Wanem Stretim bilong ol Hevi bilong Olgeta Manmeri We Ol i Luk Olsem i No Gat Pinis bilong Ol?

July 03, 2019 0 Comentarios


Ol hevi bilong olgeta manmeri nau olsem mak bilong raskol pasin i antap, hangre, ol trabel bilong politiks, pundaun bilong ekonomi na ol narapela bikpela wari bilong man, Baibel i soim wanpela stretim bilong ol o nogat?

Tru tru, Baibel o ol tok bilong God insait long Baibel ol olgeta i gat stretim i gutpela olgeta bilong olgeta wan wan hevi bilong olgeta manmeri. Na stretim em i pasin bilong mekim nupela.

Pasin bilong mekim nupela. Pasin bilong mekim nupela bai kamap long wanem rot? Baibel i kolim em long narapela ol tok olsem pasin bilong stretim bek, pasin bilong mekim nupela, pasin bilong kamap nupela gen, i go i go. Olsem na i gat planti tok i stap insait long Baibel. Tasol long wanem rot bai em i kamap? Long wanem rot bai em i kamap inap tru? Yumi ken ritim insait long Buk bilong Aisea 65:17.

AISEA 65:17
Long wanem, harim, Mi kirapim long nating ol nupela heven na nupela dispela graun, na ol i no holim long tingting o i kamap long tingting gen ol dispela samting i bin stap pastaim.

Ves i tokim yumi, "Mi kirapim long nating ol nupela heven na nupela dispela graun." Olsem na i no gat nid long God bai stretim dispela graun o bai i mekim dispela graun nau long i stap. Long wanem, ol pasin bilong sakim lo, ol pasin bilong kilim man ol i mekim dispela graun long kamap doti. Blut bilong ol man, ol man husat i no bin mekim rong, em i bin kapsait antap long dispela graun, em i bin mekim dispela graun long kamap doti. Dispela graun nau i bihainim rot bilong bagarapim olgeta na bai em i bagarap olgeta bihain olgeta. "Mi kirapim long nating ol nupela heven na nupela dispela graun." Nau, bai dispela i kamap, o? Yumi ken ritim samting olsem driman Jon i bin lukim, insait long Buk bilong Revelesen.

REVELESEN 21:1
Na mi lukim nupela heven na nupela graun. Long wanem, namba wan heven na namba wan graun i pinis olgeta. Na i no gat solwara moa.

Nupela heven na nupela graun, insait long nupela graun, bai i no gat solwara moa. Ol Jihova Witnes i skulim yumi olsem dispela graun bai God i stretim tasol, bai solwara i stap. Olsem na, bilip bilong Ol Jihova Witnes i no bihainim holi revelesen God i bin givim long Jon. Long wanem, Jon i witnes stret long yumi long wanem samting em i bin lukim. Yumi ken ritim 22:18 bilong Buk bilong Revelesen.

REVELESEN 22:18-19
18 Long wanem, mi tokaut klia long olgeta wan wan man husat i harim ol toktok bilong tok profet bilong dispela buk, Sapos wanpela man bai skruim tok long ol dispela samting, God bai skruim long em ol dispela bikpela hevi Em i raitim insait long dispela buk.
19 Na sapos wanpela man bai tekewe long ol toktok bilong buk bilong dispela tok profet, God bai tekewe hap bilong em ausait long buk bilong laip, na ausait long dispela biktaun holi, na long ol dispela samting ol i raitim insait long dispela buk.

Testimoni bilong Jon i wanpela testimoni i inap olgeta. Em i gat tok lukaut tu bilong testimoni em i bin kisim. Wanpela testimoni i kam long wanpela witnes.

Jon em i wanpela witnes yu inap bilipim. Em i no toktok long wanpela giaman. Tru tru, em i bin raitim wanpela strongpela tok lukaut i go long ol husat bai yusim dispela buk, yu noken skruim tok, yu noken rausim tok.

Bilip bilong Ol Jihova Witnes olsem dispela graun bai i stap oltaim na dispela bai kamap paradais em i no tru. Ol i witnes long sampela samting ol i no klia long en, olsem dispela graun bai stap oltaim na bai solwara stap tu. Nogat. Bai i no gat solwara moa insait long nupela graun olsem Baibel i tok. Long wanem rot yumi ken pruvim olsem dispela graun na heven yumi lukim nau bai i pinis? Yumi ken ritim Buk bilong 2 Pita Sapta 3:10.

2 PITA 3:10
Tasol de bilong Bikpela bai kam olsem stilman long nait. Insait long dispela ol heven bai pinis olgeta wantaim wanpela bikpela nois, na ol samting bai kuk i olsem wara wantaim hat i hatpela tru, dispela graun tu na ol dispela wok i stap insait long en bai kuk olgeta.

