Jisas Kraist Em i God, a? Husat Mas i Stap As bilong Bekim bilong Yumi?
Wanpela man o meri husat i tingting gut em i noken wokim bilip o skelim bilong em yet long sait bilong Bikpela Jisas Kraist long wanem, namba wan, bilip i kam long God. Yumi noken bilip nating long wanpela samting yumi gat laik long bilipim. Bilip bilong yumi mas i gat wanpela as bilong en oltaim.
Dispela tupela hap tok long Inglis olsem “faith” na “belief”, ol i wankain. Hibru 11:1 i tok,
“Nau bilip tru em i samting tru bilong ol samting yumi gat hop long en, samting bilong truim bilong ol
samting yumi no lukim.”
Olsem na, pasin bilong bilip tru i sanap antap long sampela samting yumi no inap lukim. Pasin bilong bilip tru em i gat samting bilong ol samting yumi no lukim. Em i samting bilong truim o pruvim bilong ol samting yumi no lukim.
Tasol, ating i yes long em i minim olsem, bai yumi wokim bilip bilong yumi, long wanem i gat ol samting yumi no inap lukim tasol? O, bai yumi harim Wanpela husat inap lukim olgeta samting? Kolosi 1:15-16 i tok,
“Husat Em i piksa bilong God man i no inap long lukim, namba wan pikinini bilong olgeta wan wan
samting God i wokim. Long wanem, long wok bilong Em Em i kamapim olgeta samting long nating,
dispela i stap long heven, na dispela i stap long dispela graun, samting man i inap long lukim, na samting
man i no inap long lukim,”
Olsem na, i gat ol samting ai i inap lukim na ai i no inap lukim. Tasol long ai bilong God, bai i gat nid long brukim ol samting ai i inap lukim long ol samting ai i no inap lukim, o? Nogat nid! Long wanem, long ai bilong God, i no gat wanpela samting Em i no inap lukim! Hibru 4:13 i tok,
“Na tu i no gat wanpela samting God i kamapim husat i no stap klia tru long hap ai bilong Em i lukim.
Tasol olgeta samting i stap skin nating na op long ol ai bilong Em husat yumi gat wok wantaim Em.”
Olsem na, long sait bilong God, i no gat wanpela samting ai i no inap lukim. Taim Aposel Pol i bin tok olsem God i bin kamapim long nating olgeta samting insait long Kraist, olsem Kolosi i tok, ol samting i stap long heven, ol samting i stap long dispela graun, ai i inap lukim na ai i no inap lukim, em i bin toktok long dispela i go long olgeta manmeri, i no long ol ensel, long wanem, ol ensel inap lukim God. Ol samting ai bilong yumi ol man i no inap lukim, ai bilong ol ensel i inap lukim, tasol moa yet long ai bilong God, long wanem, nogat wanpela samting ai bilong Em i no inap lukim. Tasol larim mi tok tu olsem i gat ol samting ai bilong ol man i no inap lukim tasol ol animal i inap lukim. Ol pisin balus, em i wanpela piksa, ol i inap lukim kain lait ol i kolim ultravailet we ai nating bilong man i no inap lukim. Tasol long God, nogat samting ai i no inap lukim. Ai bilong Em inap lukim olgeta samting, olsem Baibel i tok.
Nau, sapos i no gat wanpela samting ai bilong God i no inap lukim, wanem pinis bilong toktok bilong yumi? Jisas Kraist Em i God, o? Bilong wanem mi bin go pastaim long ol samting ai i no inap lukim? Yumi no bilip nating, tasol yumi putim bilip long God husat i inap lukim olgeta samting. Olsem mi tok pinis, long ai bilong God, i no gat wanpela samting ai i no inap lukim. Olgeta samting i stap ples klia long ai bilong Em. Sapos bai yumi bilip, bilip bilong yumi mas sanap antap long save i kam long Wanpela husat i inap lukim olgeta samting. Taim yumi toktok long bilip na pasin bilong bilip tru yumi mas sanap antap long toktok bilong dispela Wanpela husat i inap lukim olgeta samting olsem na i nogat man bai inap paulim yumi.
Taim Bikpela Jisas Kraist i bin kam daun long dispela graun, Em i bin toktok long yumi long sait bilong ol samting ai i no inap lukim, na ol manmeri mas putim bilip long Em, long wanem, Em i kam long dispela hap ai i no inap lukim - Em i kam long hap bilong ol spirit. Em bin i kam long heven. Em i wanpela as bilong bilip yu inap bilip long en, long wanem, Em i inap lukim olgeta samting. Em i inap lukim wanem ol samting yumi no inap lukim. Taim yumi hop, yumi no hop long ol samting yumi lukim pinis, na yumi no bilip long ol samting bikos yumi lukim ol. Yumi bilip, long wanem, Wanpela yu inap bilip long En tru Em i tokim yumi long bilipim ol samting ai i no inap lukim, long wanem, Em i bin lukim em, na dispela Wanpela Em i Bikpela bilong yumi Jisas Kraist. Jon 3:12 i tok,
“Sapos Mi bin tokim yupela long ol samting bilong dispela graun, na yupela i no bilip, yupela bai bilip
olsem wanem, sapos Mi tokim yupela long ol samting bilong heven?”
Dispela em i askim Bikpela Jisas Kraist i bin askim. Sapos Mi bin tokim yupela long ol samting bilong dispela graun, ol samting ai bilong yupela i inap lukim, ol samting yupela inap skelim na yupela no bilip, olsem wanem bai yupela bilip sapos Mi tokim yupela long ol samting bilong heven? Emi nap tokim yumi long ol samting bilong heven, ol samting ai bilong yumi i no inap lukim. Olsem na, yumi inap bilip na putim bilip long toktok bilong Em, long wanem, Em i wanpela as bilong save yu inap bilip long en. Bikpela Jisas Kraist inap lukim olgeta samting. Em inap lukim ol samting yumi ol man i no inap lukim.
Jisas Kraist Em i wanpela God, o? Sapos Em i no wanpela God, bai Em i no inap long lukim olgeta samting. TASOL Em i inap lukim olgeta samting, a? Jon 2:24-25 i tok,
“Tasol Jisas i no bin givim Em yet long ol, bilong wanem, Em i save long olgeta man, Na Em i no gat nid
long wanpela mas tokaut klia long man. Long wanem, Em i save wanem samting i stap insait long man.”
Ves i tok olsem, Jisas i no bin givim Em Yet long ol, long wanem Em i save long olgeta man. Na bai em i no kranki sapos mi tok olsem Em i save long olgeta SAMTING GOD I BIN WOKIM. Em i save long olgeta ensel, olgeta spirit nogut, olgeta ensel bilong seten, na Em i save long olgeta ol man. Em i klia tru long olgeta wan wan samting God i bin wokim. Yumi ken ritim Sam 147:4, we em i tok olsem,
“Em i save makim namba bilong ol sta. Em i save kolim nem bilong olgeta bilong ol.”
I gat ol sta we ol man bilong stadim heven ol i no inap givim nem moa long ol, long wanem, ol i no gat inap ol nem moa long kolim dispela ol sta. Olsem na, ol i kolim tasol olsem NS25... i go i go. Sampela taim ol man i kolim ol i bihainim ol bung bilong ol sta ol i save kolim konstelesen olsem Vigo na Bik Dipa. TASOL God i save long ol nem bilong olgeta dispela ol sta. Em i kolim ol long ol nem bilong ol.
Nau, poin bilong mi i olsem, Bikpela Jisas Kraist Em i no man. EM I GOD. Bilong wanem? Em i inap lukim bel bilong ol man. Na dispela kain save i bilong God tasol. Long dispela as Em i wanpela God - wanpela bilong Godhet.
Na nau, dispela Godhet Em i wanem? Godhet Em i PAPA, PIKININI MAN na HOLI SPIRIT. Ol i stap ol hap bilong Godhet - dispela tripela pawa insait long heven na insait long dispela graun. Long dispela as Bikpela Jisas Kraist i bin tok, "baptaisim ol long nem bilong Papa, bilong Pikinini Man na bilong Holi Spirit." Ol i ol memba bilong Godhet. Tru tru, hap tok "Elohim" long tok Hibru em i wanpela nem i gat namba moa long wanpela insait long en. Em i wanpela nem i stap wan tasol em i gat namba moa long wanpela insait long en. Olsem hap tok famili tasol, we em i wanpela nem i stap wan tasol, tasol insait long em namba i moa long wanpela. I gat planti ol lain insait long em - papa, mama, ol pikinini, ol tumbuna na ol tumbuna pikinini. Wankain samting i tru wantaim hap tok "Elohim". Long tok Hibru em i minim namba insait long em i moa long wanpela. Dispela hap tok "Eloah", em i minim God, planti bilong dispela, em i "Elohim". "Elohim" em i dispela Godhet. Elohim bin tok, larim Yumi wokim man long piksa bilong Yumi, i bihainim lukluk bilong Yumi. Em i bin toktok long wanpela memba bilong Godhet. Bikpela Jisas Kraist Em i wanpela memba bilong Godhet olsem na, Em i God. Mi hop olsem ol man i klia tru long dispela.
Tok Lukaut: Ol lain bilong tanim tok bilong mipela ol i lukaut na yusim gut tru save bilong ol taim ol i bin tanim dispela blog i go long Tok Pisin. Tasol, ControversyExtraordinary.com i no tok olsem olgeta infomesen ol i bin tanim i no gat asua bikos long sampela ol samting. Taim i gat sampela asua namel long rait i nambawan tru i stap long tok Inglis na rait ol i bin tanim long Tok Pisin, rait i nambawan tru i stap long tok Inglis i winim narapela oltaim.
0 comments: