem tasol. Dispela em i taim we ol i ken soim long ol memba bilong ol olsem tru ol i gat wari long ol sindaun bilong ol na olsem ol i no laikim tasol long kisim mani bilong helpim long ol. Oltaim ol i inap givim ol samting bilong helpim ol olgeta wan wan de na ating, wanpela liklik mani tu.

Tasol narapela long givim ol samting bilong bodi sait, dispela tu em i nambawan taim bilong ol hetman lotu husat i tok olsem ol i stap ol aposel na ol Kraist, long go ausait long ol bikpela haus bilong ol na yusim pawa bilong ol, dispela ol i tok olsem ol i gat, bilong stopim dispela bikpela bagarap na oraitim ol manmeri husat i pait bilong holimpas ol laip bilong ol long ol hausik na ol narapela ples bilong lukautim ol man long helt bilong ol. Nau em i sans bilong ol bilong pruvim olsem ol i trupela na i no ol lain husat i tok olsem ol i stap sampela kain lain tasol tru ol i no gat.

Sapos ol i stap ol trupela aposel na ol trupela Kraist, em i mas isi tru long ol long oraitim sik na pinisim vaires olgeta. Tasol olsem wanem ol i no mekim wanpela samting? Ating ol i wari long ol manmeri husat i karim pen na dai? Bilong wanem ol i stap mauspas na aipas long ol hevi bilong ol man husat i gat sik COVID-19? Taim ol i pasim maus na stap isi em i minim tasol olsem tru ol i no gat wanpela pawa, olsem ol i no inap long helpim olsem ol manmeri nating, na ol ol yet i pret long dispela vaires i inap kilim ol man i dai. Na long pret bilong ol long kisim vaires, ol i no go ausait moa long ol hap bilong ol.

Nau yumi inap lukim ples klia olsem ol dispela pritsa na hetman lotu husat i hambak ol i wanpela lain bilong tok giaman. Ol i hambak olsem ol i inap long wokim ol wok bilong mekim ol man i tingting planti, olsem ol i inap tok strong long ol ensel, olsem ol i inap mekim dispela na dispela, tasol ol i stap we nau? Long hap, insait long ol bikpela haus na ol haus king bilong ol! Ol i bin mekim wanem? I no gat wanpela samting!

Kain olsem, wanpela hetman lotu, husat i tok olsem em God i makim em, tasol mi laik tok em i makim em yet, em i hambak long planti samting tru, kain olsem mekim guria long stop. Tasol em i stap we na em i bin mekim wanem? Sapos tru em i inap stopim wanpela guria, orait em i isi long em long stopim dispela vaires long go nabaut ausait moa olgeta. Tasol bilong wanem em i no inap na bilong wanem em i no mekim? Em i bikos em i wanpela giaman Kraist! Na wanem ol samting em i hambak long en ol i no wanpela samting tasol ol giaman bilip.

Olsem wanem long ol dispela pasta na pater husat i tok olsem ol i inap oraitim ol sik bilong ol man husat i laik i dai taim ol i slipim tasol ol han antap long ol sikman? Ol tu i stap we? Bilong wanem ol i no go long ol hausik we i gat ol lain husat i gat sik COVID-19 long ol hap bilong wokabaut tu? Em i moa long hap yia nau bihain long stat bilong dispela bikpela hevi long sait bilong helt na planti man tru i bin lusim laip bilong ol, tasol i no gat wanpela bilong ol i bin kam ausait na givim ol yet long slipim ol han antap long ol man. Bilong wanem? Em i bikos ol i ol giaman lain bilong oraitim sik na i no ol man bilong oraitim sik long bilip tru!

Ples klia, ol hetman lotu tu nau ol i seksek na pret nogut tru long dispela bikpela sik. Olsem na, ol i surik i go insait long ol ples hait bilong ol olsem ol meri.

Olsem rait i stap pinis insait long Jeremaia 51:30,

Sapos dispela bikpela sik i bin kamap long taim bilong Bikpela Jisas Kraist na ol aposel, klia tru ol bai go ausait long rot bilong ol bilong kamap long olgeta husat i kisim vaires na oraitim ol bikos tru ol i gat pawa bilong oraitim ol sikman.

Long dispela taim trupela Kraist i stap yet long dispela graun, Em i bin oraitim olgeta kain sik. Em i bin kirapim ol daiman tu. Em i bin stap wankain long ol trupela aposel.

Matyu 10:1 i tok,

God i bin givim long ol aposel tu dispela pawa bilong oraitim olgeta kain sik na ol i no givim baksait long wanpela. Dispela i minim olsem pawa bilong ol bilong oraitim sik bai inap tu long sik COVID-19. Olsem trupela Kraist, ol tu i bin inap long kirapim wanpela man husat i dai pinis, i no olsem ol giaman Kraist na ol giaman aposel husat i pulap tru long dispela taim.

Tasol i no gat wanpela bilong mipela insait long Sios bilong God Intenesenel i bin mekim wanpela tok olsem mipela i ol aposel o olsem mipela i stap Kraist. I no gat wanpela taim mipela i tok olsem mipela i gat pawa bilong oraitim wanpela kain sik. Wanem taim wanpela bilong mipela i kamap sik, mipela i beten long God. Mipela i askim long sori bilong Em. Na taim mipela i kamap orait, mipela i luksave olsem em i God husat i bin oraitim mipela bikos mipela i bilip olsem ol laip bilong mipela i stap long tupela han bilong Em.

Olsem rait i stap pinis insait long Lo 32:39,

Lukluk nau long Mi, yes Mi stap Em na i no gat wanpela god i stap wantaim Mi. Mi kilim i dai pinis na Mi mekim ol i stap laip. Mi givim sua long pait na Mi mekim ol i kamap orait gen. Na i no gat wanpela i ken lusim ol long han bilong Mi.

Long ol dispela taim nogut, hop bilong yumi wanpela tasol em i sori bilong God. I no gat narapela husat yumi inap go long en tasol God olsem na oltaim yumi ken prea bilong kisim sori bilong Em. Long sori bilong Em, na sapos em i no agensim laik bilong Em, yumi bai inap long abrusim dispela bikpela hevi bilong dispela graun olgeta long sait bilong helt.

Nau yet, ol tu husat i no bilip long God i inap pilim strong na pawa bilong Em. Taim God i salim wanpela bikpela bagarap, dispela graun olgeta i inap pilim strong bilong em.

Wantaim ol dispela samting i kamap nau, tru mi no inap long lus tingting long wanpela bilong ol dispela samting God i bin kamapim ples klia long Jon.

Insait long Revelesen 6:8, em i tok,

Dispela man i sindaun antap long hos i waitpela liklik em i bin kisim pawa bilong kilim i dai wanpela bilong fopela hap bilong ol man bilong dispela graun long kain kain ol rot olsem bainat o woa, bikpela hangre, ol bikpela sik o bikpela bagarap, na ol wel animal bilong dispela graun.

Dispela vaires i kam bagarapim man nau ol i tok olsem em i kam long ol bat, ol snek, na ol pangolin, ol dispela i stap namel long ol wel animal i no klin na i sting tru. Nogut dispela vaires i stap insait long ol bat i bin bung wantaim dispela vaires i stap insait long ol snek, na dispela vaires i kamap taim tupela i kamap wanpela em i bung wantaim dispela vaires i stap insait long ol pangolin. Ol olgeta i ol wel animal. Ol i no ol animal ol man i lukautim. Na ol i no sapos long stap long wanpela ples. Tasol, ol olgeta i stap redi long wanpela maket long Wuhan long Saina we wanpela nupela koronavaires i strong tumas, dispela COVID-19, i bin kamap. Na dispela koronavaires i senis hariap tru, i no olsem wanpela vaires nating husat planti taim senis bilong em i kamap bihain long sampela yia.

Mi strong long lukluk long ol dispela samting i kamap long dispela graun nau, na bihain, ol i poin long ol samting i kamap nabaut, dispela i stap long Revelesen 6:8. Narapela long dispela bikpela bagarap nau, i gat ol woa na ol strongpela pait tu long olgeta hap. Yu inap lukim ol namel long ol kantri na insait long ol kantri. Ol man i stap hangre. I gat ol trabel i stap. Sapos wanem samting yumi bungim nau em i dispela bikpela bagarap dispela man i sindaun long hos i waitpela liklik i bringim, em bai minim planti man tru bai lusim laip bilong ol bikos em i bin kisim pawa antap long wanpela bilong fopela hap bilong dispela graun. Em i minim olsem, sapos namba bilong ol man antap long dispela graun nau em i et bilien, em bai minim dai bilong tu bilien manmeri nabaut.

Yumi inap hop na prea tasol olsem em i no dispela yet dispela wok bilong man i sindaun long hos i waitpela liklik. Tasol tru, sapos em i laik bilong God, yumi no agens long em. Nambawan, yumi save olsem God i makim yumi olgeta long dai.

Laik bilong yumi nau, taim God i givim yumi sans, em i long autim yet gutnius, bilong senisim bilip bilong ol man bilong kamapim bilip tru na pret long God, skulim ol long laikim tru ol narapela man olsem ol yet, givim tingting long ol long yusim ol laip bilong ol God i givim long gutpela as tingting, na bihain, stiaim ol long wokim wok long God olsem na ol bai kamap inap tru long kisim bek.

God i ken helpim yumi na Em i ken gat sori antap long yumi olgeta.Em i ken oraitim ol sikman. Em i ken oraitim hap graun bilong yumi.