"Heven bai pinis olgeta wantaim wanpela bikpela nois, na ol samting bai kuk i olsem wara wantaim hat i hatpela tru, dispela graun tu na ol dispela wok i stap insait long en bai kuk olgeta." Olsem na, dispela graun bai kuk long paia, ol samting bai kuk i olsem wara, na tru tumas em i ken kamap. Long wanpela rot ol i kolim nukliyar fisen, ol samting bai kuk i olsem wara na dispela graun bai i pinis na em i tru, Jon i bin lukim em. "Na mi lukim nupela heven na nupela graun. Long wanem, namba wan heven na namba wan graun i pinis olgeta. Na i no gat solwara moa." Olsem na, em i tok yes long ol toktok bilong Jisas Kraist insait long Matyu Sapta 24, "Heven na dispela graun bai pinis olgeta, tasol ol tok bilong Mi bai i no inap pinis olgeta." Dispela em i tok tru Baibel i toktok long en.

Olsem na wanem stretim bilong dispela? Bai i gat taim bilong kamap nupela gen. Olgeta samting bai kamap nupela gen, em i no taim bilong stretim tasol. Em i no taim bilong stretim tasol, em bai kamap taim bilong kirapim ol samting long nating. "Mi kirapim long nating ol nupela heven na nupela dispela graun," God i bin tok. Na taim Em i tok, Em i kirapim long nating, dispela tok "kirapim long nating" em i bilong sampela samting long kamap bilong stap.

Stretim em i olsem God i pinisim olgeta samting i nogut, bai i gat pinis bilong olgeta samting i nogut. Mi sori tasol long Ol Jihova Witnes i bin autim tok profet long dispela pinis planti taim tru na ol bin popaia. Ol bin autim tok profet olsem pinis bai kamap long 1914, na bihain long 1923, na bihain long 1975, na bihain long 1994 na dispela olgeta ol yia i bin popaia, bilong pruvim long yumi olsem Ol Jihova Witnes o Watchtower Bible and Tract Society em i piksa bilong ol giaman profet i stap long Amerika na i giamanim stret ol man husat i bihainim ol long olgeta hap bilong dispela graun.

Watchtower Bible and Tract Society em i wanpela piksa bilong wanpela giaman profet husat Kraist i bin toktok long en insait long namba wan handet yia. Bai i gat ol giaman profet na ol giaman Kraist. Wanpela giaman profet i toktok long ol samting i no kamap! Taim Ol Jihova Witnes i bin autim tok profet long

Amageden bai kamap long 1914, ol bin popaia. Bihain planti moa ol yia bin kamap na bihain olgeta long 1975 planti ol Jihova Witnes i bin lusim oganaisesen bilong ol, long wanem ol i bin luksave long ol tok giaman na samting i no tru ol i lainim long ol.

Mi sori long toktok long dispela tasol em i wanpela hap bilong tok tru. Em i hap bilong histori na mi no save tasol sapos yumi ken yusim dispela vidio. Mi gat wanpela vidio hia bilong ol memba bipo bilong Ol Jihova Witnes husat i toktok long ol manmeri olsem tru tru ol i bin giamanim ol. Em i bin plen long stadim lo tasol em i no bin inap long bihainim moa, long wanem, pasto bilong ol i tok, "Em i 18-pela mun tasol i go long Amageden, Brada," "12-pela mun i go long Amageden, Brada," "6-pela mun i go long Amageden, Brada," em i bin olsem long 1975. Na em i bin lusim oganaisesen na tok, mi tingting tasol nau olsem wanem ol i tok olsem, "Em i 12-pela mun bihain long Amageden, Brada."


Mi laikim stret long harim dispela dokumenteri bilong Jeremaia, long wanem, em i kamapim ples klia ol tok giaman bilong ol Jihova Witnes. Nau, long dispela askim, wanem stretim bilong olgeta dispela samting i no orait i kamap nau long olgeta manmeri, stretim i olsem, bai God i pinisim ol pasin nogut bilong dispela graun taim Bikpela Jisas Kraist i kam na bai Kraist i soim wanpela gavman i no gat doti long 1,000 yia. Las sans bilong senis bai God i givim long olgeta manmeri na bihain long taim bilong 1,000 yia pinis bilong dispela graun bai kamap! Bihain long pinis bilong dispela graun, Aposel Jon em i wanpela witnes long dispela, "Mi lukim nupela heven na nupela graun." Em i bin tok, long wanem, namba wan heven na namba wan graun i go pinis, i no stap moa. Solwara i no stap moa. Mi hop long dispela i inapim dispela askim.

Tok Lukaut: Ol lain bilong tanim tok bilong mipela ol i lukaut na yusim gut tru save bilong ol taim ol i bin tanim dispela blog i go long Tok Pisin. Tasol, ControversyExtraordinary.com i no tok olsem olgeta infomesen ol i bin tanim i no gat asua bikos long sampela ol samting. Taim i gat sampela asua namel long rait i nambawan tru i stap long tok Inglis na rait ol i bin tanim long Tok Pisin, rait i nambawan tru i stap long tok Inglis i winim narapela oltaim.

0 comments: